«مەدياتسيا تۋرالى» زاڭنىڭ ىسكە اسۋى نەگە باياۋ؟
سارسەنبى, 27 اقپان 2013 7:19
ەلىمىزدە مەدياتسيا تۋرالى زاڭنىڭ شىن مانىندە جۇمىس ىستەپ, ىرگەلى قۇقىقتىق ينستيتۋتقا اينالۋى, ەڭ الدىمەن, مەدياتورعا بايلانىستى. كىمنىڭ مەدياتور بولا الاتىنى, ونىڭ جۇمىس ىستەۋ تەتىكتەرى زاڭدا ايقىن كورسەتىلگەن, ول ەشقانداي تۇسىنىسپەستىك, نە داۋ تۋعىزبايدى. زاڭعا سايكەس مەدياتسيا راسىمىنە قاتىسۋدىڭ شارتى تاراپتاردىڭ ءوزارا ەرىكتى نيەت ءبىلدىرۋى. بۇل, ارينە, تۇسىنىكتى قاعيدات. دەگەنمەن, ەكى تاراپ ءوزارا ەرىكتى نيەت ءبىلدىرىپ وتىرسا ولار مەدياتور ىزدەمەي-اق ماسەلەلەرىن ءوزارا شەشىپ كەتە بەرمەي مە؟ كوبىنە سولاي بولادى دا, اراعا اعايىن سالادى, كىسى جۇرەدى. وسىنىڭ ءوزى, سايىپ كەلگەندە مەدياتسيا ەمەس پە, كەمشىلىگى تەك ارا اعايىن مەدياتور رەتىندە زاڭعا سايكەس تىركەلمەگەن, جازباشا كەلىسىم شارت جوق, ءبارى اۋىزشا.
سارسەنبى, 27 اقپان 2013 7:19
ەلىمىزدە مەدياتسيا تۋرالى زاڭنىڭ شىن مانىندە جۇمىس ىستەپ, ىرگەلى قۇقىقتىق ينستيتۋتقا اينالۋى, ەڭ الدىمەن, مەدياتورعا بايلانىستى. كىمنىڭ مەدياتور بولا الاتىنى, ونىڭ جۇمىس ىستەۋ تەتىكتەرى زاڭدا ايقىن كورسەتىلگەن, ول ەشقانداي تۇسىنىسپەستىك, نە داۋ تۋعىزبايدى. زاڭعا سايكەس مەدياتسيا راسىمىنە قاتىسۋدىڭ شارتى تاراپتاردىڭ ءوزارا ەرىكتى نيەت ءبىلدىرۋى. بۇل, ارينە, تۇسىنىكتى قاعيدات. دەگەنمەن, ەكى تاراپ ءوزارا ەرىكتى نيەت ءبىلدىرىپ وتىرسا ولار مەدياتور ىزدەمەي-اق ماسەلەلەرىن ءوزارا شەشىپ كەتە بەرمەي مە؟ كوبىنە سولاي بولادى دا, اراعا اعايىن سالادى, كىسى جۇرەدى. وسىنىڭ ءوزى, سايىپ كەلگەندە مەدياتسيا ەمەس پە, كەمشىلىگى تەك ارا اعايىن مەدياتور رەتىندە زاڭعا سايكەس تىركەلمەگەن, جازباشا كەلىسىم شارت جوق, ءبارى اۋىزشا.
اتالعان زاڭنىڭ 20-بابىنىڭ 3-بولىگىندە سۋديانىڭ تاراپتاردى مەدياتسياعا ماجبۇرلەۋگە قۇقىعى جوق دەلىنگەن. ال وسى باپتىڭ 4-ءبولىگىندە تاراپقا مەدياتسياعا جۇگىنۋگە ۇسىنىستى باسقا تاراپتىڭ ءوتىنىشى بويىنشا سوت جاساۋى مۇمكىن. ياعني تاراپتاردى مەدياتسياعا جۇگىندىرۋ ءۇشىن سوتقا ءبىر تاراپتىڭ سونداي ءوتىنىشى كەرەك. ال ەگەر ونداي ءوتىنىش تۇسپەسە شە؟ بۇل جاعدايدا سوت ءىستىڭ ءمان-جايلارىنا قاراپ, مەدياتوردىڭ مىندەتىن شىن مانىندە وزىنە الا وتىرىپ, تاراپتارعا ءىستى بىتىمگەرشىلىكپەن بىتىرەتىن مۇمكىندىكتەرى بار ەكەندىگىن, ونىڭ سالدارلارىن پروتسەسس بويىنا ءتۇسىندىرىپ, ەسكە سالىپ وتىرادى. بۇل كەزدە ماسەلەنىڭ جاعىمسىز قىرى, ياعني تاراپتاردىڭ سوتقا دەگەن سەنىمسىزدىگى تۋىنداۋى مۇمكىن.
سۋديا رەتىندە مەدياتسيانى, ارينە, قولدايمىز, مەدياتسيا شىن مانىندە ىسكە اسسا ودان سۋديالاردىڭ ۇتارى كور. بىراق زاڭعا سايكەس تاراپتارعا مەدياتورعا بارۋىڭىزعا بولادى دەپ تە ايتا المايمىز. سوندىقتان, مەدياتسيانى قولدانۋدى سوتقا دەيىن مىندەتتەۋ ماسەلەسىن قولعا السا جاعداي باسقاشا بولار ەدى. سوت پروتسەسىندە اىجك-ءنىڭ 49-بابىنا سايكەس تاراپتارعا داۋدى مەدياتسيا تارتىبىمەن رەتتەۋ تۋرالى قۇقىعىن ءتۇسىندىرۋدىڭ ناتيجەسى از. سەبەبى, حالىق مەدياتسيانى بىلمەيدى, بىلگەن كۇندە دە وعان سەنىم از, اۋىلدىق جەردە تىركەلگەن مەدياتوردى تابۋ دا وڭاي شارۋا ەمەس.
زاڭنىڭ 16-بابىنا سايكەس, اكىمدەردىڭ بۇل باعىتتاعى جۇمىسى تەك مەدياتورلار ءتىزىلىمىن جۇرگىزۋمەن عانا شەكتەلگەن. ەگەر اكىمگە «مەن مەدياتور بولعىم كەلەدى» دەپ ەشكىم كەلمەسە اكىم بۇل شارۋانى جىلى جاۋاپ قويا سالادى, سەبەبى بۇل ونىڭ مىندەتىنە كىرمەيدى. ال ءوز اۋىلىندا مەدياتور بولعانى اۋىل, اۋدان اكىمىنە دە ءتيىمدى. سوندىقتان مەدياتوردى ءاربىر اۋىل, اۋدان, قالا اكىمدەرى وزدەرى تاۋىپ, دايىنداۋى, ولاردى ناسيحاتتاۋى ءتيىس. سوندا سوتتىڭ دا بەيتاراپتىعى ساقتالادى. بۇل رەتتە كاسىپقوي ەمەس مەدياتورلاردىڭ الاتىن ورنى ايرىقشا. سەبەبى, بۇل اۋىلدىق جەرلەردە مەدياتسيا ينستيتۋتىن دامىتۋعا مۇمكىندىك بەرەتىن بىردەن-ءبىر تۇلعا سولار.
اكىمدەر تەك كەلگەن ادامداردىڭ ءتىزىمىن جۇرگىزۋمەن شەكتەلمەي ءوزدەرىنە بەكىتىلگەن اۋماقتاردا داۋ-جانجال تۋعان جاعدايلاردا تاراپتارعا مىندەتتى تۇردە داۋدى مەدياتسيا جولىمەن شەشۋ مۇمكىندىگىن ءتۇسىندىرىپ وتىرسا ءجون بولار ەدى. سەبەبى, اۋىلدىق جەردە, ومىردەن كورىپ وتىرعانىمىزداي, كوپ داۋدى سول جەردە, اۋىلدان شىعارماي-اق شەشۋگە مۇمكىندىك بار. بۇل, ءوز كەزەگىندە, ەڭ الدىمەن بولماشى داۋدان اعايىن اراسىنىڭ اشىلماۋىنا, سونىمەن بىرگە سوتتاردىڭ جۇمىسىن جەڭىلدەتۋگە سەپ بولار ەدى. مۇنى ناقتى جۇزەگە اسىرۋعا مۇمكىندىك بار, سەبەبى, ءار اۋىلدىڭ ءوزىنىڭ اكساقالى, ءجون سىلتەر اعاسى بار ەمەس پە. ودان باسقا داۋ-شاردى شەشۋ ءۇشىن بيگە بارماي تۇرىپ, ءبىرىنشى اۋىل اعاسىنا, اقساقالدارعا, قادىرلى ازاماتتارعا جۇگىنۋ دە بۇرىننان بار ءداستۇر.
ويتكەنى, ولار بەلگىلى ءبىر ورتادا, تۇرعىلىقتى حالىق اراسىندا قۇرمەتكە بولەنگەن, داۋلاسۋشىلاردىڭ الدىندا بەدەلى بار ادام. كاسىپقوي ەمەس مەدياتورلار مەدياتسيانى تەگىن جۇزەگە اسىرادى. دەگەنمەن, كاسىپقوي ەمەس مەدياتورلارعا مەدياتسيانى جۇرگىزۋگە بايلانىستى مەدياتور شەككەن شىعىستار, ونىڭ ىشىندە داۋ قارالاتىن جەرگە جول ءجۇرۋ اقىسىن تولەۋگە, قوناقۇيدە تۇرۋعا جانە تاماقتانۋعا ارنالعان شىعىستار وتەلەدى. سونىمەن قاتار, ولاردى ىنتالاندىرۋ ءۇشىن مەملەكەت تاراپىنان قاراجات ءبولۋ دە ارتىق بولماس ەدى.
كاسىپقوي ەمەس مەدياتورعا قويىلاتىن تالاپ تا از, تىركەلۋ ءتارتىبى دە جەڭىلدەتىلگەن. سوندىقتان, زاڭعا كاسىپقوي ەمەس مەدياتورلاردىڭ قاتىسۋىمەن داۋلار مەن جانجالداردى شەشۋ تۋرالى كوسىمشا ەرەجەنى ەنگىزۋ قاجەت. بۇل قوعامدا بەدەلدى جانە قۇرمەتكە بولەنگەن ازاماتتاردىڭ قالىڭ جىگىن جانجالداردى سوتتان تىس رەتتەۋگە تارتۋعا مۇمكىندىك بەرەدى.
نۇرلان باقتىعاليەۆ,
اقتوبە وبلىسى ويىل اۋداندىق
سوتىنىڭ توراعاسى.
