«ەلباسى وڭىرلىك باق وكىلدەرىنە ارنالعان جۇمىس بولمەلەرىن ارالاپ كوردى. قازاقستاننىڭ تۇڭعىش پرەزيدەنتى قالاداعى جاڭا نىسانداردىڭ قۇرىلىس قارقىنى جوعارى ەكەنىن اتاپ ءوتتى.
-شىمكەنت ميلليون تۇرعىنى بار قالاعا اينالدى. وسىعان وراي ءبىز جەكە تۇركىستان وبلىسىن قۇردىق. بۇل كوپتەن بەرى ويىمدا جۇرگەن ەدى. وسىلايشا ءبىز ۇلكەن قۇرىلىس باستادىق. مۇنىڭ ءبارى استانامىزدىڭ قۇرىلىسىن ەسكە تۇسىرەدى. ەندى ەلىمىزدىڭ وڭتۇستىگىندە تاعى ءبىر ادەمى شاھار بوي كوتەرىپ كەلەدى. وسىنىڭ بارلىعى ەل يگىلىگى ءۇشىن جاسالىپ جاتىر, - دەدى نۇرسۇلتان نازارباەۆ وڭىرلىك باق وكىلدەرىنە», دەلىنگەن حابارلامادا.
