ستۋدەنتتەر اراسىنداعى پاندىك وليمپيادا

جوعارى وقۋ ورىندارىنداعى ءبىلىم ساپاسىن ساراپتايدى وتكەن جىلى ءبىلىم جانە عىلىم مينيسترلىگىنىڭ باستا­ما­سى­مەن تۇڭعىش رەت ستۋدەنتتەر ارا­سىندا پاندىك وليمپيادا وتكەن بو­لاتىن. بيىل وسى ءۇردىس وڭدى جال­عاسىن تاۋىپ, الماتىداعى قا­زاق باس ساۋلەت-قۇرىلىس اكادە­ميا­سىندا ەلىمىزدىڭ 22 جوعارى وقۋ ورنىنىڭ 137 ستۋدەنتى 10 ءپان, 5 ماماندىق بويىنشا ءبىلىم جارىستىردى. قۇرىلىسشىلار مەن ساۋلەت­كەر­لەردى دايارلايتىن اكادەميا پاندىك وليمپيادا وتكىزۋ ءۇشىن تەگىن تاڭ­دا­لىپ وتىرعان جوق. قازاق باس ءساۋ­لەت-قۇرىلىس اكا­دەمياسىنىڭ ارحي­تەكتۋرا مامان­دىعى الەمدە تۇڭعىش رەت حالىق­ارالىق سەرتيفيكاتقا يە بولعان. بۇل اسىرا دارىپتەۋ ەمەس. 2007 جىلى قازاقستاننىڭ ساۋلەت­كەرلەر دايارلاي­تىن مەكتەبى الەمدىك دەڭگەيدە مويىن­دال­عانىن ماقتا­نىش تۇتۋ كەرەك. يۋنەسكو جا­نىن­داعى حالىقارالىق ارحيتەك­تورلار وداعى مۇنداي دارەجەنى ەكىنىڭ ءبى­رى­نە ۇلەستىرە بەرمەيدى. وسىناۋ ءمار­تەبەنى الۋدان دۇنيە ءجۇزىنىڭ بارلىق قۇرىلىس جانە ساۋلەت ماماندىعىن دايىندايتىن جوعارى وقۋ ورىن­دا­رى دامەلى. فا­كۋلتەتكە حالىقارا­لىق سەرتيفي­كات بەرۋگە شەشىم شى­عاراتىن يۋنەسكو-نىڭ ارناۋلى كوميس­سيا­سى ساۋلەتكەرلەر دايار­لاي­تىن جوو ستۋدەنتتەرىنىڭ جوبا­لارىن, اكا­دەميا تۇلەكتەرىنىڭ تابىس­تا­رىن, ساپالى ءبىلىم بەرۋ ۇدە­رىس­تەرىن بۇگە-شىگەسىنە دەيىن زەرتتەيدى. سونىمەن باس ساۋلەت-قۇرىلىس اكا­دەمياسىندا وتكەن وليمپيادا “ساۋلەتتىك جوبالاۋ”, “ساۋلەتتىك ديزاين ەلەمەنتتەرى مەن پروتسەس­تەرى”, “قۇرىلىس كونسترۋكتسيالارى ءى”, “گەوتەحنيكا ءى”, “ينجەنەرلىك مەحانيكا ءى,ءىى”, “اعاش وڭدەۋدەگى ماتەريالدار”, “اعاش وڭدەۋ قۇرال-جابدىقتارى ءى,ءىى”, “پليتا ما­تە­ريالدارىنىڭ تەحنولوگيالارى”, “بەتون تەحنولوگيالارى ءى” پاندەرى بوي­ىنشا ءوتتى. پاندىك ءبىلىم سايى­سىنا وسى كاسىپتەر بويىنشا ما­مان­دار دايارلاپ جاتقان وقۋ ورىن­دا­رىنىڭ باسىم بولىگى قاتىستى. ءوت­ك­ەن جىلعى وليمپيادادا ولار­دىڭ قاتارى ساۋساقپەن سانارلىق بولاتىن. ەلىمىزدە وسىمەن ەكىنشى رەت ءوت­كىزىلگەن پاندىك وليمپيادا بارى­سىندا ستۋدەنتتەر ءى, ءىى, ءىىى ءدا­رە­جەلى ديپلومدارمەن مارا­پات­تالدى. 56 جۇلدەلى ورىننىڭ ءبى­رىن­شى دارەجەلى 21 ديپلومىن قازاق باس ساۋلەت-قۇرىلىس اكادەميا­سىنىڭ شاكىرت­تەرى يەمدەندى. 6 ورىندى استانا­داعى س.سەيفۋللين اتىن­دا­عى قازاق اگروتەحنيكالىق ۋني­ۆەر­سيتەتى الدى. م.اۋەزوۆ اتىنداعى وڭتۇستىك قا­زاقستان مەملەكەتتىك ۋنيۆەرسيتەتى مەن شىعىس قازاق­ستان مەملە­كەت­تىك تەحنيكالىق ۋنيۆەرسيتەتىنىڭ ستۋدەنتتەرىنە 4 ورىننان ءتيدى. ال الماتى, اقتوبە, اتىراۋ, كوكشە­تاۋ, قاراعاندى, قىزىلوردا, رۋد­نىي قالالارىن­داعى جوعارى وقۋ ورىندارىنىڭ 1-3 ستۋدەنتى ءجۇل­دەلى ورىنداردان تابىلسا, التى جوعارى وقۋ ورنى مۇلدە ماراپاتسىز قالدى. ايناش ەسالي, الماتى.