ايماقتار • 03 ماۋسىم، 2019

شىمكەنتتەگى كəسىپكەر بالالار تاپقان تابىستارىن قايىرىمدىلىققا جۇمسايدى

690 رەت كورسەتىلدى

شىمكەنتتە 1 ماۋسىم - حالىقارالىق بالالاردى قورعاۋ كۇنى مەرەكەسى اياسىندا بالالار جارمەڭكەسى ءوتتى. اتالعان جəرمەڭكە «Shymkent» الەۋمەتتىك-كاسىپكەرلىك كورپوراتسياسىنىڭ قولداۋىمەن قالادا ەكىنشى رەت ۇيىمداستىرىلدى. ارباتتاعى شارادا 6 مەن 14 جاسقا دەيىنگى 90 كəسىپكەر بالا تاپقان تابىستارىنىڭ 10 پايىزىن قايىرىمدىلىققا جۇمساماق.

«Shymkent» اكك باسقارماسىنىڭ باسشىسى راشيد ايۋپوۆ بالالاردى مەرەكەمەن قۇتتىقتاپ، ولاردىڭ بەلسەندىلىك تانىتقان اتا-اناسىنا العىس ءبىلدىردى. جارمەڭكەنى ارالاپ، بالالاردىڭ ەڭبەگىمەن تانىسقان ول جاسوسپىرىمدەردىڭ وزدەرى جاساعان قولونەر بۇيىمدارىن ساتىپ الدى.

«وتكەن جارمەڭكەگە قاتىسقان 70 بالانىڭ سانى بۇل جولى 90-عا ارتتى. ءبىز الداعى ۋاقىتتا بالالاردىڭ جۇمىسىن سارالاپ، بىرنەشە باعىتتى دامىتۋعا باسىمدىق بەرەمىز»، - دەدى ر.ايۋپوۆ.

ايتا كەتەيىك، مۇنداي جارمەڭكەلەر الەمنىڭ 100-دەن استام ەلىندە وتكىزىلەدى. جارمەڭكەگە قاتىسۋ بارىسىندا بالالار كوشباسشىلىق، شەشىم قابىلداۋ، قارىم-قاتىناس داعدىلارى مەن جاۋاپكەرشىلىك سياقتى قاسيەتتەردى مەڭگەرەدى.

دايىندىق بارىسىندا بالالار «Shymkent business school Y17» بيزنەس-مەكتەبىندە ترەنينگتەن ءوتتى.

ساۋدادان تۇسكەن قارجىنىڭ 10 پايىزى ناشار ەستيتىن بالالارعا ارنالعان مەكتەپ-ينتەرناتتا روبوتوتەحنيكا كابينەتىن جابدىقتاۋ جونىندەگى جوبانى قارجىلاندىرۋعا جۇمسالادى.

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار