العىسىمىز شەكسىز

ەلباسىنىڭ حالىققا ارناعان جولداۋى ەل حالقىنىڭ كوڭىلىنەن شىعىپ, قولداۋىنا يە بولىپ وتىر. اسىرەسە, ارداگەرلەرگە جاساعان قامقورلىق ءاربىر جاننىڭ جۇرەگىنە جىلىلىق ۇيالاتتى. جولداۋدا كورسە­تىلگەن باسىم باعىتتار مەملەكەتى­مىزدىڭ داعدارىستى ەڭسەرىپ, دامۋ­دىڭ جارقىن جولىنا شىققان­دىعىن كورسەتىپ وتىر. جولداۋداعى “ۇستىمىزدەگى جىلى ءبىز ۇلى وتان سوعىسىنداعى جە­ڭىس­تىڭ 65 جىلدىعىن اتاپ وتەمىز. بۇل – ءبىزدىڭ ورتاق تاريحىمىزداعى ما­ڭىز­دى داتا. ءاربىر سوعىسقا قاتى­سۋ­شى مەن سوعىس مۇگەدەگىنە بيۋدجەت­تەن 65 مىڭ تەڭگە مولشەرىندە ءبىر جولعى جاردەماقى تولەنەتىن بولا­دى. سول سياقتى ۇلى وتان سوعىسى ۋاقىتىندا قازا تاپقان اسكەري قىز­مەتشىلەردىڭ جۇبايلارى, قازا بول­عان سوعىس مۇگەدەكتەرىنىڭ جۇباي­لا­رى, سوعىس جىلدارىنداعى تىل ەڭ­بەك­كەرلەرى دە ماتەريالدىق قولداۋ­سىز قالمايدى. جەڭىستىڭ 65 جىل­دى­عىن كەڭىنەن مەيرامداۋعا بايلا­نىس­تى سوعىسقا قاتىسۋشىلار جەڭىل­دىكپەن جول جۇرۋلەرى ءۇشىن 383 ميلليون تەڭگە قاراستىرىلعان”, دەگەن سوزدەرىڭىزدى ەستىپ قۋانىپ جاتقانىمىز راس. ءبىز جەڭىسكە حالىقارالىق دوس­تىق, پاتريوتتىق سەزىم, جاۋىنگەر­لەر­دىڭ ادام ايتقىسىز ەرلىگى, تىل­دا­عى ەڭبەككەرلەردىڭ وتە قيىن جاعدايدا قاجىرلى ەڭبەگى ارقىلى جەتتىك. سوعىس اياقتالعاننان سوڭ حالىق شارۋاشىلىعىن قالپىنا كەلتىرۋ ءۇشىن بارلىق حالىق بەل­سەن­دى ەڭبەك ەتتى. سوعىس ارداگەرلەرى مەن سوعىس كەزىندە تىلدا ەڭبەك ەت­كەن ادامداردىڭ جاسى 80-نەن اسىپ كەتتى, ولاردىڭ قاتارى بارعان ساي­ىن سيرەپ بارادى, كوپشىلىگىنىڭ دەن­ساۋلىعى تومەندەگەن, توسەك تارتىپ جاتقاندارى دا بارشىلىق, ولاردىڭ بارلىعى دا مورالدىق, ماتەريال­دىق قولداۋ-قۋاتتاۋدى قاجەت ەتەدى. مىنە, وسىلايشا ەلىمىزدىڭ گۇلدەنىپ-كوركەيۋىنە وزىندىك ۇلەسىن قوسىپ, جەڭىس پەن بەيبىت ءومىردى قامتاما­سىز ەتكەن ەڭبەگىمىزگە كورسەتىلگەن قۇر­مەت ءۇشىن ەلباسىنا كەنتاۋ قالاسىنىڭ ۇوس-قا قاتىسۋشىلار مەن ەڭبەك ارداگەرلەرى اتىنان ايتار العىسىمىز شەكسىز. نۇرسۇلتان ءابىش ۇلىنىڭ سالي­قا­لى ساياساتىنىڭ ارقاسىندا ەلىمىز تىنىش, جۇرتىمىز امان. ەلىمىزدىڭ دامىعان الدىڭعى قاتارلى ەلدەر قاتارىنان ورىن الىپ, باعىتتار­دىڭ جوسپارلى تۇردە جۇزەگە اساتى­نى­نا سەنەمىز. ءا.سەمبەكوۆ, كەنتاۋ قالالىق سوعىس جانە ەڭبەك ارداگەرلەرى كەڭەسىنىڭ توراعاسى. وڭتۇستىك قازاقستان وبلىسى.