«بىرىڭعاي ەسەپ كۇنىنىڭ» ماقساتى باقىلاۋ جانە قاداعالاۋ قىزمەتىن رەفورمالاۋ اياسىندا جۇزەگە اساتىن شارالاردى ءتۇسىندىرۋ مەن كاسىپكەرلەردىڭ قۇقىقتىق ساۋاتتىلىعىن ارتتىرۋ بولىپ وتىر. العاشقى شاراعا وبلىستىق پروكۋراتۋرا, جەرگىلىكتى پوليتسيا قىزمەتى, كوشى-قون پوليتسياسى, مەملەكەتتىك كىرىستەر دەپارتامەنتى, ەكولوگيا دەپارتامەنتى, توتەنشە جاعدايلار دەپارتامەنتى, تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ دەپارتامەنتى, ەڭبەك ينسپەكتسياسى سياقتى مەمەلكەتتىك قىزمەت كورسەتەتىن مەكەمەلەردىڭ وكىلدەرى كەلىپ, قاجەتتى كەڭەس بەردى.
كاسىپكەرلەر تاراپىنان جەردى پايدالانۋ مەن قورعاۋعا جانە ساۋلەت-قۇرىلىس باقىلاۋى ينسپەكتسياسى بارىسىندا ءجيى كەزدەسەتىن زاڭ بۇزۋشىلىقتار تۋرالى ساۋالدار قويىلدى.
-كەزدەسۋ بارىسىندا باقىلاۋ جانە قاداعالاۋ ورگاندارىنىڭ قىزمەتكەرلەرى كاسىپكەرلەرمەن اڭگىمەلەسىپ, مەملەكەتتىك باقىلاۋ مەن قاداعالاۋدىڭ ناتيجەلەرىن تالقىلادى جانە ولاردىڭ پىكىرلەرىن تىڭدادى. بۇل ەل پرەزيدەنتى قاسىم-جومارت توقاەۆتىڭ حالىققا ارناعان جولداۋىندا جۇكتەلگەن مىندەتتەردى جۇزەگە اسىرۋعا وراي قولعا العان شارامىز. كەلەشەكتە مەملەكەت پەن بيزنەستىڭ كەرى بايلانىسىن قالىپتاستىرۋ ماقساتىندا ەسەپ بەرۋ كۇندەرى ءجيى ءوتىپ تۇرماق, - دەيدى الماتى وبلىستىق وڭىرلىك كاسىپكەرلەر پالاتاسىنىڭ ءباسپاسوز حاتشىسى ەرلان رامازانوۆ.
