جاڭا اكىمدى جارقىن ىستەر كۇتۋدە

رەسپۋبليكا پرەزيدەنتى ن.نازارباەۆتىڭ جارلىعىمەن اقمولا وبلىسىنىڭ  اكىمى ا.راۋ باسقا جۇمىسقا اۋىسۋىنا بايلانىستى قىزمەتىنەن بوساتىلدى. رەسپۋبليكا ۇكىمەتىنىڭ باسشىسى ك.ءماسىموۆ وبلىس اكتيۆىنىڭ جينالىسىندا جۇرتشىلىققا ەلباسى جارلىعىن تانىستىرىپ, ونى وبلىستىق ءماسليحاتتىڭ دەپۋتاتتارى قولداعانىن اتاپ كورسەتتى. – البەرت پاۆلوۆيچ راۋ استانالىق وبلىستى باسقارعان ەكى جىلدىڭ وزىندە وڭىرگە زامانالىق تۇرعىداعى جاڭا تىنىس الىپ كە­لۋى­مەن ەرەكشەلەندى, – دەدى پرەمەر-مينيستر كارىم ءماسى­موۆ. – ەلباسى تاپسىرماسى بويىن­شا وبلىس استانانىڭ ازىق-ت ۇلىك بەلدەۋىن قالىپتاستىرۋدا جەتەكشى ورىن الادى. وسىعان سايكەس, اۋىل شارۋاشىلىعى وندىرىسىندە قۋاتتى قايتا وڭدەۋ كاسىپورىندارى پايدا بولدى. سوڭعى جىلدارى رەسپۋب­لي­كالىق ماڭىزداعى يننوۆا­تسيا­لىق جوبالار جۇزەگە اسسا, بيىل­دىڭ وزىندە ناقتى قايتارىم بەرە­تىن 8 جوبا قولعا الىنىپ, قار­جى­لان­دىرىلدى. بۋرابايداعى ار­نايى ەكونوميكالىق ايماقتىڭ قۇ­رىلۋىندا, تۋريستىك كلاستەردىڭ نازار سالارلىق قادامدارىندا, وڭىردەگى الەۋمەتتىك كەشەندى تاپ­سىرمالاردىڭ شەشىمىن تابۋىندا ا.راۋدىڭ ۇيىمداستىرۋشىلىق قابىلەتى مەن ىسكەرلىگى تانىلدى. ءبىز وسى ءۇشىن البەرت پاۆلوۆيچكە ريزالىعىمىزدى بىلدىرەمىز. ودان كەيىن ۇكىمەت باسشىسى وبلىستىڭ جاڭا اكىمى بولىپ تا­عايىندالعان س.ا.دياچەنكونى تانىستىردى. سەرگەي الەكسان­درو­ۆيچ — وسى ءوڭىردىڭ تۋماسى. كوك­شە­تاۋ قالاسىنىڭ كومسومول, پارتيا ۇيىمدارىنا باسشىلىق جاساپ, رەسپۋبليكامىزدىڭ اتقارۋشى جانە بيلىك ورگاندارىندا ءتاجىري­بە قالىپتاستىرعان ازامات. ول بۇعان دەيىن پارلامەنت ءماجىلىسى توراعاسىنىڭ ورىنباسارى قىزمە­تىن اتقارىپ, ەل دامۋىنا سەرپىن بەرگەن زاڭنامالاردىڭ قابىل­دانۋىنا ۇيىتقى بولدى. پرەمەر-مينيستر ك.ءماسىموۆ البەرت راۋدىڭ جاڭادان قۇرىل­عان يندۋستريا جانە جاڭا تەحنو­لو­گيالار ءمينيسترىنىڭ ورىنباسا­رى بولىپ تاعايىندالعانىن حابار­لاپ, عىلىم دوكتورىنىڭ جاڭا قىز­مەتىندە تابىستى بولۋىنا ءتى­لەكتەستىك قوستى. ءوز سوزىندە ا.راۋ ەلباسى سەنىمىن ابىرويمەن اقتايتىنىن ءبىلدىردى. جاڭا اكىمنىڭ الدىنا وبلىس تۇرعىندارىنىڭ ءومىر تىرشىلىگىن جاقسارتۋعا باعىتتالعان ماڭىزدى مىندەتتەر قويىلدى. ءوڭىر باس­شى­لىعى ەلباسى جولداۋىندا العا قويىلعان تاپسىرمالاردىڭ تا­بىس­تى ورىندالۋىن قامتاماسىز ەتۋگە ءتيىس­تى. مۇندا, ەڭ الدىمەن, مەملە­كەتتىڭ يندۋستريالىق-يننو­ۆاتسيالىق باعدارلاماسىن ورىن­داۋ, تاجىريبەدە ۇلكەن قايتارىم بەر­گەن “جول كار­تا­سى” باعدارلا­ما­سىن جۇيەلى جال­عاس­تىرۋ, “بيز­نەستىڭ جول كارتاسى-2020” باعدار­لاماسىنىڭ سەرپىنى, باس­قا دا ومىرلىك ماڭىزدى باستاما­لار­دىڭ سالتاناتى سۇرالاتىن بولادى. اكتيۆ جينالىسىنا پرەزيدەنت اكىمشىلىگىنىڭ باسشىسى ا.مۋسين قاتىستى. باقبەرگەن امالبەك, اقمولا وبلىسى.