ب.ساپارباەۆ جەڭىستىڭ 75 جىلدىعىنا وراي اراداگەرلەرگە بىرىڭعاي تولەم كولەمىن بەلگىلەۋدى تاپسىردى

ۇكىمەت • 08 قاراشا، 2019

ب.ساپارباەۆ جەڭىستىڭ 75 جىلدىعىنا وراي وتىرىس وتكىزدى

43 رەت كورسەتىلدى

ۇكىمەت ۇيىندە پرەمەر-ءمينيستردىڭ ورىنباسارى بەردىبەك ساپارباەۆتىڭ توراعالىعىمەن ۇلى وتان سوعىسىنداعى جەڭىستىڭ 75 جىلدىعىن قازاقستان رەسپۋبليكاسىندا اتاپ ءوتۋ جانە وعان دايىندىقتى ۇيىمداستىرۋ جونىندەگى ۆەدومستۆوارالىق كوميسسيانىڭ وتىرىسى ءوتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

Egemen Qazaqstan

قورعانىس ءمينيسترىنىڭ ءبىرىنشى ورىنباسارى - قارۋلى كۇشتەردىڭ باس شتابىنىڭ باستىعى مۇرات بەكتانوۆ ءتىيستى شارالار جوسپارىنىڭ جوباسى تۋرالى اقپاراتتى ۇسىندى. اتاپ ايتقاندا، جەڭىستىڭ مەرەيتولىق جىلىندا مىناداي ءىس-شارالار جوسپارلانعان:

اسكەري شەرۋ وتكىزۋ;

ۇوس جىلدارى قازا تاپقان قازاقستاندىق جاۋىنگەرلەردىڭ ەسكەرىلمەي قالعان مولالارىن جانە كومىلمەي قالعان قالدىقتارىن انىقتاۋ بويىنشا ىزدەۋ جۇمىستارىن جۇرگىزۋ;

ارداگەرلەردىڭ تمد ەلدەرىنىڭ اۋماعىندا وتكىزىلەتىن شارالارعا قاتىسۋى;

ارداگەرلەرگە الەۋمەتتىك كومەك كورسەتۋ;

مەرەيتويلىق مەدالدار تاپسىرۋ، مادەني-بۇقارالىق شارالار ۇيىمداستىرۋ.

جوسپار جوباسىندا بارلىعى 67 ءىس-شارا قاراستىرىلعان.

بەردىبەك ساپارباەۆ ءاربىر وبلىستا جەڭىستىڭ مەرەيتويلىق جىلىن اتاپ وتۋگە دايىندىق جونىندەگى وڭىرلىك كوميسسيالاردىڭ جۇمىسىن ۇيىمداستىرۋ قاجەتتىگىن ايتتى.

سونىمەن قاتار ۆيتسە-پرەمەر ەڭبەك جانە حالىقتى الەۋمەتتىك قورعاۋ مينيسترلىگىنە اكىمدىكتەرمەن جانە «ارداگەرلەر ۇيىمى» رقب ورتالىق كەڭەسىمەن بىرگە جەڭىستىڭ 75 جىلدىعىنا وراي ۇوس ارداگەرلەرى مەن مۇگەدەكتەرىنە بىردەي ءبىر رەتتىك تولەم سوماسىن بەلگىلەۋ ماسەلەسىن پىسىقتاۋدى تاپسىردى.

«ۇوس ارداگەرلەرىن، تىل ەڭبەككەرلەرىن، تاريحي ميسسيانى ورىنداپ، ءفاشيزمدى جەڭۋگە ۇلەس قوسقان قازاقستاندىقتاردى ارداقتاۋ جالپىمەملەكەتتىك اۋقىمداعى شارا. بىز كۇش-جىگەرىمىزدى ولاردى جان-جاقتى قودلداۋعا باعىتتاۋىمىز قاجەت. ەشبىر ارداگەر نازاردان تىس، قامقورلىقسىز قالماۋى ءتيىس»، دەدى ب. ساپارباەۆ.

كەڭەستى قورىتىندىلاعان ۆيتسە-پرەمەر جەڭىستىڭ مەرەيتويلىق جىلىن اتاپ ءوتۋ بويىنشا بارلىق شارالار ەلىمىزدەگى قوعامدىق-ساياسي تۇراقتىلىقتى قامتاماسىز ەتۋگە، قوعامنىڭ قر تۇڭعىش پرەزيدەنتى - ەلباسى مەن مەملەكەت باسشىسىنىڭ ساياساتىنا باعىتتالۋىنا، جاس ۇرپاقتىڭ بويىندا ۇلتجاندىلىق سەزىمدى نىعايتۋعا باعىتتالۋى ءتيىس ەكەنىن جەتكىزدى.

ۆاك وتىرىسىنا سونىمەن قاتار قورعانىس، ىشكى ىستەر، قارجى، ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ، «ارداگەرلەر ۇيىمى» رقب ورتالىق كەڭەسىنىڭ جانە باسقا دا مۇددەلى مەملەكەتتىك ورگانداردىڭ وكىلدەرى، سونداي-اق وبلىس اكىمدەرىنىڭ، نۇر-سۇلتان، الماتى، شىمكەنت قالالارىنىڭ اكىمدەرىنىڭ ورىنباسارلارى قاتىستى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز