«قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن مەنىڭ 2019 جىلعى 12 قىركۇيەكتەگى بۇيرىعىم بويىنشا باتىرجان ك ۇلىمەرگەن ۇلى بايجۇمانوۆ الماتى وبلىسى اكىمىنىڭ ورىنباسارى بولىپ تاعايىندالدى», دەدى الماتى وبلىسىنىڭ اكىمى اماندىق باتالوۆ بەيسەنبى كۇنى وتكەن كەڭەستە.
باتىرجان بايجۇمانوۆ 1976 جىلى تۋعان. قازاق مەملەكەتتىك اگرارلىق ۋنيۆەرسيتەتىن جانە اباي اتىنداعى قازاق ۇلتتىق ۋنيۆەرسيتەتىن بىتىرگەن. ماماندىعى بويىنشا – عالىم اگرونوم, مەملەكەتتىك باسقارۋ مەنەدجەرى. 2008 جىلى «دەتسەنتراليزاتسيا» باعدارلاماسى ارقىلى ديۋكا ۋنيۆەرسيتەتىندە (اقش) ءبىلىم الدى.
ەڭبەك جولىن 1999 جىلى باستاپ, الماتى قالاسىنداعى بيزنەس قۇرىلىمدارىندا جۇمىس ىستەدى.
ءار جىلداردا قازاقستان رەسپۋبليكاسى اۋىل شارۋاشىلىعى مينيسترلىگىندە, سول سياقتى پرەمەر-مينيستر كەڭسەسىنىڭ اعا مامانى, ساراپشىسى, پرەزيدەنت كەڭسەسىنىڭ اعا, باس ساراپشىسى, كونسۋلتانتى, پرەزيدەنت اكىمشىلىگىنىڭ ينسپەكتورى, مەملەكەتتىك ينسپەكتورى, «كازاگرويننوۆاتسيا» اق باسقارما توراعاسىنىڭ ورىنباسارى, «ۇلتتىق اگرارلىق عىلىمي-ءبىلىم بەرۋ ورتالىعى» اق باسقارما توراعاسىنىڭ ورىنباسارى قىزمەتتەرىن اتقارعان.
2017 جىلدىڭ ءساۋىر ايىنان – الماتى وبلىسى اكىمى اپپاراتىنىڭ باسشىسى.
