ىنتىماقتاستىق كەلەشەگى زور

قازاقستان پارلامەنتى ءماجىلىسىنىڭ توراعاسى ورال مۇحامەدجانوۆ ەۋروپا كەڭەسى پارلامەنتتىك اسسامبلەياسىنىڭ (ەكپا) توراعاسى مەۆليۋت چاۆۋشوگلۋمەن جۇزدەسىپ, دەموكراتيا جولىنداعى ارىپتەستىك, قازاقستاننىڭ وسى مارتەبەگە يە بولۋداعى كەلەشەگى جايلى ويلاردى ورتاعا سالدى, دەپ حابارلادى وسى پالاتانىڭ ءباسپاسوز قىزمەتى. ءوز سوزىندە ءماجىلىس توراعاسى ورال مۇحامەدجانوۆ قازاقستان­نىڭ قازىرگى ىشكى جانە سىرتقى سايا­ساتتاعى جاعدايى مەن پار­لامەنتتىڭ زاڭ شىعارۋ قىزمەتىنە توقتالدى. قازاقستاننىڭ ەقىۇ-عا توراعالىق ەتۋى, ۇيىمنىڭ ءسامميتىن وتكىزۋ جونىندەگى قا­زاق­ستان پرەزيدەنتى نۇرسۇلتان نازارباەۆتىڭ باستاماسى تۋرالى ايتىپ ءوتتى. سونىمەن قاتار, كەزدەسۋدە ەلباسىنىڭ بيىلعى قا­زاقستان حالقىنا ارناعان جول­داۋىندا قامتىلعان باستى ماسەلەلەر ءسوز بولدى. مەۆليۋت چاۆۋشوگلۋ قازاق­ستان­نىڭ ەكپا-مەن ىنتى­ماق­تاستىق بايلانىسى جاقسى دامىپ كەلە جاتقانىن ايتتى. ەكپا-مەن ءبىزدىڭ بايلانىسىمىزدىڭ تاريحى 2004 جىلعى جاساسقان ىنتىماقتاستىق كەلىسىمىنەن باس­تا­لادى. سول كەزدەن بەرى قاراي وسى ۇيىمنىڭ كوپتەگەن تانىمال وكىلدەرى قازاقستانعا ارنايى ساپارمەن كەلگەن بولاتىن. قازاق­ستان پارلامەنتشىلەرى دە ەكپا جۇمىسىنا قاتىسىپ ءجۇر. تاراپ­تار الداعى ۋاقىتتا ىنتىماق­تاستىق بايلانىس پەن اشىق پىكىر الماسۋدىڭ جاڭا دەڭگەيگە كوتەرىلەتىنىنە سەنىم ءبىلدىردى.