قوعام • 09 قازان، 2019

iKOMEK109: ەلوردادا دارىگەرلەر وتىنىشتەرگە جاۋاپ بەرەدى

67 رەتكورسەتىلدى

2019 جىلدىڭ باسىنان باستاپ iKOMEK109 قالالىق ورتالىعىنا دەنساۋلىق ساقتاۋ ماسەلەلەرى بويىنشا 241 207 ءوتىنىش كەلىپ ءتۇستى، ونىڭ ىشىندە 235 519-كونسۋلتاتسيا، 3 445-شاعىم، 1 660-وقىس وقيعا، 523-العىس، 60-ۇسىنىس ءتۇستى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


ستاتيستيكا كورسەتكەندەي، ikomek109 ورتالىعىنا كەلىپ تۇسكەن بارلىق وتىنىشتەردىڭ 24،5% دەنساۋلىق ساقتاۋ ماسەلەلەرىمەن بايلانىستى. مەديتسينالىق قىزمەت كورسەتۋ ساپاسىن ارتتىرۋ ماقساتىندا قالانىڭ قوعامدىق دەنساۋلىق ساقتاۋ باسقارماسى بىرىڭعاي قالالىق ورتالىقپەن بىرلەسكەن جۇمىس جۇرگىزەدى.

ەمحانانىڭ ءاربىر دارىگەرىنىڭ ۇيالى تەلەفونىندا iKOMEK109 موبيلدىك قوسىمشاسى بولادى، وندا ولار ونلاين رەجيمدە وزدەرىنىڭ مەديتسينالىق مەكەمەلەرىنە قاتىستى بارلىق وتىنىشتەردى الا الادى. سوندىقتان ازاماتتار مەديتسينالىق قىزمەت كورسەتۋ بويىنشا تولعاندىراتىن سۇراقتارعا تىكەلەي جاۋاپ الا الادى.

«IKOMEK109 قالالىق ورتالىعىنىڭ ميسسياسى قالاداعى ءومىر ساپاسىن جاقسارتۋ جانە تۇرعىندار ءۇشىن قالالىق قىزمەتتەردىڭ ساپاسىن ارتتىرۋ بولىپ تابىلادى. سوندىقتان ءبىز ءاربىر جاۋاپتى مەملەكەتتىك ورگانمەن، سونىڭ ىشىندە دەنساۋلىق ساقتاۋ باسقارماسىمەن تىعىز جۇمىس ىستەيمىز» – دەپ اتاپ ءوتتى قالالىق iKOMEK109 مونيتورينگ ورتالىعىنىڭ باسشىسى جاننات دۋبيروۆا ەلوردانىڭ مەديتسينالىق مەكەمەلەرى باسشىلارىنىڭ قاتىسۋىمەن وتكەن كەڭەس بارىسىندا.

ەستەرىڭىزگە سالا كەتەيىك، iKOMEK109 ءموبيلدى قوسىمشاسى قالا تۇرعىندارىنا فوتو-بەينەماتەريال قوسا بەرە وتىرىپ، ءوتىنىش بەرۋگە، سونىمەن قاتار وتىنىشتەردىڭ اتقارىلۋ دارەجەسىن بىلۋگە، حابارلاندىرۋعا جازىلۋعا مۇمكىندىك بەرەدى. وندا ءسىز الداعى ءىس-شارالار، مەكتەپتەردە ساباق بولمايتىنى، تاسجولداردىڭ جابىلاتىنى جانە ت.ب. جونىندە بىلە الاسىزدار.


سوڭعى جاڭالىقتار

ۇلتتىق online ايتىس وتكىزبەك

رۋحانيات • بۇگىن، 20:10

مما: حابيب نۇرماگومەدوۆتى الماستىرادى

كاسىپقوي بوكس • بۇگىن، 16:39

اتىراۋ: كاسىپكەر ۇسىنعان كومەك

ايماقتار • بۇگىن، 16:22

ۇقساس جاڭالىقتار