اۋىل تۇرعىندارى عالامتوردى پايدالانادى

ەلباسىنىڭ بيىلعى جولداۋىندا الىس ەلدى مەكەندەردەگى اۆتوجولدار مەن مەكتەپ, اۋرۋحانا, مادەنيەت پەن سپورت, حالىققا قىزمەت كورسەتەتىن نىسانداردى جوندەۋدىڭ ماڭىزدىلىعى اتاپ كورسەتىلىپ, مۇنداي اسا ماڭىزدى جۇمىستىڭ تۇڭعىش رەت قولعا الىنعانى ايتىلعان-دى. حالىق ول ءۇشىن ريزا, ءارى ەرتەڭگى كۇندەرىنە دەگەن سەنىمدەرىن نىعايتۋعا تولىق نەگىز بار. وسىنداي جايدارمان جاڭالىق ناۋرىزدىڭ العاشقى ونكۇندىگىندە جامبىل اۋدانىنداعى اققاينار اۋىلىندا جالعاسىپ, پوشتا عيماراتى پايدالانۋعا بەرىلدى. شاعىن اۋىل تۇرعىندارى بۇدان بىلاي عالامتور ارقىلى بايلانىسقا شىعىپ, زەينەت­اقى, حات-حابار الۋلارىنا, اقشا اۋ­دارۋدىڭ باسقا دا بانكتىك وپەراتسيا­لارىن ورىنداۋلارىنا مۇمكىندىك جاسالدى. جاڭا جوبادا سالىنعان عي­ماراتتىڭ اشىلۋ راسىمىنە رەسپۋب­ليكالىق “قازپوچتا” اكتسيونەرلىك قوعامىنىڭ پرەزيدەنتى داۋرەن مول­داعاليەۆ قاتىسىپ,  بۇدان بىلاي پوشتا قىزمەتى دە ءححى عاسىردىڭ حالقىنا جوعارى سۇرانىسپەن قىزمەت كورسەتە­تىنىنە توقتالدى. سوڭعى ەكى جىلدا جاڭا جوبادا سالىنعان وسىنداي حالىققا قىزمەت كورسەتەتىن ماڭىزدى الەۋمەتتىك نىسان قاتارى وبلىستا 80-گە جۋىقتاپتى. اتالعان اۋداندا عانا سەگىز پوشتا عيماراتى جاڭارعان ەكەن. وسى جيىنعا قاتىسقان قاستەك, سۇرانشى باتىر, تاعى باسقا اۋىلداردان كەل­گەندەر دە پوشتا قىزمەتىنىڭ جاقسا­راتىنىنا دەگەن سەنىمدەرىن ءبىلدىردى. وڭىردەگى “قازپوچتا” اكتسيونەرلىك قوعامىنىڭ باسشىلىعى ءجيى اۋىسىپ, مۇنىڭ ءوزى حالىققا كورسەتىلەتىن قىزمەتكە دە اسەرىن تيگىزگەنىن ايتقان ءجون. اتالعان باسقارمانىڭ جاڭا باسشىسى بينالي ىسقاق تاجىريبەلى مامان ءارى قارجى سالاسىنىڭ بىلگىرى سا­نالعاندىقتان جەتى­سۋلىقتارعا الەۋ­مەتتىك قىزمەت كورسە­تەتىن سالاداعى جۇ­مىس جانداندى­رى­لىپ, ءتارتىپ پەن تا­لاپتى بۇگىنگى ۋا­قىتپەن ۇندەس ءجۇر­گىزۋگە بەت بۇرعانىن دا كوپشىلىك سەزىنۋدە. اسىرەسە, حالىقتىڭ كۇندەلىكتى باسىلىمداردى ۋاقىتىلى الۋىنا  قول جەتكىزىلگەنى قۋانىشتى. باسقا دا قىزمەت تۇرلەرىنىڭ ساپاسى نىعايۋدا. اققاينارلىقتار اتىنان ەڭبەك ارداگەرى تۇرىسجان تۇڭعاتاروۆ, اۋدان اكىمىنىڭ ورىنباسارى جانداربەك دالاباەۆ, قازاق ۇلتتىق اگرارلىق ۋنيۆەرسيتەتىنىڭ اپپارات باسشىسى ماناربەك ءىزباساروۆ, تاعى باسقالار جاعىمدى جاڭالىقپەن اۋىل حالقىن قۇتتىقتادى. اۋىل حالقى بۇل كۇندى مەرەكەگە اينالدىرسا, اجەلەر شاشۋ شاشىپ, ونەرپازدار ونەرلەرىن كورسەتتى. كۇمىسجان بايجان. الماتى وبلىسى.