دىنباسى سابىرعا شاقىرادى

قۇرمەتتى قىزىلاعاشتىق باۋىرلار! سىزدەرگە توسىننان بولعان تا­بيعات اپاتىنان قازا تاپقان تۋىس­تارىڭىز بەن باۋىرلارى­ڭىز, جەر­لەستەرىڭىز ءۇشىن بارشا قازاقستان­دىق مۇسىلماندار اتى­نان كوڭىل ايتامىن. مارقۇم­دار­دىڭ جانى ءجانناتتا, يمانى سەرىك بولسىن. جاعدايدى ءوز كوزىممەن كورىپ, ورتالارىڭىزدا بولىپ, سىزدەرگە بۇكىل ەل جۇمىلىپ, جان-جاقتى كو­مەك-قولداۋ كورسەتىپ جاتقا­نى­نا كۋا بولدىم. شاتىرلار تىگى­لىپ, ازىق-ت ۇلىك جەتكىزىلۋدە. ەسكى جانە قيراعان ۇيلەردىڭ ورنى تەگىستەلىپ, جاڭا عيمارات­تار سالۋعا دايىندىق ءىسى قىزۋ قول­عا الىنعان. جاس بالالار مەك­تەپتەرگە ورنالاستىرىلىپ, سابا­عىن جالعاستىرۋدا. تيىسىنشە جاع­داي جاساۋعا تىرىسىپ باعۋدا. ءبىز دە ءدىني باسقارما اتىنان اۋىر جۇكتى كولىككە تيەلگەن ازىق-ت ۇلىك پەن كيىم-كەشەك جەتكىزدىك. ءدىني باسقارما قىزمەتكەرلەرى 1 كۇندىك جالاقىسىن ارنايى اشىلعان قوردىڭ ەسەپ-شوتىنا اۋداردى. قيىندىقتارىڭىز بەن قاي­عىلارىڭىزعا اللا تاعالا جە­ڭىل­دىك بەرسىن. سىزدەردى سابىر­لى­لىققا شاقىرامىن! قازاقستان مۇسىلماندارى ءدىني  باسقارماسىنىڭ توراعاسى, باس ءمۇفتي,  شەيح ءابساتتار قاجى دەربىسالى.