سەنىم سالماعىن سەزىنەمىز

مەن ستۋدەنتپىن. ەندى بىرنەشە ايدان سوڭ قولىما ەۋرازيا ۇلتتىق ۋنيۆەرسيتەتىنىڭ ديپلومىن الىپ, ەلىمىزدى وركەندەتۋ جولىنداعى قىزۋ ەڭبەككە بىلەك سىبانا ارالاسىپ, حالقىمىز ارتقان سەنىمنىڭ ۇدەسىنەن شىعامىن دەگەن ءۇمىتىم بار. ىرگەلى ءبىلىم ورداسىندا ءدارىس الۋمەن بىرگە, ەلباسىمىز نۇرسۇلتان نازارباەۆ­تىڭ جىل سايىنعى قازاقستان حال­قى­نا جولداۋلارىن تىڭداپ, زەردە­لەۋگە تىرىسامىن. تاريحتى بىلاي قويعاندا, تاۋەلسىزدىك تۋىن تىگىپ, ەڭسەمىزدى تىكتەگەن از عانا ۋاقىتتىڭ ىشىندە اڭىزعا بەرگىسىز ەرلىكتەر جا­سا­عان حالقىمىز وزگەلەرگە ەلدىكتىڭ وزىق ۇلگىسىن كورسەتىپ كەلەدى.وسى ورايدا ەل پرەزيدەنتىنىڭ بولاشاققا باعدار بەرەتىن جىل سايىنعى جول­داۋى­نىڭ ورنىن ەرەكشە اتاپ كور­سەتكەن ءجون. ەلباسى جول­داۋ­لارىنان ەلىمىز قول جەتكىزگەن جە­­تىستىكتەرگە قانىعامىز. ماق­تا­نۋ­عا, ماساتتانۋعا لايىق دۇنيەلەر, ءبىر­اق قول جەتكەنگە ماستانۋ – توقىراۋعا اكەلەتىنىن ۇمىتپاۋىمىز قاجەت. بۇل – ءار جولداۋدىڭ لوگيكالىق وي جەلىسى سەكىلدى, وندا ەل جۇرتشىلىعى اسىعا كۇتەتىن جاقسىلىق حابارلار, ەرتەڭگى كۇننىڭ جۇمىس جوسپارى جا­ريا ەتىلەدى. مەملەكەتىمىزدىڭ الەم­دىك قاۋىمداستىق الدىنداعى بەدە­لى­نىڭ ءوسۋىن, بولاشاعىمىزدىڭ جار­قىن بولۋىن كوزدەيتىن تۇتاس ءبىر كە­شەندى شارالار كورسەتىلەدى. ەلباسى جۇرگىزگەن سارابدال سايا­سات­تىڭ ارقاسىندا كوپتەگەن مەم­لەكەتتەر ەكونوميكاسىنىڭ ىرگەسىن شايقاپ وتكەن الەمدىك قارجىلىق داع­دارىستىڭ سالقىنىن سەزىنبەي, تولىققاندى يندۋستريالىق دامۋعا اياق باسپاقپىز. “بيزنەستىڭ 2020 جىل­عا دەيىنگى جول كارتاسى” دا – تا­بىستى ىسكە اسىرىلعان “جول كار­تا­سى” باعدارلاماسىنىڭ ۇتىمدى جال­عاسى ىسپەتتەس بولارىنا سەنىمىمىز مول. سونىمەن دە بىرگە, ەلباسى­مىز­دىڭ جاستارعا ارتقان سەنىمىنىڭ سال­ماعىن سەزىنە وتىرىپ, مەملەكەتى­مىز­دىڭ مەرەيى ۇستەم, مارتەبەسى بيىك بولۋى ءۇشىن  ايانباي ەڭبەك ەتەمىز دەسەم, ەلجاندى جاستاردىڭ ءسوزىمدى قۋاتتايتىندىعىنا سەنەمىن. “بالام دەيتىن ەل بولماسا, ەلىم دەيتىن ۇل تۋ­ماس”, – دەگەن عوي. ەندەشە, قا­زىر­گى كەزدە جاس مامانداردى قولداۋ­عا بايلانىستى اۋقىمدى شارالار جۇرگىزىلسە, كەشەگى جولداۋدا ءساۋىر ايىنان باستاپ ستۋدەنتتىك اقىنىڭ 25 پايىزعا وسەتىندىگى ايتىلدى. جاس بۋىنعا جاسالعان قولداۋ مەن قام­قورلىق ءۇشىن شەكسىز العىسىمىزدى ءبىلدىرىپ, ەل پرەزيدەنتى نۇرسۇلتان ءابىش ۇلىنا بارشا قازاقستان جاستارىنىڭ اتىنان مەملەكەتىمىز جۇرگىزىپ وتىرعان ساياساتتى قولداي­تىندىعىمىزدى جەتكىزگىم كەلەدى. سالتانات قۋانىشباەۆا, ەۇۋ ستۋدەنتى. استانا.