ۇكىمەت • 10 قازان، 2019

ۇكىمەت باسشىسى قالالىق تۋريزم بويىنشا VIII جاھاندىق ءسامميتتىڭ اشىلۋىنا قاتىستى

44 رەتكورسەتىلدى

پرەمەر-مينيستر اسقار مامين قالالىق تۋريزم بويىنشا VIII جاھاندىق ءسامميتتىڭ اشىلۋىنا قاتىستى.

ۇكىمەت باسشىسى بۇۇ دۇنيەجۇزىلىك تۋريستىك ۇيىمىنىڭ (UNWTO) باس حاتشىسى ز.پولوليكاشۆيليمەن كەزدەسۋ وتكىزدى، وندا قالالىق باسقارۋ، ءتۋريزمدى جانە «اقىلدى قالالاردى» دامىتۋ، قازاقستان قالالارىنىڭ باسەكەگە قابىلەتتىلىگىن ارتتىرۋ ءۇشىن الدىڭعى قاتارلى تەحنولوگيالاردى قولدانۋ ماسەلەلەرى تالقىلاندى.

فورۋمنىڭ اشىلۋ سالتاناتىندا اسقار مامين بۇگىندە تۋريزم ۇلەسىنە الەمدىك ءجىو-ءنىڭ شامامەن 10%-ى، ينۆەستيتسيالاردىڭ 7%-ى، جۇمىس ورىندارىنىڭ 10%-ى جانە بارلىق سالىق تۇسىمدەرىنىڭ 5%-ى تيەسىلى ەكەنىن اتاپ ءوتتى.

«قازاقستاننىڭ تۋريستىك سەكتورى سوڭعى 10 جىلدا ورتا ەسەپپەن 7%-عا ءوستى، بۇل ەكونوميكانىڭ قالعان بولىگىندەگى ءوسۋ قارقىنىنان شامامەن 3%-عا جوعارى. تۋريزم ءبىزدىڭ ءارتاراپتاندىرۋىمىزدىڭ ماڭىزدى فاكتورلارىنىڭ بىرىنە اينالۋدا ‒ بۇل سالادا وندىرىلگەن ءجىو ۇلەسى ەكى ەسەگە جۋىق ‒ 2018 جىلى 6% دەيىن ءوستى»، — دەدى پرەمەر-مينيستر.

ا. مامين قازاقستاننىڭ 2019-2025 جىلدارعا ارنالعان تۋريزم جونىندەگى مەملەكەتتىك باعدارلاماسىن قابىلداعانىن اتاپ ءوتتى، ول ءتۋريزمنىڭ ءجىو-دەگى ۇلەسىن 8%-عا دەيىن ارتتىرۋدى جانە ونى ەكونوميكانىڭ جەتەكشى 5 سالاسىنىڭ بىرىنە اينالدىرۋدى قاراستىرادى. باعدارلامانى ىسكە اسىرۋعا شامامەن $4 ملرد باعىتتالادى، ونىڭ 70%-دان استامى — جەكە ينۆەستيتسيالار. تۋريستىك سەكتوردا جۇمىسپەن قامتىلعان قازاقستاندىقتاردىڭ سانىنىڭ ءوسۋى 50%-عا 650 مىڭ ادامعا دەيىن ارتادى دەپ كۇتىلۋدە، شەتەلدىك تۋريستەر اعىمى ءۇش ەسە ارتىپ، 9 ملن ادامنان اسادى، بۇل قازاقستاندى الەمدەگى اسا باسەكەگە قابىلەتتى 50 تۋريستىك باعىتتىڭ قاتارىنا قوسادى.

قالالىق ءتۋريزمدى دامىتۋدىڭ نەگىزگى ورتالىعى بولىپ نۇر-سۇلتان قالاسى ايقىندالعان، ول قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ جوسپارىن ىسكە اسىرۋ بارىسىندا سوڭعى 20 جىل ىشىندە ايماقتىق ءىرى ەكونوميكالىق، قارجىلىق، كولىك جانە مادەني ورتالىقتاردىڭ بىرىنە اينالدى. قالانىڭ ەلىمىزدىڭ ءجىو-نە قوسقان ۇلەسى 10%-دان اسادى، ەلوردانىڭ نەگىزگى كاپيتالىنا سالىنعان ينۆەستيتسيالار 26 ەسەگە ارتىپ، 9 ترلن تەڭگەدەن استى.

«نۇر-سۇلتان قالاسى ‒ تسيفرلىق جانە زياتكەرلىك تەحنولوگيالاردى ەنگىزۋدەگى جەتەكشى كۇش. ەۋروپانىڭ الدىڭعى قاتارلى قالالارىنىڭ ءساتتى تاجىريبەسىنە نەگىزدەلگەن «اقىلدى استانا» تۇجىرىمداماسى ءبىلىم بەرۋ، دەنساۋلىق ساقتاۋ، كولىك، كوممۋنالدىق قىزمەت كورسەتۋ، ينفراقۇرىلىم سالالارىندا ‒ جەرگىلىكتى حالىقتىڭ تۇرمىس ساپاسىنا جانە كەلۋشىلەردىڭ قالانى قابىلداۋىنا اسەر ەتەتىن سالالارعا وزىق تەحنولوگيالار مەن جاساندى زەردەنى ەنگىزۋدى قاراستىرادى. وسى جەتىستىكتەردىڭ ناتيجەسىندە قالا ايماقتاعى ىسكەرلىك جانە MICE-ءتۋريزمىنىڭ (كەزدەسۋلەر، كونفەرەنتسيالار، كورمەلەر جانە ت. ب.) جەتەكشى ورتالىعى رەتىندە تانىلۋدا»، — دەدى ا. مامين.

قالالىق تۋريزم بويىنشا جاھاندىق سامميت جىلىنا ءبىر رەت، بۇۇ دۇنيەجۇزىلىك تۋريستىك ۇيىمىنىڭ (UNWTO) تالاپتارىنا سايكەس تاڭدالعان قالادا وتكىزىلەدى.

بيىلعى شارا «اقىلدى قالالار، اقىلدى باعىتتار» تاقىرىبىندا وتەدى، وعان الەمنىڭ 30 ەلىنەن 700-گە جۋىق ادام، تۋريزم يندۋسترياسىنىڭ ماماندارى، يندونەزيانىڭ قوعامدىق جۇمىستار جانە تۇرعىن ءۇي قۇرىلىسى ءمينيسترى، انكارا، تاللين، يسلاماباد، قازان، تاشكەنت، سامارقاند، توكموك مەرلەرى، 25 قالانىڭ – مالاگا، حەلسينكي، بانگكوك جانە ت. ب. ەلدەردىڭ ۆيتسە-مەرلەرى قاتىسادى.

قازاقستان استاناسى 2018 جىلدىڭ مامىر ايىندا UNWTO ۇلەستەس مۇشەلەرى باعدارلاماسىنىڭ قۇرامىنا قوسىلدى. بۇعان دەيىن فورۋم ءتۋريزمنىڭ دامۋ دەڭگەيى جالپى الەمدىك كورسەتكىشتەردەن اساتىن ءىرى قالالاردا ءوتتى، اتاپ ايتساق: ىستامبۇل، ماسكەۋ، بارسەلونا، مارراكەش، ليۋكسور، كۋالا-لۋمپۋر، سەۋل.

سوڭعى جاڭالىقتار

ۇقساس جاڭالىقتار