كومەك كەرۋەنى تولاستاماۋدا

اعايىننىڭ قادىرى باسقا قيىن كۇن تۋعاندا بىلىنەدى ەمەس پە؟ اقسۋ اۋدانىنىڭ قىزىلاعاش اۋىلىندا بولعان تاسقىننان زارداپ شەككەن جۇرتشىلىقتىڭ بۇل اقيقاتقا كوزى جەتە تۇسكەندەي. ماسەلەن, الاتاۋ­دىڭ ارعى بەتىن جايلاعان قىرعىز باۋىرلارىمىز 20 ناۋرىز كۇنى 9 “كاماز” كولىگىمەن كومەكتەرىن ال­ىپ جەتتى. قىرعىزستاننىڭ توتەنشە جاعدايلار ءمينيسترىنىڭ ورىنباسارى اقىل ايتباەۆ باستاعان ءبىر توپ ازا­مات پەشپەن جىلىتىلاتىن پا­لات­كالارمەن قوسا تسەمەنت پەن شي­فەر سي­ياق­تى قۇرىلىس ماتەريال­دارىن اكەلىپتى. ال 21 ناۋرىز كۇنى تالدى­قورعان قالاسىنا قازاقستان حالقى اسسامبلەياسىنىڭ قۇرامىن­دا­عى رەسپۋبليكالىق ەتنومادەني ور­تالىقتاردىڭ كومەك كەرۋەنى ات­باسىن تىرەدى. ەڭ ءبىرىنشى كەزەكتە قاجەت ازىق-ت ۇلىك پەن كيىم-كەشەك, وقۋ قۇرال-جابدىقتارى مەن مالعا قۇراما جەم جەتكىزگەن بۇل كەرۋەندى قازاق­ستان حالقى اسسامبلەياسى توراعا­سىنىڭ ورىنباسارى – حاتشىلىق مەڭگەرۋشىسى ەرالى توعجانوۆ باستاپ كەلدى. اعايىننىڭ باسىنا تۇسكەن اۋىتپالىقتان شەت قالا الماعان “ەۆرەي مادەني ورتالىقتارىنىڭ “ميتسۆا” اسسوتسياتسياسى” قوعامدىق بىرلەستىگىنىڭ پرەزيدەنتى الەكساندر بارون مەن دۇنعان ەتنومادەني ءبىر­لەستىكتەرى اسسوتسياتسياسىنىڭ پرە­زي­دەنتى حۋسەي داۋروۆ, “قازاق­ستان نە­مىستەرىنىڭ “ۆوزروجدەنيە” قوعام­دىق بىرلەستىكتەرى” زاڭدى تۇلعالار بىرلەستىگىنىڭ توراعاسى الەكساندر دەدەرەر, “احىسكا” تۇرىك ورتالىعى” قوعامدىق بىرلەستىگىنىڭ توراعاسى زياتدين كاسانوۆ, قازاقستان كو­رەي­لەرى اسسوتسياتسياسىنىڭ پرەزي­دەنتى رومان كيم, “باربانگ” كۇرد اسسوتسياتسياسىنىڭ توراعاسى كنياز ميرزوەۆ, قازاقستان حالقى اسسام­بلەياسىنان پارلامەنت ءماجىلىسىنىڭ دەپۋتاتى لەونيد پيتالەنكو, “قا­زاقستاننىڭ تاجىك مادەني-قو­عام­دىق بىرلەستىكتەرى اسسوتسياتسياسى” قو­عامدىق بىرلەستىگى توراعاسىنىڭ ورىنباسارى بەكپۋلات تاشپۋلاتوۆ, ء“ازىربايجان مادەني-قوعامدىق ءبىر­لەستىكتەر كونگرەسى” زاڭدى تۇلعالار بىرلەستىگىنىڭ پرەزيدەنتى ابيلفاس حا­مەدوۆ, قازاقستان حالقى اسسام­بلەياسىنان پارلامەنت ءماجىلىسىنىڭ دەپۋتاتى ليۋدميلا حوچيەۆا, بە­لا­رۋس ەتنومادەني بىرلەستىگى ءتورا­عا­سىنىڭ ورىنباسارى پەتر تسەحوۆوي, “رەسپۋبليكالىق ۇيعىر مادەني ور­تالىعى” قوعامدىق بىرلەستىگىنىڭ توراعاسى احمەتجان شاردينوۆتار 22 ناۋرىز كۇنى قىزىلاعاش اۋى­لىن­دا تاسقىننان قازا بولعاندارعا ارناپ قۇران وقىتىپ, اس بەردى. كەڭ جايىلعان داستارقان باسىندا اعايىندى سابىرعا شاقىرىپ, ولاردىڭ قيىنشىلىقتا جالعىز قالمايتىندىقتارىن سەزىندىردى. اعايىندىق سىنالار ساتتە ءاسى­رەسە, تۇرىك پەن ءازىربايجان باۋ­ىر­لارىمىز ايرىقشا جاناشىرلىقتا­رىمەن تانىلدى. ولار ەكى بىردەي جۇك كولىگىندە قىرۋار زاتپەن قوسا كومەك قورىنا 9 ميلليون تەڭگە كو­لەمىندەگى قاراجات قوساتىن­دىقتا­رىن جەتكىزدى. “احىسكا” تۇرىك ورتا­لىعى” قوعامدىق بىرلەستىگىنىڭ ءتو­ر­ا­عاسى زياتدين كاسانوۆ پەن “مەم­لەكەتتىك تىلگە قۇرمەت” بىرلەستىگىنىڭ ءتورايىمى, “قانىم ءازىربايجان بول­عانىمەن, جانىم قازاق” دەيتىن اسىلى وسمان جۇرەكجاردى تىلەك­تەرىن ايتقاننان كەيىن الماتى وبلىستىق ءماسليحاتىنىڭ دەپۋتاتى, كاسىپكەر ۇسەين كاسانوۆ جاڭاعى اتالعان قارجىعا قىزىلاعاشقا كوپشىلىككە ارنالعان مونشا سالىپ بەرەتىندىكتەرىن جەتكىزدى. – دانا قازاعىم “قايعىنى ءبو­لىس­سە جەڭىلدەيدى” دەيدى عوي. ء“ومىر قىمبات, بىراق بارىنەن دە كوڭىل قىمبات” دەگەن تاعى ءبىر عاجاپ ءسوز بار. سول ايتقانداي, ءبىز ءبارىمىزدىڭ قابىرعامىزدى قايىستىرعان وسى ءبىر قايعىنى ءبولىسىپ, از دا بولسا جەڭىلدەتۋ ءۇشىن كەلىپ وتىرمىز, – دەدى اسىلى اليقىزى. – قانداس­تارىمىز قازاقتىڭ بىزگە جاساعان جاقسىلىعىن ەشقاشان ۇمىتپايدى. ەندەشە بۇگىنگى كۇنى ءبىز دە ايانىپ قا­لايىن دەپ وتىرعان جوقپىز. ءبىر ال­ماتى وبلىسىنىڭ عانا ەمەس, شىم­كەنت پەن جامبىلدىڭ, ءتىپتى بۇكىل قازاقستاننىڭ تۇرىگى مەن ءازىرباي­جا­نى وسىناۋ يگىلىكتى ىسكە ءوز ۇلەستەرىن قوسۋدا. قىسقا ءجىبى كۇر­مەۋگە كەلمەي جۇرگەندەرىنىڭ وزدەرى دە قولداعى بارىن بەرۋدە. كور­سە­تىلگەن بۇل كومەكتى ءبىزدىڭ قازاق حال­قىنا دەگەن ىستىق ىقىلاسىمىزدىڭ ءبىر بەلگىسى دەپ قابىل السا ەكەن دەيمىن. قىزىلاعاشتىق تۇرعىندار قا­نا­تىمەن سۋ سەپكەن قارلىعاشتاي بو­لىپ كومەك قولىن سوزعان اعايىنعا شىن كوڭىلدەن شىققان العىستارىن ءبىلدىردى. بۇگىندە قىزىلاعاشتاعى بىرلىك بىرتىندەپ قالپىنا ءتۇسىپ كەلەدى. اۋ­ىلعا قايتىپ ورالعاندار پالاتكادان جاسالعان ۋاقىتشا قالاشىققا ور­نالاستىرىلدى. نەبارى ءۇش ايدىڭ ىشىندە سالىنىپ ءبىتۋى ءتيىس ۇيلەردىڭ العاشقى قازىعى قاعىلىپ, قۇرىلىس شىنداپ قارقىن الا باستادى. ءبۇ­گىندە بۇل جۇمىستارمەن 47 قۇرىلىس مەكەمەسى اينالىسۋدا. بىرنەشە كۇن بۇرىن تاسقىن سۋ الىپ كەتكەن كوپىر قايتا سالىنىپ, قاتىناس قالپىنا كەلتىرىلدى. وبلىس باسشىلارى قۇ­رى­لىستىڭ توقتاۋسىز ءجۇرىپ, زارداپ شەك­كەندەردىڭ ەشتەڭەدەن تارشى­لىق كورمەۋلەرى ءۇشىن قولدان كەل­گەن­نىڭ ءبارىن جاساۋدا. كومەك كە­رۋە­نى بولسا, توقتاۋسىز اعىلۋ ۇستىندە. كۇمىسجان بايجان, الماتى وبلىسى.