ب.ت.سۇلتانوۆتى قازاقستان رەسپۋبليكاسى پرەزيدەنتىنىڭ كومەكشىسى قىزمەتىنە تاعايىنداۋ تۋرالى
باقىت تۇرلىحان ۇلى سۇلتانوۆ قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالسىن.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2010 جىلعى ناۋرىزدىڭ 13-ءى. № 944
قازاقستان رەسپۋبليكاسى پرەزيدەنتىنىڭ جارلىعى
س.ا.دياچەنكونى اقمولا وبلىسىنىڭ اكىمى قىزمەتىنە تاعايىنداۋ تۋرالى
سەرگەي الەكساندروۆيچ دياچەنكو اقمولا وبلىسىنىڭ اكىمى بولىپ تاعايىندالسىن.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2010 جىلعى ناۋرىزدىڭ 13-ءى. № 946
سەرگەي الەكساندروۆيچ دياچەنكو
1952 جىلى تۋعان. كۋيبىشەۆ جوسپارلاۋ ينستيتۋتىن, الماتى جوعارى پارتيا مەكتەبىن تامامداعان. ساياسي عىلىمدار دوكتورى, پروفەسسور. ينستيتۋتتى بىتىرگەننەن كەيىن رەسەيدىڭ پەنزا وبلىسىنداعى كۋزنەتسك جابدىقتار مەن كوندەنساتتار زاۋىتىندا ينجەنەر-ەكونوميست بولىپ جۇمىس ىستەدى. كەيىن تسەلينوگراد وبلىسىنىڭ مەملەكەتتىك باسقارۋ ورگاندارىندا باسشى لاۋازىمداردا قىزمەت اتقاردى, رەسپۋبليكانىڭ جاستار ءىسى, دەنە تاربيەسى جانە سپورت جونىندەگى مەملەكەتتىك كوميتەتى توراعاسىنىڭ ورىنباسارى, تۋريزم, دەنە تاربيەسى جانە سپورت ءمينيسترىنىڭ ورىنباسارى بولدى. 1993-1999 جىلدارى قوعامدىق ۇيىمداردا ەڭبەك ەتتى. قازاقستان حالقى اسسامبلەياسى توراعاسىنىڭ ورىنباسارى بولىپ سايلانعان. سوڭعى كەزدە – قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, ءماجىلىس توراعاسىنىڭ ورىنباسارى.
