باسىمدىقتارىمىزدىڭ ماڭىزى جوعارى

البانيا قازاقستاننىڭ ەقىۇ-داعى توراعالىعى باس­تامالارىنا قولداۋ ءبىل­دىرەدى جانە استانامەن ەكىجاقتى قارىم-قاتىناستى جان-جاقتى دامىتۋعا دايىن. البانيانىڭ استاناسى تيرانا قالاسىندا بولعان ءىس باسىنداعى توراعانىڭ ارنايى وكىلى, قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى كونستانتين جيگالوۆتىڭ كەزدەسۋلەرىندەگى اڭگىمە وزەگى وسىعان سايدى. قازاقستاندىق ديپلومات البا­نياعا بالقان تۇبەگىندەگى ەلدەرگە ءۇش كۇندىك ساپارى اياسىندا باردى. تيرانادا ول البانيا پرەزيدەنتى بامير توپيمەن, پرەمەر-ءمينيسترى سالي بەريشپەن, سىرتقى ىستەر ءمينيسترى يلير مەتامەن جانە سوتسياليستىك پارتيا توراعاسى ەدي راممەن كەزدەستى. بىرلەسكەن ءباسپاسوز ءماسليحا­تىندا البانيا سىرتقى ىستەر مي­نيسترى ي.مەتا قازاقستان توراعا­لىعى كەزىندە بەرىلگەن باسىمدىق­تاردىڭ ماڭىزىن ەرەكشە اتاپ كور­سەتتى. ونىڭ ىشىندە ەقىۇ-نىڭ الە­ۋەتىن ارتتىرىپ, ءتيىمدى­لى­گىن جوعا­رى­لاتۋ, سونداي-اق جان­جالدار­دىڭ ال­دىن الىپ, بەيبىت رەتتەۋ ماسەلەلەرى بار. قازاق­ستاننىڭ اۋ­عانستاندى تۇراقتان­دىرۋعا ۇلەسىنىڭ ماڭىزى دا اتاپ ءوتىلدى. وسى رەتتە البانيانىڭ وتكەن جىلدىڭ ءساۋى­رىنەن باستاپ ناتو-عا مۇشە بولىپ تابىلا­تى­نىن, قازىرگى كەزدە اۋعان­ستانداعى حالىقارالىق ءىSAF ميس­سياسىنا ءوز ۇلەسىن قوسىپ وتىرعا­نىن ايتا كەتكەن ءجون. ساپار بارىسىندا كەزدەسۋگە قاتىسۋشىلاردىڭ بارلىعى ەقىۇ-نىڭ ەلدەگى رەفورمالاردى قامتا­ماسىز ەتۋگە قوسىپ وتىرعان جوعارى ۇلەسىن اتاپ كورسەتتى. ك.جيگالوۆ البانيا سىرتقى ىستەر ءمينيسترلى­گىنىڭ جانە وزگە دە بارلىق ۇلتتىق بيلىك ورگاندارىنىڭ ەقىۇ-مەن اراداعى ىنتىماقتاستىق دەڭگەيىنە تەرەڭ قاناعات سەزىمىن ءبىلدىردى. ارنايى وكىل, سونىمەن قاتار, سۇحباتتاستارىن قازاقستاننىڭ ەقىۇ-داعى توراعالىعى كەزىندەگى جوسپارلارىمەن تانىستىرىپ, وسى جىلدىڭ جازىندا الماتىدا وتكى­زىلۋى جوسپارلانىپ وتىرعان مي­نيس­تر­لەر دەڭگەيىندەگى بەيرەسمي كەز­دە­سۋ تۋرالى حاباردار ەتتى. “بۇل كەز­دە­سۋلەر كوپتەگەن ماڭىزدى ماسە­لەلەر قاتارىندا كورفۋ پروتسەسىن, 1999 جىلعى ۆەنا قۇجاتىن, ەقىۇ-نىڭ اۋعانستانمەن ءوزارا ءىس-قي­مىلىن, ت.ب. ماسەلەلەردى تالقىلاۋعا تاماشا مۇمكىندىك تۋعىزادى”, – دەدى ول. البانيا قازاقستان توراعالى­عىن قىزىعۋشىلىقپەن باقىلاپ وتىر. ويتكەنى, اتالعان ەل 2014 جىلى ەقىۇ-عا توراعالىق ەتۋگە ۇمتىلىس تانىتۋدا. “بۇل البانيا سىرتقى ساياساتىنىڭ اسا ماڭىزدى ماقساتتارىنىڭ ءبىرى جانە وسىعان بايلانىستى ءبىز قازىرگى توراعا – قازاقستان تاراپىنان ىقپال ەتۋدى سۇرايمىز”, – دەدى ءوز سوزىندە وسى ەل سىرتقى ىستەر ءمينيسترى ي.مەتا. وسىمەن ءبىر مەزگىلدە ول تابىستى توراعالىق ءۇشىن ايتارلىقتاي ادامي, ۇيىمداستىرۋشىلىق جانە قارجى رەسۋرسى قاجەت ەكەنىن مويىندادى. ارينە, تاراپتار قازاقستان-البانيا ىنتىماقتاستىعىنىڭ پەرسپەكتيۆالارىن دا تالقىلادى. البانيا پرەمەر-ءمينيسترى حا­لىقارالىق فورۋمدار شەڭبەرىندە پرەزيدەنت نۇرسۇلتان نازارباەۆ­پەن ءوزىنىڭ كەزدەسۋلەرىن جىلىلىق­پەن ەسىنە الدى. ەكى ەل اراسىنداعى ديپلوماتيا­لىق قارىم-قاتىناس 1993 جىلى ورناعانىنا قاراماستان, ءىس باسىن­داعى توراعانىڭ ارنايى وكىلىنىڭ بۇل جولعى ساپارى قازاقستاننىڭ رەسمي دەلەگاتسياسىنىڭ تيراناعا العاشقى ساپارى بولىپ تابىلادى. ەقىۇ سىرتقى ىستەر مينيسترلە­رىنىڭ وسى جازدا بولاتىن الما­تىداعى بەيرەسمي كەزدەسۋى, سونداي-اق ۇيىم دايىنداپ جاتقان استا­ناداعى جوعارى دەڭگەيدەگى سامميت البانيانىڭ جوعارى لاۋازىمدى وكىلدەرىنە قازاقستانمەن تانىسۋ ءۇشىن جاقسى مۇمكىندىك بولماق. ەۋرووداققا ۇمتىلىپ وتىرعان البانيا سوڭعى جىلدارى بەلسەندى ەكونوميكالىق ءوسىم دەڭگەيىنەن كورىنىپ كەلەدى. جانە دە بيزنەس­مەن­دەر مەن تۋريستەر ءۇشىن اي­تارلىقتاي تارتىمدى ەل بولا الادى. البانياعا ساپارىنان سوڭ قازاقستان دەلەگاتسياسى چەرنو­گو­ريانىڭ استاناسى – پودگوريتساعا ءجۇرىپ كەتتى. قازاقستاننىڭ ەقىۇ-عا توراعالىعى دەلەگاتسياسى ءۇش كۇندىك ساپارىن بوسنيا جانە گەر­تسەگوۆينادا بولۋىمەن قورىتىن­دى­لايدى. تالعات جۇماعۇلوۆ  – تيرانادان.