ەكى ەل ديپلوماتىمەن كەزدەستى

كەشە قازاقستان پارلامەنتى سەناتىنىڭ توراعاسى قاسىم-جومارت توقاەۆ نورۆەگيا كو­رول­دىگىنىڭ قازاقستان رەسپۋبلي­كا­سىنداعى توتەنشە جانە وكىلەتتى ەلشىسى داگ مالمەر حالۆورسەندى قابىلدادى, دەپ حابارلادى وسى پالاتانىڭ ءباسپاسوز قىزمەتى. كەزدەسۋ بارىسىندا جۇزدەسۋشى­لەر قازاقستان-نورۆەگيا قاتىناس­تارىنىڭ قارقىندى دامىپ كەلە جاتقانىن جانە كوپتەگەن وڭىرلىك جانە حالىقارالىق ماسەلەلەردى شەشۋدەگى ەكى ەلدىڭ كوزقاراستارى ۇقساس ەكەنىن اتاپ ءوتتى. پار­لامەنتارالىق ىنتىماقتاستىقتى ودان ءارى دامىتۋ ماسەلەلەرىن تال­قىلاي كەلىپ, تاراپتار ەكى ەل پار­لامەنتتەرىنىڭ بايلانىسى زاڭ شىعارۋ, دەموكراتيالاندىرۋ, قۇقىقتىق ازاماتتىق قوعام قۇرۋ جايىندا تابىستى ۇنقاتىسۋدى دا­مىتۋعا باعىتتالعانى جايىنداعى ويلارىن ورتاعا سالدى. سەنات توراعاسى نورۆەگ ديپ­لو­ماتىن ۇستىمىزدەگى جىلعى مامىردا الماتىدا “ەقىۇ-نىڭ ەۋرازيا­لىق ولشەمى” ترانسازيالىق پار­لامەنتشىلەر جيىنى وتەتىنى تۋرالى حاباردار ەتىپ, نورۆەگيالىق پارلامەنتشىلەردى وسى شاراعا قاتىسۋعا شاقىردى. د.م.حالۆورسەن ەلدەر اراسىن­داعى ەكىجاقتى قاتىناستاردى ودان ءارى بەلسەندىلەندىرۋدى جاقتايتى­نىن ايتتى. ول سونداي-اق قازاق­ستاننىڭ ەقىۇ-عا توراعالىق ەتۋى تابىستى بولاتىنىنا جانە بۇل وسى بەدەلدى حالىقارالىق ۇيىم­نىڭ مارتەبەسىن جاڭا جوعارى دەڭگەيگە كوتەرۋ مۇمكىندىگى ەكەنىنە سەنىم ءبىلدىردى. *  *  * كەشە قازاقستان پارلامەنتى سەناتىنىڭ توراعاسى قاسىم-جومارت توقاەۆ شۆەيتساريا كونفەدەراتسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ستەفان نەللەندى قابىلدادى. كەزدەسۋ بارىسىندا تاراپتار قازاقستان مەن شۆەيتساريا ىنتى­ماقتاستىعى مەن ەكى مەملەكەت ارا­سىنداعى قاتىناستاردىڭ ماڭىزدى قۇرامداسى بولىپ تابىلاتىن پارلامەنتارالىق بايلانىستار تابىستى ورىستەپ كەلە جاتقانىن اتاپ ءوتتى. ق.توقاەۆ شۆەيتساريا جاعىنا ەقىۇ توراعاسى لاۋازىمىنا قا­زاقستان كانديداتتىعىن قولداعانى ءۇشىن ريزاشىلىعىن ءبىلدىرىپ, كوز­قاراستار ۇقساستىعى مەن قازاق­ستان­نىڭ ەقىۇ-عا توراعالىعى شۆەي­تساريامەن ءوزارا ءىس-قيمىل­داعى كوپتەگەن وڭىرلىك ماسەلە­لەر­دىڭ وڭ شەشىلۋىنە ىقپال ەتەتىنىن اتاپ ءوتتى. ول سونداي-اق ۇستىمىزدەگى جىلعى مامىردا الماتىدا وتەتىن “ەقىۇ-نىڭ ەۋرازيالىق ولشەمى” ترانسازيالىق پارلامەنتشىلەر جيىنىنىڭ ماقساتى مەن ءمىن­دەت­تەرى تۋرالى ايتا كەلىپ, شۆەي­تسا­ريالىق پارلامەنتشىلەردىڭ وسى شاراعا بەلسەندى تۇردە قاتىسا­تىنىنا سەنىم ءبىلدىردى. كەزدەسۋ بارىسىندا بىرلەسكەن قۇقىقتىق-كەلىسىم نەگىزدەرىن ودان ءارى جەتىلدىرۋدىڭ كەيبىر ماسەلەلەرى تالقىلاندى.