مۇددەلەستىك تانىتىلدى

كەشە پارلامەنت سەناتىنىڭ توراعاسى, ەقىۇ پارلامەنتتىك اسسامبلەياسى توراعاسىنىڭ ورىنباسارى قاسىم-جومارت توقاەۆ ەۋروپا كەڭەسى پارلامەنتتىك اسسامبلەياسىنىڭ توراعاسى مەۆليۋت چاۆۋشوگلۋمەن كەزدەستى, دەپ حابارلادى وسى پالاتانىڭ ءباسپاسوز قىزمەتى. تاراپتار قازاقستان پار­لامەنتى مەن ەكپا اراسىنداعى ءورىس­تەپ كەلە جاتقان ءوزارا ءىس-قي­مىل ۇدەرىس­تە­رىن قاناعاتتان­عان­دىقپەن اتاپ ءوتىپ, ەكى ينستيتۋت ارا­سىنداعى ىنتى­ماقتاستىقتىڭ ءوزارا تۇسىنىستىك پەن سەنىم تۇر­عى­سىندا دامىپ كەلە جاتقانىنا توقتالدى. ء“بىز ەكپا-نى ەۋروپالىق كەڭىستىكتەگى ماڭىزدى ساياسي ارىپتەس رەتىندە قاراستىرامىز. قازاقستان پارلامەنتىنىڭ دەپۋتات­تارى وزدەرى­نىڭ ەۋروپالىق ءارىپ­تەس­تەرىمەن حا­لىق­ارالىق ساياساتتىڭ اۋقىمدى سا­لا­لارى بويىنشا سىندارلى ۇنقا­تى­سۋدى دامىتۋعا مۇددەلى”, – دەدى ق.توقاەۆ. سەنات توراعاسى قا­زاق­ستان پارلا­مەن­تى­نىڭ اتىنان اسسام­بلەيا جۇمىسىندا ءبىز­دىڭ ەلىمىزگە تۇراقتى تۇردە قول­داۋ بىلدىرگەنى ءۇشىن ريزاشىلىق ءبىل­دىردى. ء“سىز پارلامەنتتىك اسسامبلەيا جوسپارلارى مەن شارالارىن ءجۇ­زەگە اسىرۋ بارىسىندا قازاق­ستان­دىق تا­راپتىڭ جان-جاقتى كو­مە­گىنە سەنىم ارتا الاسىزدار”, – دەدى ق.توقاەۆ. قا­زاقستان سەناتىنىڭ توراعاسى ەكپا توراعاسىن ەقىۇ-عا قازاق­ستان­نىڭ توراعا­لىق ەتۋىنە بايلا­نىس­تى شارا­لاردى ازىرلەۋ مەن ءوت­كى­زۋگە باي­لانىستى قازاقستان پار­لا­مەنتىنىڭ جۇمىستارىنان حاباردار ەتتى. اتاپ ايتقاندا, ول ۇستىمىزدەگى جىلى مامىردا الماتىدا “ەقىۇ-نىڭ ەۋرازيا­لىق ءول­شەمى” تران­­س­ازيا­لىق پار­لا­مەنتشىلەر جيىنى وتە­تىنى تۋرالى مالىمدەپ, م.چاۆۋش­وگلۋدى وسى شاراعا قاتىسۋعا شاقىردى. كەزدەسۋ سوڭىندا تاراپتار قا­زاق­­ستان مەن ەۋروپا كەڭەسى ارا­سىن­­دا­عى پارلامەنتارالىق ىن­تى­ماق­تاستىقتى قارقىندى دامىتۋ ساياسي ءۇن­­قاتىسۋ مەن ءتۇرلى سالاداعى ەكو­­نو­ميكالىق ءوزارا ءىس-قيمىلدى نى­عايتۋعا ىقپال ەتەتىنىنە سەنىم ءبىلدىردى.