انتونيۋ گۋتەرريش قاسىم-جومارت توقاەۆتى پرەزيدەنت سايلاۋىنداعى ايقىن جەڭىسىمەن قۇتتىقتادى.
بۇۇ-نىڭ باس حاتشىسى مەملەكەت باسشىسىنا تابىس تىلەپ, ونىڭ جوعارى لاۋازىمداعى قىزمەتى قازاقستان حالقىنىڭ ىرىسى مەن بىرلىگىن نىعايتۋعا باعىتتالاتىنىنا سەنىم ءبىلدىردى.
– ءسىزدى بىرىككەن ۇلتتار ۇيىمىندا تاجىريبەلى دە تانىمال ساياسي قايراتكەر رەتىندە جاقسى بىلەمىز. ءوزىڭىزدى دوسىمىز دەپ سانايمىز, – دەدى ا.گۋتەرريش.
قاسىم-جومارت توقاەۆ انتونيۋ گۋتەرريشكە قۇتتىقتاعانى ءۇشىن ريزاشىلىق ءبىلدىرىپ, قازاقستاننىڭ بۇۇ-مەن ىقپالداستىعىن ودان ءارى پارمەندى تۇردە جالعاستىرۋعا نيەتتى ەكەنىن ايتتى.
سۇحبات بارىسىندا ەكىجاقتى ىنتىماقتاستىق پەن جاھاندىق ۇيىمنىڭ كۇن تارتىبىندەگى ماسەلەلەرى تالقىلاندى.
