قوش كەلدىڭ, مۇباراك ءماۋلىت!

ادەتتەگىدەي بيىل دا الەمنىڭ مۇسىلمان مەملەكەتتەرى سياقتى ەلىمىزدىڭ مەشىتتەرىنەن باستالىپ, ۇلكەندى-كىشىلى قالا, اۋدان, وبلىس ورتا­لىقتارىندا سۇيىكتى پايعامبارىمىز مۇحاممەدتىڭ (س.ع.س) تۋعان ايى ءماۋلىت اتالىپ ءوتىلىپ, مەرەكەلەنۋ ۇستىندە. سەنبى كۇنى الماتىداعى باس سارايعا جينالعان جاماعات اللا تاعالانى ۇلىقتاپ, ماۋلىتكە قاتىستى ۋاعىزدارعا, پايعامبارىمىزعا (س.ع.س) ايتىلعان سالاۋاتتارعا سۋسىنداپ قايتتى. ءدال سول كۇنى رەسپۋبليكا سارايىندا “ينە شانشار” ورىننىڭ بولماعانىنا العاش رەت كۋا بولىپ قايتتىق. ادامنىڭ لىق تولعانى سونشا, زالدىڭ قاتارارالىق بوس جەرلەرى, قاپتالى تولىپ, تۇرۋعا ورىن قالماعانى ءوز الدىنا, فويەگە ورناتىلعان ەكراننان تىڭ­داعان حالىقتا دا ەسەپ جوق. ساراي قىز­مەت­كەرلەرى 3 ساعات اياعىنان تىك تۇرعان 5 مىڭعا جۋ­ىق جاماعاتتى كورىپ, باس عيماراتتىڭ بۇرىن-سوڭدى مۇنداي “اۋزى-مۇرنىنان” شىعىپ تولماعانىنا تاڭدانىس ءبىلدىرىپ جاتتى. الدىمەن ءماۋلىت مەرەكەسىنە جينالعان جاماعاتتى قۇتتىقتاعان قازاقستان ءدىني باسقارماسىنىڭ توراعاسى, باس ءمۇفتي, شەيح ءابساتتار قاجى دەربىسالى حازرەت پايعام­بار­لاردىڭ سۇلتانى مۇحاممەدتىڭ (س.ع.س) عيبراتتى عۇمىرىن قامتىعان اۋقىمدى دا, تەرەڭ ماعىنالى بايانداما جاساپ, ادامزاتتى يماندىلىق جولىنا باستايتىن يسلام ءدىنىنىڭ قۇندىلىقتارىنا توقتالا كەلە, اسىرەسە, پايعامبارىمىزدىڭ (س.ع.س.) جاراتىلىسى ادەمى, مىنەزى دە جىبەكتەي, ءارى سابىرلى, قارا­پايىم, تەڭدەسى جوق ەڭ كامىل جان بولعانىن تە­بىرەنە سيپاتتادى. – 2004 جىلى ەلباسىنىڭ ساۋد ارا­بيا­سىنا رەسمي ساپارى بارىسىندا مەككەدەگى ءال-حارامعا – اللا تاعالا ۇيىنە كىردىك. ول ساتتەگى سەزىم ءبىر بولەك ەدى. ودان پايعامبارىمىزدىڭ (س.ع.س.) ماديناداعى مەشىتىنە بارىپ, جۇما نامازىن بىرگە وقۋدى ءناسىپ ەتتى. سول كۇنى كەشكە پايعامبارىمىزدىڭ (س.ع.س.) وسى ۋاقىتقا دەيىن ساقتالعان ۇيىنە كىرۋگە رۇقسات الدىق. بىراق, ەسىكتىڭ شىنجىرعا بايلانعان كىلتى جەتى كىسىنىڭ موينىندا ەكەن. جەتى كىسى بىرىككەندە عانا ق ۇلىپ اشىلماق. ەگەر ولار­دىڭ بىرەۋى كەلمەسە, ەسىك اشىلمايدى. ءبىز­دىڭ كوزىمىزشە جەتى كىسى جينالىپ, ءبىر مەز­گىلدە ق ۇلىپقا كىلت سالعاندا, ەسىك اشىلدى. كىردىك. بار بولعانى ەكى-اق بولمە. ىشكى بولمەدە ايشا انامىزبەن تۇرىپتى. ال كىرە بەرىستە فاتيما انامىز تۇرسا كەرەك. ءۇي ءىشى سونشاما قا­را­پا­يىم. سوندا جامباسىنا باتقان ءشيدى ءوز كو­زى­مىز­بەن كوردىك. مىنە, ۇلگى, مىنە, قارا­پا­يىم­دى­لىق, – دەدى ءدىنباسى. سونداي-اق, حازرەت ءماۋلىت مىڭ جىلدان اسا ۋا­قىتتان بەرى تويلانىپ كەلە جاتقانىنا, ءتىپتى, سينگاپۋردە 10 پايىز عانا مۇسىلمان بول­سا دا ءبىر اي بويى, ال سيريادا ماۋلەت باس­تالعانشا, ماۋلەت بىتكەن سوڭ تاعى ءبىر-ءبىر اي قوسىپ, ءۇش اي بويى توي­لايتىنىن, قازاق­ستان­دا 26 ۇلتتان ت­ۇ­راتىن مۇسىلماننىڭ ءبىر­لىك, ىنتىماقتا تۇ­رىپ جاتقانىن اسقان ىقىلاسپەن جەتكىزدى. سو­نىمەن قاتار, سا­دۋا­قاس عىلماني اتا­مىزدىڭ مۇراعاتىنان قازاق تىلىندە جازىل­عان ءماۋلىتىن تاۋىپ ال­عانىن, بىراق, ول ءۇردىس ءۇزىلىپ قالعانىن, الداعى ۋاقىتتا سونى جالعاستىرىپ, انا تىلىمىزدە دە وتكىزۋدى باستايتىن شىعارمىز دەگەن ويىن دا بىلدىرە كەتتى. ادامزاتتىڭ ارداق تۇتار تۇلعاسى پايعامبارىمىز مۇحاممەدتىڭ (س.ع.س.) بۇكىل ءومىرى, قىزمەتى ولەڭ داستانعا تۇسىرىلگەن حاسيدانى, ياعني ءماۋلىتتىڭ ماداق جىرىنان سالاۋات ايتقان قاريلار – جۇمانازار سادىرحانوۆ, دانيار جۇماباەۆ, احمەت مۇ­حامەد­جانوۆ, ەيدير حونان اۋەزدى داۋىس­تارىمەن ماقامىنا كەلتىرە جەتكىزدى. ارتىنان وقىلعان قۇرانعا باس ءمۇفتي: “وسى وقىلعان قاسيەتتى قۇراننىڭ قاسيەتتى اياتتارىنان بولعان ساۋاپتى دۇنيەدەن وتكەن بارشا مۇسىلماندارعا, پايعامبارىمىز مۇحاممەد مۇستافا (س.ع.س.) رۋحىنا, كەشەگى تابيعات اپاتىنان قازا تاپقان باۋىرلارىمىزدىڭ رۋحىنا باعىشتادىق. ەلىمىزگە اماندىق, جەرىمىزگە, حالقىمىزعا تىنىشتىق, بەرەكە-بىرلىك بەرسىن, ءاۋمين!”, – دەپ باتا جاسادى. اللا تاعالانىڭ سۇيىكتى ەلشىسىنە (س.ع.س) ىزگى نيەتىن ءبىلدىرىپ, قۇتتىقتاۋعا الماتى قالاسى, مەدەۋ اۋدانىنىڭ اكىمى ماحامبەت بايدالى دا كەلدى. بەلگىلى عالىمدار م.اۋەزوۆ اتىنداعى ادەبيەت جانە ونەر ينستيتۋتىنىڭ ءبولىم مەڭگەرۋشىسى  ايگۇل سماكوۆا, پروفەسسور يسلام جەمەنەي “پايعامبارىمىز (س.ع.س.) – ادامزاتتىڭ ۇلى ۇستازى”, “پايعامبارى­مىز­دىڭ (س.ع.س.) زاماناۋي ومىرلىك ۇيلەسىمدىلىگى” دەگەن تاقىرىپتا جان-جاقتى دا, مازمۇندى بايان­داما جاسادى. قمدب-نىڭ اپپارات جەتەكشىسى قايرات جولدىباي ۇلى دا پاي­عام­با­رىمىزعا (س.ع.س.) سۇيىسپەنشىلىك جايلى بايان ەتە كەلە, ءدىني باسقارما قاسيەتتى كۇنگە پاي­عام­بارىمىزدىڭ (س.ع.س.) ءومىرى, قىزمەتى جايلى ەكى تىلدە 5 مىڭعا جۋىق كىتاپتىڭ تارا­تىل­عا­نىنان حاباردار ەتتى. قوعام جانە مەملەكەت قاي­راتكەرى مۇرات اۋەزوۆ قازاقستاننىڭ ەڭ ۇلكەن سارايىنىڭ ءبىرى لىق تولىپ, قانشاما جۇرتتىڭ تۇرەگەلەپ تۇرعانىنا تولعانىپ وتىرعانىن, پايعامبارىمىز (س.ع.س.) دۇنيەگە كەلگەن كۇننەن باستاپ جالپى ادامزاتتىڭ تاريحى مۇلدە باسقا ساپا, مۇلدەم باسقا ءول­شەمگە يە بولعانىن, بۇل – ماڭگىلىك, ەشقاشان ءوش­پەيتىن نۇر, وشپەيتىن رۋح ەكەنىن, ەگەر دامىعان وركەنيەتتى تاۋەلسىز مەملەكەت بول­عىمىز كەلسە, وسى جولدا يسلام ءدىنى, ءما­دەنيەتى, وركەنيەتى ەڭ ۇلكەن تىرەۋ, قولدايتىن دا, باسقاراتىن دا كۇش ەكەنىن تەبىرەنىسپەن جەتكىزدى. اللاعا شۇكىر, قازاق حالقىنىڭ تالانتتى ۇرپاقتارى كوپ. ءماۋلىت تويىنا ونەرپازدار دا قىزمەت جاسادى. بيىلعى جىلدىڭ ەرەكشەلىگى – م.اۋەزوۆ اتىنداعى تەاتردىڭ باس رەجيسسەرى ءا.راحيموۆ ومار (ر.ا.) حاليفانىڭ زاما­نىن­داعى تاقۋالىقتى بايان ەتەتىن تەاترلان­دى­رىل­عان قىسقاشا قويىلىم قويسا, ەسكەندىر حا­سان­عاليەۆ, ءشامىل ابىلتاەۆ, توقتار سەرىكوۆ, سونداي-اق وزدەرى دە, اندەرى دە اسەم “سەرىلەر”, “مەلومان”, “جىگىتتەر” توبى, 6 جاسار كىشكەنە قازبەك دۇيسەنباەۆتار جۇرەگىڭدى شىمىرلاتار ءدىني اندەر ورىندادى. كەشتى ادەمى جۇرگىزۋگە ەڭبەك سىڭىرگەن تۇڭعىشباي ءال-تارازي اعامىزعا اللانىڭ راحمەتى جاۋسىن دەمەكپىز. جىل سايىن ءماۋلىت مەرەكەسى قارساڭىندا ءدىني باسقارما “كوكجيەك” باسپاسىمەن بىرىگىپ, پايعامبارىمىزدىڭ (س.ع.س.) ونەگەلى ءومىر جولى تۋرالى جازىلعان شىعارمالارعا ستۋدەنتتەر مەن مەكتەپ وقۋشىلارى اراسىندا بايقاۋ جاريالايدى. وعان بيىل ەلىمىزدىڭ تۇكپىر-تۇكپىرىنەن 3 مىڭعا جۋىق تالاپكەر قاتىسقان. ماۋلىتتە بايقاۋ جەڭىمپازدارى مەن ىنتا­لاندىرۋ سىيلىعىنا يە بولعانداردى باس ءمۇفتيدىڭ ءوزى ماراپاتتادى. ۇلكەن شىعار­ما­شىلىق ىزدەنىسپەن ۇيىمداستىرىلعان سال­تاناتتى كەش جەكەن وماروۆتىڭ “زىكىروللا” انىمەن ءتامامدالدى. گۇلزەينەپ سادىرقىزى.