ءومىردى ونەرمەن ورنەكتەگەن ورەندەر

“قازاقستان كۆن وداعىنىڭ” جىل سايىنعى چەمپيوندار ليگاسىن جاستار تاعاتسىزدانا كۇتەتىنى بەلگىلى. سول سەبەپتى وتكەن سەنبى كۇنى 2009 جىلعى كوڭىلدىلەر مەن تاپقىرلار كلۋبى كوماندالارىنىڭ ىشىندەگى ەڭ ۇزدىگىن انىقتاۋ ءۇشىن استانا جاستارى كونگرەسس-حولل سارايىنا جينالدى. ءسوز رەتىنە قاراي ايتا كەتەيىك, قازىرگى تاڭدا بۇل كلۋب جاقسى جە­تىلىپ, دامىپ كەلەدى. جاستار ارا­سىندا ۇلكەن بەدەل مەن ابىرويعا يە ونىڭ مۇشەلەرى قوعام ومىرىنە ساي ويلاردى ءساتتى ءتۇيىستىرۋ ارقىلى قىز-جىگىتتەردى وتانسۇيگىشتىككە, سالاماتتى ءومىر سالتىنا, ءبىلىم مەن عىلىمعا ۇمتىلىس جاساۋعا ۇلكەن سەرپىن بەرۋدە. سوندىقتان دا, تاربيەلىك ماڭىزى جوعارى وسىنداي كوڭىلدىلەر مەن تاپقىشتاردىڭ ويىندارىن جاستار تامسانا تاماشالايدى. “چەمپيوندار ليگاسى-2010” ويى­­نىنا رەسپۋبليكانىڭ ءار وڭىرىنەن كەلگەن ونعا جۋىق كوماندا قاتى­سىپ, ءوزارا باق سىناستى. ساحنا ءما­دە­نيەتى مەن ارتىستىك شەبەرلىك, بي, ءان جانە قيمىل-قوزعالىس ءما­نە­رى, وي ۇش­قىرلىعى سىندى ونەر اتاۋ­­لىنىڭ ءتۇرلى جانرلارىن قام­تى­عان بۇل ويىن ءۇش ساعاتقا سوزىل­دى. ءبارى ءوز ونەر­لەرىنىڭ شەبەرى ەكەن. سوندىقتان دا قازىلار ال­قاسىنىڭ توراعاسى  قىدىرالى بولمانوۆ باستاعان جيۋري مۇشەلەرى جاستاردىڭ ويىنىن باعالاۋدا كا­دىم­گىدەي ويلانۋعا تۋرا كەلدى. اقى­رىندا ۇلكەن كۋبوكتى شىمكەنت قالاسىنان كەلگەن ء“سوز تيمەسىن” كومانداسى يەمدەنسە, كىشى كۋبوك تاراز قالاسىنىڭ “تاراز-2000” كومانداسىنا بۇيىردى. اراي ۇيرەنىشبەكقىزى, استانا.