ۇلەسىمىزدى قوسامىز

ەلباسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىن­دىك­تەرى” اتتى كەزەكتى جولداۋىن بۇكىل حالىقپەن بىرگە اعا بۋىن وكىلدەرى, اۋىل اقساقالدارى مەن ارداگەرلەرى دە قاناعاتتانارلىق سەزىممەن قارسى الدى. قازاقستاندا سوڭعى ونجىل­دىق­تا بولعان وڭ وزگەرىستەر ءبىزدى قۋانتسا, الداعى ونجىلدىققا بەل­گىلەنگەن دامۋ بەلەسى كوپتىڭ كوڭى­لىنە سەنىم ۇيالاتتى. مەملەكەت باسشىسى اعا بۋىنعا ارقاشان زور كوڭىل ءبولىپ كەلەدى. ۇلى وتان سوعىسىنداعى جەڭىستىڭ 65 جىلدىعىنا وراي سوعىس اردا­گەر­لەرىنىڭ ارقايسىسىنا 65000 تەڭ­گەدەن ءبىر جولعى كومەك بەرىلەدى. سوعىسقا قاتىسۋشىلارعا تەڭەس­تىرىل­گەن تۇلعالارعا, سوعىس اردا­گەرلەرىنىڭ زايىپتارىنا, سوعىستا قازا بولعان مايدانگەرلەردىڭ جۇ­بايلارىنا, سوعىس مۇگەدەكتەرىنىڭ قوساقتارىنا, سوعىس جىلدارىندا تىلدا ەڭبەك ەتكەندەرگە دە ماتە­ريالدىق  كومەك كورسەتىلمەك. بۇل – ۇلكەن قۋانتارلىق شەشىم دەپ بىلەمىز. جولداۋدا اۋىلداعى اعايىن­نىڭ جاعدايى دا ۇمىت قالعان جوق. ەل پرەزيدەنتىنىڭ تاپسىرماسى بويىنشا بارلىق زەينەتاقى ءتو­لەمدەرىنىڭ مولشەرىن كۇنكورىس دەڭ­گەيىنىڭ 60 پايىز دەڭگەيىنە كوتەرۋ مىندەتى قويىلدى. مەملە­كەتتىك الەۋمەتتىك جاردەماقى­لار­دىڭ مولشەرى كوبەيە تۇسەتىن بول­دى. بۇل قامقورلىعى ءۇشىن ەلبا­سىنا ۇلكەن العىسىمىزدى بىلدىرە­مىز. ەندىگى مىندەت وسى بەلەستەردى ەڭسەرۋگە ۇلكەن-كىشى دەمەي ءبارىمىز ءبىر كىسىدەي اتسالىسۋعا ءتيىسپىز. بۇل, اسىرەسە, اعا بۋىن وكىلدەرىنىڭ, قارتتار مەن اۋىل اقساقالدارىنىڭ الدىنا ۇلكەن مىندەتتەر جۇكتەيدى. سوندىقتان سوزاق اۋدانىنىڭ ارداگەرلەرى پرەزيدەنت جولداۋى­نىڭ ىسكە اسىرىلۋىنا ءوز ۇلەستەرىن قوساتىن بولادى. ا.مۇسابەك, سوزاق اۋداندىق ارداگەرلەر كەڭەسىنىڭ توراعاسى. وڭتۇستىك قازاقستان وبلىسى.