سۋ تاسقىنىنىڭ الدىن الۋ قاجەت

كەشە ۇكىمەت باسشىسى كارىم ءماسىموۆتىڭ تاپسىرماسىمەن پرە­مەر-ءمينيستردىڭ ءبىرىنشى ورىن­با­سارى ومىرزاق شوكەەۆ وبلىستاردىڭ, استانا جانە الماتى قالالارىنىڭ اكىمدەرىمەن سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. وندا ەلدىڭ وزەن-كولدەرى مەن سۋ شارۋاشىلىعى نىساندارىنداعى تاسقىن سۋلاردىڭ ءوتۋ قاۋىپسىزدىگىن قامتاماسىز ەتۋ ماسەلەسى تالقى­لان­دى. تالقىلاۋ قورىتىندىسىندا وبلىس اكىمدەرىنە تجم-ءنىڭ اۋماق­تىق بولىمدەرىمەن, اشم-نىڭ سۋ رەسۋرستارى جونىندەگى كوميتەتىمەن جانە ءىىم-مەن بىرلەسىپ سۋ قويما­لا­رى مەن وزەن-كولدەردىڭ تەحني­كا­لىق جاعدايلارىن مۇقيات تەكسەرۋ, ءجون­دەۋ-قالپىنا كەلتىرۋ جۇمىس­تا­رىن جۇرگىزۋدىڭ قاجەتتى كولەمى بوي­ىن­شا اقاۋلىق اكتىلەر جاساۋ, قا­جەت­تى ماتەريالدىق-تەحنيكالىق شى­عىندار كولەمى مەن قارجى­لان­دى­رۋ كوزدەرىن انىقتاۋ, اپات قاۋپى بار ۋچاسكەلەردە كەزەكشىلىك ۇيىمداستىرۋ, سۋ قوي­مالارى مەن سۋ شارۋاشىلىعى عي­ما­راتتارىندا پايدالانۋ ەرەجە­لەرى­نىڭ ساقتالۋىن قاداعالاۋ مەن دەربەس جاۋاپكەر­شىلىكتى كۇشەيتۋ جونىندە تاپسىر­مالار بەرىلدى.