الەۋمەتتىك جوبالار قاتارى تولىقتى

بيۋدجەتتەن تىس قاراجات كوزدەرىن ىزدەستىرىپ تاۋىپ, ونى وڭىردە ىسكە اسىرىپ جاتقان الەۋمەتتىك جوبالار قاتارىن تو­لىقتىرۋعا جۇمساۋعا ىقپال جاساي بىلگەن باسشىنىڭ مەرەيى قاشاندا ۇستەم. ايتالىق, سوڭعى ءۇش جىلدا قارا­شى­عاناق كە­نىشىندەگى شەتەلدىك كوم­پانيالاردىڭ وڭىردەگى الەۋمەتتىك جو­با­لارعا بولەتىن قاراجاتىنىڭ كولەمى ءتورت ەسەگە ۇلعا­يىپ­تى. مۇنى ارينە, “باتپان قۇي­رىق, اي­دالادا جاتقان قۇيرىق” دەۋ­گە ەش بول­مايدى. ونى باتىس قازاقستان وبلى­سىنىڭ اكىمى, كپو ب.v كوم­پا­نيا­سىن­داعى بىرىككەن باسقارۋ كوميتەتىنىڭ (ببك) مۇشەسى باقتىقوجا ءىزمۇ­حام­بە­توۆتىڭ ەلگە دەگەن جاناشىرلىق كوز­قاراسىمەن بايلانىستىرا قاراۋعا ابدەن بولادى. بۇلاي بولاتىن سەبەبى – شەتەلدىكتەر باسى ارتىق قاراجاتتى تەك­تەن-تەك بەرە سالمايدى. ونى الۋ ءۇشىن دە ىجدا­عات­تىلىق, تاباندىلىق كەرەك. تاياۋدا لوندوندا وتكىزىلگەن ببك-ءنىڭ كەزەكتى ماجىلىسىنەن ورالعان ب.ءىز­مۇحامبەتوۆ جۋرناليستەرگە ارنالعان بري­فينگتە وسى ماسەلە جونىندە بايان­داپ بەردى. ونىڭ مالىمدەۋىنە قاراعاندا, الەۋمەتتىك جوبالار ءۇشىن قاراستى­رىل­عان 20 ميلليون اقش دوللارى كو­لە­مىندەگى قاراجاتتى تاعى دا ەكە ەسەگە دەيىن ۇل­عاي­تۋعا قول جەتكىزىلگەن. بۇل قانداي ماق­سات­تارعا پايدالانىلماق؟ بۇل ساۋالعا جاۋاپ بەرمەس بۇرىن وبلىس باسشىسى وتكەن جىلى كپو ب.v كوم­پا­نيا­سىنان الەۋ­مەت­تىك جوبالارعا ءبو­لىنگەن قاراجاتتىڭ قايدا جۇمسالعانى, قالاي يگەرىلگەنى تۋرالى ايتىپ ءوتتى. ول كەنشىلەر قالاسى اقسايدى اباتتان­دى­رۋ­عا, قاراشىعاناق كەنىشى اۋماعىندا ورنالاسقان ءبورلى اۋدا­نىن­داعى اقساي-اقبۇلاق گاز قۇبىرى جەلىسىن جۇرگىزۋگە جۇمسالعان. سونىڭ وزىندە دە بۇل قارا­جات جىل اياعىنا دەيىن تولىق يگەرىلىپ ءۇل­گەرمەپتى. “وسى ءۇردىس بيىل ودان ءارى جال­عاسادى. وسىناۋ الەۋمەتتىك جوبا شەڭ­بەرىندە ورال قالاسىنىڭ ىرگەسىندە گاز-تۋربينالى ەلەكتر ستانساسى سا­لى­نىپ, جىلۋ جۇيەسىنىڭ قۇرىلىسى باس­تالماق. ءارى بۇل جوبالار جىل اياعىنا دەيىن اياق­تالماق”, – دەدى باقتىقوجا سالاحات­دين ۇلى. وبلىس باسشىسىنىڭ مالىمدە­مە­سى­نەن بەلگىلى بولعان تاعى ءبىر ءجايت – اتالعان الەۋمەتتىك جوبالار قاتارىندا وبلىس ورتالىعىندا الەمدىك ستان­دارت­تارعا جاۋاپ بەرە الاتىن ءزاۋلىم سال­تانات سا­را­يى بوي كوتەرمەك. وندا نەكە ءرا­سىم­دەرىنەن تىس رەسپۋبليكالىق جانە حا­لىق­ارالىق دەڭگەيدەگى جيىنداردى وتكىزۋگە بو­لادى. باتىس قازاقستان رەسەيدىڭ بەس بىردەي وبلىسىمەن قويىن­دا­سا-قولتىقتاسا ورنالاسقان. بولاشاق بوي كوتەرەتىن نىساندا وسىناۋ شە­كا­را­لىق وبلىستار وكىلدەرىنىڭ باسقوسۋلارى مەن جيىندارىن وتكىزۋگە دە ءمۇم­كىن­دىكتەر تۋعىزىلماق. سونداي-اق, شەتەلدىك كومپانيادان بيىل قوسىمشا بولىنگەن 20 ميل­ليون اقش دوللارى ورال قالاسىنىڭ ەسكى اۋە­جاي دەپ اتالاتىن اۋدانىندا 1200 وقۋ­شىعا ارنالعان مەكتەپ, سو­نىمەن بىرگە, 320 بالاعا ارنالعان با­لاباقشا عيمارات­تارىن تۇرعىزۋعا جانە جابىق تەننيس كورتىن سالۋعا جۇم­سال­ماق. العاشقى ەكى نىساننىڭ جوباسى قازىردىڭ وزىندە ءازىر. اتالعان مەكتەپ پەن بالا­باق­شا عيما­راتتارى جونىندەگى جوبالار رەس­پۋب­ليكا ۇكىمەتىنىڭ نا­زارىنا ۇسىنىلدى. ۇكىمەت ونى تۇرعىزۋ ءجو­نىندە قاۋلى قابىلداعان سوڭ, ىلە-شالا ءتيىستى قۇرىلىس جۇمىستارى دا باس­تالىپ كەتەتىن بولادى, – دەپ ءتۇيىن جاسادى بريفينگتە ب.ىزمۇحامبەتوۆ. تەمىر قۇسايىن, باتىس قازاقستان وبلىسى.