قۇرىلىس قارقىن الىپ كەلەدى

سارسەنبى كۇنى پرەمەر-مي­نيستر كارىم ءماسىموۆ پەن اس­تانا قالاسىنىڭ اكىمى يمانعالي تاس­ماعامبەتوۆ ەلوردا قۇرى­لىسىنىڭ ماسەلەلەرى بويىنشا قۇرىلىس الاڭدارىندا بولىپ, كوشپەلى كەڭەس وتكىزدى. كەڭەس ماقساتى ەلباسىنىڭ “جا­ڭا ون جىلدىق – جاڭا ەكو­نوميكالىق ورلەۋ – قازاق­ستاننىڭ جاڭا مۇمكىندىكتەرى” جولداۋىندا, سونداي-اق, تۇرعىن­دارمەن “تىكەلەي جەلى” كەزىندە قوي­ىلعان تاپسىرمالاردىڭ ور­ىن­دالۋىن باقىلاۋ بولىپ تا­­بىلادى. پروبلەمالى تۇرعىن ءۇي كە­شەندەرىنىڭ قۇرىلىسىنىڭ اياق­تالۋىنا, مەكتەپكە دەيىنگى ءبىلىم مەكەمەلەرىندە جاڭا ورىنداردىڭ قۇرىلۋىنا, دەنساۋلىق ساقتاۋ جۇيەسىنىڭ ينفراقۇرىلىمىن جە­تىلدىرۋ مەن مەديتسينالىق كلاستەر قۇرۋعا, سونداي-اق, 2011 جىلعى ءVىى قىسقى ازيا ويىندارىن وتكىزۋگە ارنالعان زاماناۋي سپورت ارەنالارىن قۇرۋ بويىنشا جوبالاردىڭ جۇزەگە اسىرىلۋىنا باسا كوڭىل ءبولىندى. 2010 جىلى پروبلەمالى قۇ­رىلىستاردى تولىعىمەن اياقتاۋ ءمىن­دەتى قويىلدى. 2007 جىلى ەل­ور­دادا 37 مىڭنان استام ۇلەسكەر­دىڭ قاتىسۋىمەن 227 ۇلەستىك قۇ­رىلىس نىسان بار بولاتىن. ونىڭ 166-سى بۇگىندە تاپسىرىلعان. بەس نىساننىڭ ۇلەسكەرلەرى سالىنىپ جاتقان تۇرعىن ءۇي كەشەندەرىنە قايتا ءبولىندى. وسىلايشا اعىم­دا­عى جىلى 12 933 ۇلەسكەر قا­تى­سۋشى 61 نىسان اياقتالماق. ونىڭ ىشىندە 19 نىسان “اققب “جاڭا قۇرىلىس” جشس-عا بەرىلگەن. كوشپەلى كەڭەس بارىسىندا ك.ءماسىموۆ پەن ي.تاسماعامبەتوۆ قۇرىلىسى قارقىندى ءجۇرىپ جاتقان ەكى تۇرعىن ءۇي – “نۇرسايا” جانە “كاراۆان” تك-دە بولدى. ونداعى ۇلەسكەرلەر سانى 466-نى قۇرايدى. بۇگىنگى كۇنگە دەيىن كومپانيا 11 نىساندا جۇمىسىن اياقتادى, ولار – “ەۋروپالىق” تك, “وق­جەتپەس” تك, ء“ال-فارابي”, “باي­قو­ڭىر” تك, “تاۋەلسىزدىك” تك, “ۆوز­روجدەنيە” تك, “جاس قانات” تك, “دوستىق” تك, “بەرەكە” تك (6, 7, 8 بلوكتارى), “التىن عاسىر” تك (ا, ۆ, س, ە, ع بلوكتارى), “كامپۋس” تك (د, ە, ج بلوكتارى), جالپى پاتەرلەر سانى – 2 447. 2010 جىلعى 1 شىلدەگە دەيىن جالپى پاتەر سانى 2 294 بولاتىن تاعى 6 تۇرعىن ءۇي كەشەنى مەن 2 كە­زەكتى, سونىڭ ىشىندە “ەگاليتە” تك, 12, 28, 38 كوشەلەرى قيىلىسىنداعى كتك, ء“ال-فارابي 2” تك, “كارا­ۆان 2” تك, جەلەزنودوروجنىي كەن­تىندەگى تك, “نۇرسايا” تك, “بە­رە­كە” تك (5 بلوك) جانە “التىن عا­سىر” تك (بلوك D) ءبىتىرۋ جوس­پارلانىپ وتىر. بيىلعى جىلدىڭ سوڭىنا قاراي سونداي-اق, “تۇرسىن استانا” تك (1 454 پاتەر) سالىنىپ بىتىرىلمەك. كەڭەس بارىسىندا سونداي-اق, “اققب “جاڭا قۇرىلىس” جشس-ءنىڭ “بالاپان” باعدارلاماسى بوي­ىن­شا ەسەبى تىڭدالدى. “اققب “جا­ڭا قۇرىلىس” جشس سالىپ جات­قان 15 تۇرعىن ءۇي كەشەنىنىڭ ءبى­رىن­شى قاباتتارىندا مەكتەپكە دەي­ىنگى شاعىن ورتالىقتاردى ۇيىم­داس­تىرۋ ماقساتىندا 16 مىڭ شار­شى مەتر اۋدان قاراستىرىلعان. وسى اۋدانداردا شاعىن ورتالىق­تار­دى جايلاستىرۋ 3000-نان استام بالانى ورىنمەن قامتاماسىز ەتۋگە مۇمكىندىك بەرەدى. 2009 جىلى 3 شا­عىن ورتالىق قۇرۋ جۇمىسى اياقتال­دى. ونىڭ ىشىندە “تاۋەلسىزدىك”, “وقجەتپەس” جانە “ەۋروپالىق” تك دە بار. ونداعى ورىندار سانى 210 بالانى قامتيدى. كەڭەسكە قاتىسۋشىلار 27 گا جەردى الىپ جاتقان جاڭا ۋنيۆەر­سيتەت اۋماعىندا دا بولدى. اعىم­دا­عى جىلدىڭ شىلدەسىندە ول ال­عاشقى ستۋدەنتتەردى قابىلدايدى. ازىرگە ساباق جوبانىڭ العاشقى كەزەگى شەڭبەرىندە سالىنعان توعىز عيماراتتا وتەتىن بولادى. كەڭەسكە قاتىسۋشىلار اتباسىن بۇرعان تاعى ءبىر بلوك “100 اۋرۋحانا” باعدارلاماسى بويىنشا سالىنىپ جاتقان نىسان بولدى. بۇل وڭتۇستىك-شىعىس (وڭ جاعى) شا­عىن اۋدانىنداعى امبۋلاتو­ريا­لىق-ەمحانالىق كەشەن (اۋى­سى­مىنا 350 كەلۋشىگە ارنالعان ەرە­سەك­تەر ەمحاناسى, اۋىسىمىنا 150 كە­لۋشىگە ارنالعان بالالار ەمحا­ناسى). ونى پايدالانۋعا بەرۋ 2010 جىلدىڭ سوڭىنا جوسپارلانعان. سونىمەن بىرگە №12 كوشە مەن ابى­لاي حان داڭعىلى قيىلىسىن­داعى 500 ورىندىق كوپ باعدارلى ستاتسيوناردى 2011 جىلى اياقتاۋ جوسپارلانىپ وتىر. ءۇشىنشى بلوكقا 2011 جىلعى ءVىى قىسقى ازيا ويىندارىنىڭ سپورت ينفراقۇرىلىمدارى نىساندارى كىردى. ولار ۆەلوترەك, كونكي تەبۋ ستاديونى, مۇز ايدىنى قۇرىلىسى مەن “قازاقستان” سپورت سارايى. ءۇش نىساننىڭ دا تاپسىرىلاتىن مەرزىمى – 2010 جىلعى 10 قازان. بۇل ازيادانىڭ باستالۋىنا سپورت­تىق ينفراقۇرىلىمنىڭ دايىن­دىعىن تەكسەرۋگە مۇمكىندىك بەرەتىن تەستىلىك جارىستاردى وتكىزۋگە قاجەت. نىسانداردى ارالاۋ سوڭىندا قالالىق اكىمدىكتە كەڭەس ءوتىپ, وندا “گراند استانا” كتك-ءنىڭ “ع” بلو­گىنىڭ قۇرىلىسىنىڭ اياقتالۋىنا رەسپۋبليكالىق بيۋدجەتتەن قو­سىم­شا قارجى ءبولۋ, سونداي-اق, تۇرعىن ءۇي قۇرىلىسىن تۇرعىن ءۇي جيناق جۇيە­سى ارقىلى ىسكە اسىرۋ ماسە­لەلە­رى تالقىلاندى. ءابدىراحمان قىدىربەك, سۋرەتتى تۇسىرگەن شۇكىر شاحاي.