قۇرمەتتى قازاقستاندىقتار!
تاريحي تامىرى تەرەڭگە بويلاعان ءاز-ناۋرىز دانا حالقىمىزدا قاي كەزدە دە ەڭسەسى بيىك ەلدىكتىڭ, ىرگەسى سوگىلمەس بىرلىكتىڭ, ىرىس پەن ىنتىماقتىڭ مەرەكەسى بولىپ كەلگەن.
قازاقستان حالقى ءۇشىن ناۋرىز مەيرامى – كوكتەم مەن جاڭارۋدى ايشىقتايتىن مەرەيى تاسىعان ۇلى مەرەكە. ناۋرىز – كوكتەمگى جاڭارۋدىڭ, ماحابباتتىڭ, اق پەيىل مەن تاتۋلىقتىڭ مەرەكەسى. ول – وتكەندى سارالاپ, بولاشاعىمىزدى بولجايتىن ەرەكشە كەزەڭ.
بيىلعى جىلدان باستاپ ناۋرىز مەرەكەسى بۇۇ باس اسسامبلەياسى تاراپىنان حالىقارالىق مەيرام دەپ مويىندالىپ, بۇكىل ادامزات بالاسىنىڭ مادەني مۇراسى رەتىندە باعالاندى. ال قازاقستاندا تۇراتىن بارلىق ۇلت پەن ۇلىستىڭ تاتۋلىق پەن كەلىسىمدە تۇرمىس كەشۋى, قوعامداعى بارشا ازاماتتىڭ ەتنوستىق, تىلدىك جانە كونفەسسيالىق ەرەكشەلىگىنە قاراماستان, تەڭ قۇقىققا يە بولۋى ەجەلدەن كەلە جاتقان ناۋرىز مەرەكەسىنىڭ قاعيداتتارىمەن سايكەس كەلەدى.
ەلىمىز الەمدىك قارجى داعدارىسى سالدارىنان ارىلىپ, دامۋ جانە وركەندەۋ بيىكتەرىنە سەنىمدى كوز تىگىپ وتىر. ەلباسى نۇرسۇلتان نازارباەۆ ءوزىنىڭ بيىلعى قازاقستان حالقىنا جولداۋىندا ەلىمىزدىڭ وركەندەۋى, يندۋستريالىق باعدارلاما, كوممۋنالدىق تۇرعىن ءۇي سالۋ ماسەلەلەرىن ءتيىمدى شەشۋ جولدارىن قاراستىرىپ, ۇكىمەتكە قىزمەتكەرلەر مەن زەينەتكەرلەردىڭ تابىستارى مەن جالاقىلارىن ءوسىرۋ تۋرالى ناقتى تاپسىرما بەردى. وسىنىڭ بارلىعى ءارتۇرلى ۇلت پەن ۇلىستىڭ وكىلى بولىپ تابىلاتىن ەل تۇرعىندارىنىڭ بىرلىكتە, ىنتىماقتا ءومىر سۇرۋىنە كەپىل, بولاشاققا دەگەن سەنىم بولىپ تابىلادى.
بۇگىن ءبىز قول جەتكەن تابىستارمەن توقتاپ قالماي, وركەنيەتتى ەلدەر قاتارىنا كىرۋ ماقساتىندا ايانباي ەڭبەك ەتۋىمىز قاجەت. بىرلىگىمىز بولسا, تىرلىگىمىز بولسا, ءبىز ءالى تالاي بەلەستەر مەن بيىكتەردى باعىندىرىپ, الەمدە قازاقستان تۋىن اسقاقتاتا بەرەمىز.
قىمباتتى وتانداستار!
اق نيەتپەن وتكەنگە سالاۋات ايتىپ, اق تىلەكپەن جاڭا ناۋرىزدى قارسى الايىق! وتانىمىزعا – بەرەكە, حالقىمىزعا – يگىلىك, مەملەكەتىمىزگە – مولشىلىق, ال ءار شاڭىراققا باقىت پەن شاتتىق تىلەيمىز.
ەلىمىز وركەن جايىپ, ناۋرىز بارشامىزعا ىنتىماق پەن ساتتىلىك الىپ كەلسىن!
قازاقستان حالقى اسسامبلەياسى.
قازاقستان حالقى ءۇشىن ناۋرىز مەيرامى – كوكتەم مەن جاڭارۋدى ايشىقتايتىن مەرەيى تاسىعان ۇلى مەرەكە. ناۋرىز – كوكتەمگى جاڭارۋدىڭ, ماحابباتتىڭ, اق پەيىل مەن تاتۋلىقتىڭ مەرەكەسى. ول – وتكەندى سارالاپ, بولاشاعىمىزدى بولجايتىن ەرەكشە كەزەڭ.
بيىلعى جىلدان باستاپ ناۋرىز مەرەكەسى بۇۇ باس اسسامبلەياسى تاراپىنان حالىقارالىق مەيرام دەپ مويىندالىپ, بۇكىل ادامزات بالاسىنىڭ مادەني مۇراسى رەتىندە باعالاندى. ال قازاقستاندا تۇراتىن بارلىق ۇلت پەن ۇلىستىڭ تاتۋلىق پەن كەلىسىمدە تۇرمىس كەشۋى, قوعامداعى بارشا ازاماتتىڭ ەتنوستىق, تىلدىك جانە كونفەسسيالىق ەرەكشەلىگىنە قاراماستان, تەڭ قۇقىققا يە بولۋى ەجەلدەن كەلە جاتقان ناۋرىز مەرەكەسىنىڭ قاعيداتتارىمەن سايكەس كەلەدى.
ەلىمىز الەمدىك قارجى داعدارىسى سالدارىنان ارىلىپ, دامۋ جانە وركەندەۋ بيىكتەرىنە سەنىمدى كوز تىگىپ وتىر. ەلباسى نۇرسۇلتان نازارباەۆ ءوزىنىڭ بيىلعى قازاقستان حالقىنا جولداۋىندا ەلىمىزدىڭ وركەندەۋى, يندۋستريالىق باعدارلاما, كوممۋنالدىق تۇرعىن ءۇي سالۋ ماسەلەلەرىن ءتيىمدى شەشۋ جولدارىن قاراستىرىپ, ۇكىمەتكە قىزمەتكەرلەر مەن زەينەتكەرلەردىڭ تابىستارى مەن جالاقىلارىن ءوسىرۋ تۋرالى ناقتى تاپسىرما بەردى. وسىنىڭ بارلىعى ءارتۇرلى ۇلت پەن ۇلىستىڭ وكىلى بولىپ تابىلاتىن ەل تۇرعىندارىنىڭ بىرلىكتە, ىنتىماقتا ءومىر سۇرۋىنە كەپىل, بولاشاققا دەگەن سەنىم بولىپ تابىلادى.
بۇگىن ءبىز قول جەتكەن تابىستارمەن توقتاپ قالماي, وركەنيەتتى ەلدەر قاتارىنا كىرۋ ماقساتىندا ايانباي ەڭبەك ەتۋىمىز قاجەت. بىرلىگىمىز بولسا, تىرلىگىمىز بولسا, ءبىز ءالى تالاي بەلەستەر مەن بيىكتەردى باعىندىرىپ, الەمدە قازاقستان تۋىن اسقاقتاتا بەرەمىز.
قىمباتتى وتانداستار!
اق نيەتپەن وتكەنگە سالاۋات ايتىپ, اق تىلەكپەن جاڭا ناۋرىزدى قارسى الايىق! وتانىمىزعا – بەرەكە, حالقىمىزعا – يگىلىك, مەملەكەتىمىزگە – مولشىلىق, ال ءار شاڭىراققا باقىت پەن شاتتىق تىلەيمىز.
ەلىمىز وركەن جايىپ, ناۋرىز بارشامىزعا ىنتىماق پەن ساتتىلىك الىپ كەلسىن!
قازاقستان حالقى اسسامبلەياسى.
