كيكبوكسينگ كۋبوگى

كەشە ەلوردادا “داۋلەت” سپورت كەشەنىندە كيكبوكسينگتەن ەل كۋبوگى جولىنداعى جارىستىڭ جالاۋى كوتەرىلدى. جارىسقا ەلىمىزدىڭ بارلىق وب­لىستارى مەن استانا جانە الماتى قالالارىنىڭ ۇزدىك سپورتشىلارى كەلدى. سالتاناتتى اشىلۋ راسىمىندە ءسوز العان تۋريزم جانە سپورت مينيسترلىگى سپورت كوميتەتى ءتو­را­عاسىنىڭ ورىنباسارى ەلسيار قاناعاتوۆ قازاقستان كيك­بوك­سين­گىنىڭ 20 جىلدىق م­ە­رە­كە­سىمەن جيىلعان جۇرتتى قۇت­تىقتاسا, كيكبوكسينگ فەدەرا­تسيا­سىنىڭ پرەزيدەنتى, پار­لامەنت ءماجىلىسىنىڭ دەپۋتاتى يراك ەلەكەەۆ جارىسقا قاتى­سۋشىلارعا تابىس تىلەدى. 2010 جىل قازاقستاندىق كيك­بوكسينگ ءۇشىن ەرەكشە جىل. بيىل بۇل سپورت ءتۇرىنىڭ قازاقستاندا دامۋىنىڭ 20 جىلدىعىن اتاعالى وتىر. بۇل جەكپە-جەك كۇرەس ءتۇر­لە­رىنىڭ ەڭ جاس ءتۇرى. ايتسە دە, قا­زاق­ستاندىق كيكبوكسشىلار الەمدە قازاق ەلىنىڭ كوك بايراعىن جوعارى كوتەرىپ ءجۇر. ماسەلەن, 2009 جىلى تاي ەلىندە وتكەن جەكپە-جەك كۇرەس سپورت تۇرلەرى بويىنشا ءبىرىنشى ازيا ويىندارىندا 40 ەل ىشىندەگى جالپى كوماندالىق ەسەپتە ءبىزدىڭ كيكبوكسشىلار ءبىرىنشى ورىندى يەلەندى. ولار ءبىزدىڭ قور­جى­نى­مىزعا 3 التىن, 2 كۇمىس جانە 2 قولا جۇلدەلەردى سالعان بولاتىن. ۆەتنامدا قاراشا ايىندا وتكەن جابىق الاڭداعى 3-ءشى ازيا ويىندارىندا دا سپورتشىلار 2 التىن, 3 قولا مەدالعا يە بولىپ, قازاقستاننىڭ 3-ءشى ورىنعا ور­نا­لا­سۋىنا ەلەۋلى ۇلەسىن قوسقانى بەلگىلى. الەمنىڭ ۇزدىك كيكبوك­س­شى­لا­رى قاتارىنان دا وتان­داس­تارىمىز ورىن الدى. يتاليادا وتكەن الەم چەمپيوناتىندا 1 كۇمىس جانە 3 قولا جۇلدەلەردى قانجىعاعا بايلادى. اتالمىش كۋبوك جەڭىمپازدارى ەلىمىز قۇراما كومانداسىنىڭ قۇ­را­مىنا ەنىپ, ەل نامىسىن حا­لىق­ارا­لىق جارىستاردا قورعاماق. جارىس جەكسەنبى كۇنى ءوز مارەسىنە جەتەدى. ءابدىراحمان قىدىربەك. استانا.