ۇلىق مەيرامدى اتاپ ءوتتى

جاقىندا ماسكەۋ حالىقارالىق مۋزىكا ۇيىندە قازاقستان رەسپۋبلي­كاسىنىڭ رەسەي فەدەراتسياسىنداعى ەلشىلىگىنىڭ  ۇيىمداستىرۋىمەن ۇلىق مەرەكە – ناۋرىز مەيرامىنا ارنالعان كونتسەرت بولىپ ءوتتى, دەپ حابارلادى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى. مەرەكەلىك كەشكە ماسكەۋ مەرىنىڭ ءبىرىنشى ورىنباسارى يۋري روسلياك, تمد ەلدەرى ەلشىلىكتەرىنىڭ باس­شى­لارى, تانىمال عىلىم, مادەنيەت جانە ونەر قايراتكەرلەرى, سونداي-اق ماسكەۋدە تۇراتىن قازاق دياس­پوراسىنىڭ وكىلدەرى قاتىستى. مەرەكەلىك كونتسەرت باستالار الدىنداعى سوزىندە قازاقستاننىڭ رەسەيدەگى ەلشىسى زاۋىتبەك تۇرىس­بەكوۆ تاۋەلسىز قازاقستان ناۋرىز مەيرامىن وسىمەن 19-رەت اتاپ وتكەلى وتىرعانىن, وسى جىلدار ىشىندە ەلىمىزدىڭ ەكونوميكاسى قارقىندى دامىپ, دەموكراتيالىق مەملەكەت بولىپ قالىپتاسقانىن اتاپ ءوتتى. ەلشى, سونداي-اق قا­زاق­ستان پرەزيدەنتى ن.نازارباەۆتىڭ حالىقارالىق جوعارى بەدەلىنىڭ ناتيجەسىندە ەلىمىزدىڭ ەقىۇ ءتور­اعاسى بولعانىنا توقتالدى. “ناۋرىز – بارلىعىمىزدى ىزگىلىككە باستايتىن, ءبىزدىڭ حالىقتارىمىزدى ىنتىماققا ۇندەيتىن ۇلىق مەرەكە”, – دەدى ەلشى. ال مەرەكەلىك كونتسەرتتە جي­نالعان قاۋىم م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى ونەر ۇجىمىنىڭ ورىن­داۋىندا قازاق كومپوزيتور­لا­رى­نىڭ شىعارمالارى مەن قازاقتىڭ ۇلتتىق بيلەرىن تاما­شالادى. ءماس­كەۋ كوگىندە شىرقال­عان قازاق اندەرى مەن كۇمبىرلەگەن كۇيلەرى بارشا جينالعاندار جانىنا نۇرلى شۋاق قۇيدى. ەڭ باتىسى – بۇۇ باس اسسام­بلەياسىنىڭ قابىلداعان  قارارىنا سايكەس بيىلعى جىلدان باستاپ 21 ناۋرىز – حالىقارالىق ناۋرىز كۇنى دەپ تانىلدى. “ەگەمەن-اقپارات”.