استانالىقتار قولۇشىن سوزدى

كەشە گۋمانيتارلىق جۇك تيەلگەن اۆتوكەرۋەن استانادان الماتى وبلىسى, اقسۋ اۋدانى, قىزىلاعاش اۋىلىنا جول تارتتى. وسى كۇنى سۋ تاسقىنىنان زارداپ شەككەن وڭىرگە اتتانۋ ءۇشىن “نۇر وتان” حدپ قالالىق فيليالى توراعاسىنىڭ ءبىرىنشى ورىنباسارى ءامىرحان راحىمجانوۆ پەن استانا قالاسى كاسىپكەرلىك جانە ونەركاسىپ باسقارماسى باستىعىنىڭ ورىنباسارى باقىتجان سەيىتوۆ جولعا شىقتى. جالپى, اۆتوكەرۋەنگە بارلىعى 50 تونناعا جۋىق تۇتىنۋ تاۋارلارى جينالدى. ونىڭ ىشىندە 2500 كگ. ۇن, 1786 كگ. ماكارون, 1450 كگ. قانت, 675 كگ. كۇرىش, 881 ليتر وسىمدىك مايى, 10840 بانكى ءتۇرلى كونسەرۆلەر, 700 ليتر پاكەتتەگى ءسۇت, سونداي-اق 200 ادامعا ەسەپتەلگەن كيىم-كەشەك, كورپەلەر, ماتراتستار, بالالار ويىنشىقتارى, اس ءۇي جابدىقتارى, جەكە گيگيەنالىق زاتتار بار. ازىق-ت ۇلىك كولەمى 1000 ادامعا ءبىر ايعا جەتەتىن بولادى. گۋمانيتارلىق كومەكتىڭ جالپى قۇنى 30 ملن. تەڭگەنى قۇرادى. وسى كۇنى استانا اكىمدىگى ۇكى­مەت باسشىسىنىڭ تاپسىرماسى بوي­ىنشا الماتى وبلىسىنا كومەككە 50 ملن. تەڭگە  اۋداردى. بۇعان دەيىن استانا اكىمى اپپاراتىنىڭ قىز­مەت­كەرلەرى, قالالىق باسقارمالار, اۋدان اكىمدىكتەرى, ەلوردا اكىمدىگىنە باعىنىستى بىرقاتار كاسىپورىن ماماندارى, “نۇر وتان” حدپ اس­تانالىق فيليالىنىڭ قىز­مەت­كەرلەرى جانە قالانىڭ ونداعان ەڭبەك ۇجىم­دارى ارنايى اشىلعان قايى­رىمدىلىق شوتىنا ءبىر كۇندىك جالاقىلارىن اۋدارعان بولاتىن. داستان كەنجالين.