ەۋروپا قۇرىلىمىنا ەرەكشە نازار

كەشە اقوردادا قازاقستان رەسپۋب­لي­كا­سىنىڭ پرەزيدەنتى نۇرسۇلتان نازار­باەۆ ەۋروپا كەڭەسى پارلامەنتتىك اسسام­بلەيا­سىنىڭ توراعاسى مەۆليۋت چاۆۋ­شو­گلۋ­مەن كەزدەستى. نەگىزى 1949 جىلى قالانعان ەكپا – كارى قۇرلىقتىڭ پارلامەنتارالىق قاتىناستارىن­دا­عى ەڭ ءبىر بايىرعى قۇرىلىم. بۇگىندە ەك ايا­سىن­داعى 47 مەملەكەتتىڭ 636 پارلامەنتشى­لەرى­نىڭ دەلەگاتسياسىنان قۇرالاتىن بۇل حالىق­ارالىق ۇيىمنىڭ شتاب-پاتەرى فرانتسيانىڭ ستراسبۋرگ قالاسىنان ورىن تەپكەن.  ەك-نىڭ مي­نيسترلەر كوميتەتى مەن ونىڭ تۇراقتى كو­ميس­سياسىنىڭ جۇمىسىنا قاتىستى ءتۇرلى ۇسى­نىستار مەن قارارلار قابىلداپ, ەك-نىڭ باس حاتشىسى مەن ورىنباسارلارىن, ەكپا-نىڭ باس حاتشىسىن جانە ادام قۇقىقتارى جونىندەگى سوتتاردى, ادام قۇقىعى جونىندەگى كوميسساردى سايلايتىن بۇل حالىقارالىق ۇيىمنىڭ قازىرگى توراعاسى مەۆليۋت چاۆۋشوگلۋ تۇرىك ازاماتى بولىپ تابىلادى. كەزدەسۋ بارىسىندا پرەزيدەنت نۇرسۇلتان نازارباەۆ مەۆليۋت چاۆۋشوگلۋدى ەكپا ءتور­اعاسى قىزمەتىنە سايلانۋىمەن قۇتتىقتادى جانە وسى جوعارى جانە جاۋاپتى قىزمەتتە تابىس تىلەپ, ەلىمىزدىڭ ەۋروپا كەڭەسى پار­لامەنتتىك اسسامبلەياسىمەن ىنتىماقتاستىققا ۇلكەن ءمان بەرەتىنىن اتاپ ءوتتى. قازاقستاندىق دەپۋتاتتار اسسامبلەيانىڭ بيۋروسىنا ۇدايى قاتىسادى, ەكپا وكىلدەرى قازاقستانداعى سايلاۋعا باي­قاۋشى بولدى. ەۋروپا كەڭەسى ۇنقاتىسۋى ايا­سىن­دا قازاقستان ەۋروپالىق مادەنيەت كون­ۆەن­تسياسىنا, بولونداعى ءبىلىم بەرۋ ۇدەرىسىنە, ەۋروپا كەڭەسىنىڭ قىلمىستىق جانە ازاماتتىق-قۇقىقتىق سالاسىنداعى التى كونۆەنتسياسىنا قوسىلۋ جونىندەگى جۇمىستاردى تۇراقتى جۇرگىزىپ كەلەدى, دەگەن مەملەكەت باسشىسى ەۋروپالىق پارلامەنتشىلەردىڭ قىزمەتى, اسىرەسە, يننوۆا­تسيالىق دامۋ ماسەلەسىندەگى زاڭنامالىق جۇمىس تاجىريبەسى قازاقستان پارلامەنتى ءۇشىن پايدالى ەكەنىنە توقتالدى. كەزدەسۋ بارىسىندا ەكپا توراعاسى م.چاۆۋ­شوگلۋ قازاقستاندىق ساياسي جانە ەكونوميكالىق رەفورمالارعا جوعارى باعا بەرىپ, ەۋروپا كەڭەسى قازاقستانعا ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتۋى كەزەڭىندە مەيلىنشە كومەك كور­سەتەتىنىنە سەندىردى. سونداي-اق بيىلعى جىلى استانادا ەقىۇ ءسامميتىن وتكىزۋ تۋرالى قا­زاقستاندىق باستامانى قولدايتى­نىن جەتكىزدى. – مەن تۇرىك ازاماتى رەتىندە قازاقستاندى اتاجۇرت دەپ تانيمىن, وسىندا كەلگەن سايىن قازاقستاننىڭ قانداي جەتىستىككە جەتكەنىن, ونىڭ استاناسى قالاي گۇلدەنىپ كەلە جاتقانىن كورەمىن. مەن ءۇشىن, ەكپا توراعاسى ءۇشىن – بۇل ۇلكەن قۋانىش جانە ماقتانىش, – دەدى م.چاۆۋشوگلۋ ەلباسىمەن كەزدەسۋدەن كەيىن ۇيىمداستىرىلعان جۋرناليستەرگە ارنالعان بريفينگتە. سونداي-اق ول قازاقستانداعى دىندەر ارا­سىنداعى, مادەنيەتتەر اراسىنداعى ۇنقا­تى­سۋلارعا جانە وسى ەلدە ءومىر سۇرەتىن بارلىق ەتنوس­تارعا جاسالىپ جاتقان قولايلى جاعداي­لارعا, قازاقستان حالقى اسسامبلەياسىنىڭ جۇمىسىنا قانىققانىن مالىمدەدى. انار تولەۋحانقىزى, سۋرەتتى تۇسىرگەندەر س.بوندارەنكو, ب.وتارباەۆ.