ايماقتار • 08 قاراشا، 2019

بقو اكىمىنىڭ جاڭا ورىنباسارى تاعايىندالدى

27 رەتكورسەتىلدى

پرەزيدەنت اكىمشىلىگى كەلىسىمىمەن تيمۋرجان اديەت ۇلى شاكىموۆ باتىس قازاقستان وبلىسى اكىمىنىڭ ورىنباسارى بولىپ تاعايىندالدى دەپ حابارلادى قازاقپارات.



وبلىس اكىمىنىڭ ءباسپاسوز قىزمەتىنەن تۇسكەن مالىمەتكە قاراعاندا، تيمۋرجان اديەت ۇلى 1962 جىلى دۇنيەگە كەلگەن. ءبىلىمى جوعارى. ا.ميكويان اتىنداعى كۋيبىشەۆ ينجەنەرلىك-قۇرىلىس ينستيتۋتىن ينجەنەر-قۇرىلىسشى ماماندىعى بويىنشا بىتىرگەن.

ەڭبەك جولىن كامەن (قازىر تاسقالا) اۋدانىنداعى لەنين اتىنداعى كەڭشاردا قۇرىلىس ۋچاسكەسىنىڭ شەبەرى، پرورابى قىزمەتتەرىنەن باستادى. ءار جىلدارى «كازتورگستروي» ترەسى ورال قۇرىلىس ۋچاسكەسىنىڭ باس ينجەنەرى، بقو ينفراقۇرىلىم جانە قۇرىلىس باسقارماسىنىڭ باسشىسى – باس ساۋلەتشى، يندۋستريا مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى باسقارماسىنىڭ باسشىسى، باتىس قازاقستان جانە اتىراۋ وبلىسى اكىمدەرىنىڭ ورىنباسارى بولدى.

جاڭا ورىنباسار ەنەرگەتيكا، تۇرعىن ءۇي-كوممۋنالدىق شارۋاشىلىعى، ساۋلەت جانە قۇرىلىس، جولاۋشىلار كولىگى جانە اۆتوموبيل جولدارى سالالارىنا جەتەكشىلىك ەتەتىن بولادى. بۇعان دەيىن وبلىس اكىمىنىڭ ورىنباسارى قىزمەتىن اتقارعان باعدات ازباەۆ ءوز ەركىمەن جۇمىستان بوساپ، ەلوردالىق ءىرى كومپانيالاردىڭ ءبىرى – «استانا تازالىق» جشس-نىڭ باسشىسى قىزمەتىنە اۋىستى.



سوڭعى جاڭالىقتار

ۇقساس جاڭالىقتار