مۇمكىندىككە ۇيلەس مىندەت

ەلىمىزدىڭ  يندۋستريالاندىرۋ كار­تاسىنا ەنگەن 162 جوبانىڭ 16-سى قاراعاندى وڭىرىندە ىسكە اسىرىلعالى تۇر. سولاردىڭ ىشىندە جاڭاارقا اۋدانى اۋماعىنداعى “جالىن” جانە “باپى” كەن ورىندارىندا كومىر, تەمىر كون­تسەنت­راتىن, “سارى قازىنا” كاسىپ­ورنىندا مىس ءوندىرۋ, “قازبەلاز” بىرلەسكەن ءوندىرىسىن قۇرۋ سياقتى ءىرى ىستەر تاياۋ ارادا قولعا الىنادى. بۇعان بايلانىستى بۇكىل دايىندىق جۇمىس­تارى تولىعىنان اياقتالدى. جاڭاارقا جاقتا تابىلعان كومىر قورى 50 ميلليون توننانى  قۇرايدى. بيىل 500 مىڭ توننا وتىن جەر-جەرگە جونەلتىلەدى.  ال كەلەسى جىلى ءوندىرىلۋ كولەمى ەكى ەسەگە ارتاتىندىعى كۇتىلۋدە. اشىق ادىسپەن شىعارىلاتىن بۇل قازىنانىڭ  ايماقتاعى  جىلۋ جانە ەلەكتر زنەرگەتيكاسى سالاسىنىڭ سۇرانى­مىن قاناعاتتاندىرۋعا قوسار ۇلەسى ۇلكەن بولماق. جانۋ قىزۋى وتە جوعارى ءارى  ۇزاق ساقتالاتىن كومىر سانالعاندىقتان وتىمدىلىگىنە ەش الاڭداۋشىلىق جوق. ءوندىرىس قىزعان جەردىڭ تىنىسى دا كەڭيتىندىگى بەلگىلى. جۇمىسىن باستاماق جاڭا كەن ورىندارىنا  ازاماتتاردى  ەڭبەككە قامتۋ جۇرگىزىلىپ جاتىر. جەر­گىلىكتى بيلىك ورگاندارىمەن كەلىسىمگە سايكەس ءبىرىنشى كەزەكتە ءتيىستى مامان­دىقتارى بار جاستار ءوز وڭىرلەرىندەگى وزگەرىستەردى ورلەتۋگە تارتىلادى. يندۋستريالىق-يننوۆاتسيالىق  دامۋدى جەدەلدەتۋگە كوزدەلگەن  جوبالاردىڭ قاتارىندا مايقۇدىق قۇس فابريكاسىنىڭ قۋاتىن ۇلعايتۋ  ماڭىزدى ورىن الادى. بۇل ماقسات ءۇشىن 1 ملرد. 935 ميلليون تەڭگە بولىنگەن. وسىدان-اق جۇمىس اۋقىمدىلىعى قاندايلىق ەكەنى اڭعارىلاتىنى انىق. الايدا,  ءوندىرىستى  وركەندەتۋدىڭ بارلىق شارالارى بىردەي جول تاۋىپ جاتپاعاندىعى جاسىرىن ەمەس. ماسەلەن, جۇمىسىن باستاماي جاتىپ توقىراۋعا تاپ بولعان كرەمني زاۋىتىنىڭ الداعى تاعدىرى ب ۇلىڭعىر قالپىندا قالىپ  وتىر. ونى سالعان “سيليتسۋم قازاق­ستان” كومپانياسى كومەك تىلەيدى. قازىر بۇل ماسەلە ءمانىسى ءبىرجولا ايقىندالۋ ۇستىندە. تىنىسىنا دەم ءبىتىرۋدىڭ ءتۇرلى ءىس-شارالارى ويلاستىرىلىپ, قاراستى­رىلۋدا. سەلولىق وڭىرلەردى دامىتۋعا ار­نالعان ەكىجىلدىق باعدارلاما بويىنشا تۇرعىندارى از ەلدى مەكەندەردى وڭتايلاندىرۋ ىسكە اسىرۋ كوزدەلەدى.  بۇعان سەپ وبلىستا  مۇنداي شاعىن اۋىلدار كوپ. ماسەلەن, ءتۇتىن سانى 50-دەن اسپايتىن 128 اۋىل بار. ولار الىس تۇكپىرلەردە ورنالاسقان. ارقايسىسىندا بيۋدجەتتىك قارجى ەسەبىنەن  كلۋب, مونشا سالۋدىڭ ءجونى شامالى. ونىڭ ورنىنا تۇكپىردەگى قىستاقتار تۇرعىن­دارىنىڭ حالىق كوبىرەك شوعىرلانعان قونىستارعا كوشۋىنە كومەك كورسەتىلگەنى ءتيىمدى سانالادى. بۇل دا كۇن تارتىبىندەگى ماڭىزدى شارا. سونىمەن بىرگە,  فارماتسەۆتيكانى, ءىت- تەحنولوگيانى, نانوتەحنولوگيانى, ءتۋريزمدى دامىتۋعا باسا نازار اۋدارىلۋدا. الداعى ۋاقىتتا تەڭدەسسىز باسىمدىقتى يەلەنەتىن بۇل بۋىنداردىڭ بەرىك ىرگەتاسىن قالاۋ بۇگىنگى وزەكتى ماسەلە. ونىڭ الدىڭعى ساپىنان تانىلۋ وبلىس ۇستانعان نەگىزگى باعىت. ايقىن نەسىپباي. قاراعاندى.