قازاقستان رەسپۋبليكاسى پرەزيدەنتىنىڭ جارلىعى № 466
بەيسەنبى, 17 قاڭتار 2013 7:41
قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ تۋرالى
قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس قاۋلى ەتەمىن:
1.قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ وڭىرلىك دامۋ, كاسىپكەرلىكتى قولداۋ, ونىڭ ىشىندە الەۋمەتتىك-كاسىپكەرلىك كورپوراتسيالاردىڭ قىزمەتىن ۇيلەستىرۋ اياسىنداعى مەملەكەتتىك ساياساتتى قالىپتاستىرۋ جانە ىسكە اسىرۋ سالاسىنداعى فۋنكتسيالارى مەن وكىلەتتىكتەرىن وعان بەرە وتىرىپ, قازاقستان رەسپۋبليكاسى وڭىرلىك دامۋ مينيسترلىگى قۇرىلسىن.
بەيسەنبى, 17 قاڭتار 2013 7:41
قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ تۋرالى
قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس قاۋلى ەتەمىن:
1.قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىنىڭ وڭىرلىك دامۋ, كاسىپكەرلىكتى قولداۋ, ونىڭ ىشىندە الەۋمەتتىك-كاسىپكەرلىك كورپوراتسيالاردىڭ قىزمەتىن ۇيلەستىرۋ اياسىنداعى مەملەكەتتىك ساياساتتى قالىپتاستىرۋ جانە ىسكە اسىرۋ سالاسىنداعى فۋنكتسيالارى مەن وكىلەتتىكتەرىن وعان بەرە وتىرىپ, قازاقستان رەسپۋبليكاسى وڭىرلىك دامۋ مينيسترلىگى قۇرىلسىن.
2.مىنالار:
1)قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى, وعان:
قازاقستان رەسپۋبليكاسى قارجى مينيسترلىگىنەن – بيۋدجەتتىك جوسپارلاۋ;
قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنەن – ينۆەستيتسيالاردى قولداۋدىڭ جانە قولايلى ينۆەستيتسيالىق احۋال جاساۋدىڭ مەملەكەتتىك ساياساتىن قالىپتاستىرۋ;
قازاقستان رەسپۋبليكاسى ىشكى ىستەر مينيسترلىگىنەن – حالىقتىڭ كوشى-قونى اياسىنداعى مەملەكەتتىك ساياساتتى قالىپتاستىرۋ سالاسىنداعى فۋنكتسيالار مەن وكىلەتتىكتەردى بەرە وتىرىپ, ونى قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى ەتىپ قايتا قۇرۋ جولىمەن;
2)قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى مەن قازاقستان رەسپۋبليكاسى جەر رەسۋرستارىن باسقارۋ اگەنتتىگى ولاردى قازاقستان رەسپۋبليكاسى وڭىرلىك دامۋ مينيسترلىگىنە قوسۋ جولىمەن;
3)قازاقستان رەسپۋبليكاسى اتوم ەنەرگياسى اگەنتتىگى ونى قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنە قوسۋ جولىمەن قايتا ۇيىمداستىرىلسىن.
3.مىنالارعا:
1)قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىنە «جاسىل ەكونوميكانى» دامىتۋدىڭ مەملەكەتتىك ساياساتىن قالىپتاستىرۋ جونىندەگى فۋنكتسيالار مەن وكىلەتتىكتەر;
2)قازاقستان رەسپۋبليكاسى قورشاعان ورتانى قورعاۋ مينيسترلىگىنە, وعان مىنا سالالارداعى:
تابيعي رەسۋرستاردى قورعاۋ مەن ءتيىمدى پايدالانۋدى باقىلاۋ, سۋ رەسۋرستارىن باسقارۋدىڭ مەملەكەتتىك ساياساتىن قالىپتاستىرۋ, سونداي-اق قازاقستان رەسپۋبليكاسى اۋىل شارۋاشىلىعى مينيسترلىگىنەن بەرىلەتىن مەليوراتسيا ماسەلەلەرىن قوسپاعاندا, سۋ رەسۋرستارىن باسقارۋ جانە بالىق شارۋاشىلىعىن دامىتۋ جونىندەگى فۋنكتسيالار مەن وكىلەتتىكتەر;
قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنەن – قاتتى تۇرمىستىق قالدىقتاردى كادەگە جاراتۋ ماسەلەلەرى;
قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنەن – جاڭارتىلاتىن ەنەرگيا كوزدەرىن دامىتۋ اياسىنداعى مەملەكەتتىك ساياساتتى قالىپتاستىرۋ فۋنكتسيالارى مەن وكىلەتتىكتەرى بەرىلە وتىرىپ, «جاسىل ەكونوميكانى» دامىتۋدىڭ مەملەكەتتىك ساياساتىن ىسكە اسىرۋ مەن باقىلاۋ جونىندەگى فۋنكتسيالار مەن وكىلەتتىكتەر بەرىلسىن.
4.قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنە قازاقستان رەسپۋبليكاسى ىشكى ىستەر مينيسترلىگىنىڭ حالىقتىڭ كوشى-قونى, ونى ۆەدومستۆوارالىق ۇيلەستىرۋدى جۇزەگە اسىرۋ, كوشى-قون ۇدەرىستەرىن رەتتەۋ جانە مونيتورينگىلەۋ سالاسىنداعى شارالار جۇيەسىن ازىرلەۋ, زاڭسىز كوشى-قونعا قارسى ءىس-قيمىل جونىندەگى فۋنكتسيالار مەن وكىلەتتىكتەردى قوسپاعاندا, كوشى-قوندى رەتتەۋ, شەتەلدىكتەر مەن ازاماتتىعى جوق ادامداردى ەسەپكە الۋ مەن تىركەۋ, ولاردىڭ ۋاقىتشا جانە تۇراقتى تۇرۋ, ەلدەن تۇراقتى تۇرعىلىقتى جەرگە كەتۋ قۇجاتتارىن رەسىمدەۋ, ازاماتتاردى قۇجاتتاندىرۋ, ەسەپكە الۋ جانە تىركەۋ سالاسىنداعى مەملەكەتتىك ساياساتتى ىسكە اسىرۋ جونىندەگى, سونداي-اق بوسقىندار ماسەلەلەرى بويىنشا فۋنكتسيالارى مەن وكىلەتتىكتەرى بەرىلسىن.
5.قازاقستان رەسپۋبليكاسىنىڭ ۇكىمەتى:
1)مىنالاردى:
قازاقستان رەسپۋبليكاسى وڭىرلىك دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىن;
قازاقستان رەسپۋبليكاسى وڭىرلىك دامۋ مينيسترلىگىنىڭ كاسىپكەرلىكتى دامىتۋ كوميتەتىن;
قازاقستان رەسپۋبليكاسى وڭىرلىك دامۋ مينيسترلىگىنىڭ جەر رەسۋرستارىن باسقارۋ كوميتەتىن;
قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ اتوم ەنەرگياسى كوميتەتىن;
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىن;
قازاقستان رەسپۋبليكاسى قورشاعان ورتانى قورعاۋ مينيسترلىگىنىڭ بالىق شارۋاشىلىعى كوميتەتى مەن ورمان جانە اڭشىلىق شارۋاشىلىعى كوميتەتىن قۇرۋدى قامتاماسىز ەتسىن;
2) قازاقستان رەسپۋبليكاسىنىڭ قايتا ۇيىمداستىرىلاتىن مەملەكەتتىك ورگاندارىنىڭ شتات سانىن قايتا ءبولۋدى قامتاماسىز ەتسىن;
3) وسى جارلىقتى ىسكە اسىرۋ جونىندە وزگە دە قاجەتتى شارالاردى قابىلداسىن.
6. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى № 6 جارلىعىنا مىناداي وزگەرىستەر مەن تولىقتىرۋ ەنگىزىلسىن:
1-تارماقتا:
«قازاقستان رەسپۋبليكاسىنىڭ قورشاعان ورتانى قورعاۋ مينيسترلىگى» دەگەن جولدان كەيىن مىناداي مازمۇنداعى جولمەن تولىقتىرىلسىن:
«قازاقستان رەسپۋبليكاسى وڭىرلىك دامۋ مينيسترلىگى;»;
مىنا:
«قازاقستان رەسپۋبليكاسىنىڭ ەكونوميكالىق دامۋ جانە ساۋدا مينيسترلىگى» دەگەن جول مىناداي رەداكتسيادا جازىلسىن:
«قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى;»;
مىنا:
«قازاقستان رەسپۋبليكاسىنىڭ جەر رەسۋرستارىن باسقارۋ جونىندەگى اگەنتتىگى;»,
«قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى;»,
«قازاقستان رەسپۋبليكاسى اتوم ەنەرگياسى اگەنتتىگى.»
دەگەن جولدار الىپ تاستالسىن.
7. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
8. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2013 جىلعى 16 قاڭتار.
