زاڭ تالاپتارى قاشان ورىندالادى؟

ەلباسىنىڭ 2001 جىلعى 7 اق­پانداعى جارلىعىمەن بەكىتىلگەن تىلدەردى قولدانۋ مەن دامىتۋدىڭ 2001-2010 جىلدارعا ارنالعان مەملەكەتتىك باعدارلاماسىنا سايكەس 2010 جىلدىڭ 1 قاڭتارىنان باستاپ بارلىق دەڭگەيدەگى مەملەكەتتىك ورگاندار ءىس قاعازدارىن مەملەكەتتىك تىلدە جۇرگىزۋگە كوشتى. دەگەنمەن, ءىس جۇزىندە ءىس قاعازدارى بۇرىنعىداي ورىس تىلىندە دايىندالادى, ودان سوڭ اۋدارماشىنىڭ كومەگىمەن قازاقشاعا اۋدارىلادى, ابزالىندا كەرىسىنشە بولۋعا ءتيىس. اتا زاڭى­مىزدىڭ, تىلدەر تۋرالى زاڭنىڭ وسى تالاپتارى قاشان ورىندالادى؟ بۇل وزەكتى ماسەلەنى شەشۋ ءۇشىن اكىمشىلىك رەفورما باعدارلاماسى اياسىندا اۋماقتاردان, ياعني اۋىل­دىق, اۋداندىق, قالالىق, وبلىستىق مەملەكەتتىك ورگانداردىڭ اپپارات­تا­رىندا ىستەپ جۇرگەن قازاق تىلىندە ءىس قاعازدار دايىنداۋدى جاقسى بىلەتىن مامانداردى مينيسترلىكتەر مەن ۆەدومستۆولاردىڭ اپپارات­تارىنا اۋىستىرۋ قاراستىرىلعان بولاتىن. وسى ماقساتتا رەسپۋبلي­كالىق بيۋدجەت ەسەبىنەن استانادا 1000 ورىندىق جاتاقحانا دا سا­لىندى. 2010 جىلعا ارنالعان رەس­پۋبليكالىق بيۋدجەتتە جاتاقحانانى پايدالانۋ شىعىندارى ءۇشىن قارجى قاراستىرىلدى. ال, وسى جوبا جۇيەلى تۇردە ىسكە استى ما؟ اسقان بولسا, ول قانداي ناتيجە بەرۋدە؟ قايسى مينيسترلىكتەردىڭ اپپارا­تىنا, ۇكىمەت كەڭسەسىنە قانشا قازاق ءتىلدى ماماندار اۋىستىرىل­دى؟ بۇل جوبا جالعاسىن تابا ما؟ قازاقستان رەسپۋبليكاسى مەم­لەكەتتىك قىزمەت ىستەرى جونىندەگى اگەنتتىك توراعاسىنىڭ بۇيرىعىمەن بەكىتىلگەن مەملەكەتتىك اكىمشىلىك لاۋازىمدارىنىڭ ساناتتارىنا ار­نالعان ۇلگىلىك بىلىكتىلىك تالاپتا­رىندا ءاربىر اكىمشىلىك قىزمەتشى ءوزىنىڭ فۋنكتسيونالدىق مىندەتتەرىن ورىنداۋ ءۇشىن قاجەتتى كولەمدە مەم­لەكەتتىك ءتىلدى بىلۋگە ءتيىس دەلىنگەن. ادىلەت مينيسترلىگىندە تىركەۋگە الىنعان وسى بىلىكتىلىك تالاپتارى مەملەكەتتىك ورگانداردا اكىمشىلىك مەملەكەتتىك قىزمەتشىلەردى كونكۋرس ارقىلى قابىلداۋدا پايدالانىلۋدا ما؟ قانداي اكىمشىلىك لاۋازىمدار مەملەكەتتىك ءتىلدى قانداي كولەمدە ءبىلۋى قاجەتتىگى بەلگىلەنگەن بە؟ ول قالاي انىقتالادى؟ مىنە, وسى ساۋالدار تەز ارادا قاراستىرىپ, جەدەل شەشىم قا­بىل­داۋدى تالاپ ەتەدى. وسى باعىتتا جاۋاپتى ورگان­دار, ءبىرىنشى كەزەكتە ۇكىمەت شۇعىل جۇمىستار جۇرگىزۋى قاجەت دەپ ەسەپتەيمىن. روزاقۇل حالمۇرادوۆ, ءماجىلىس دەپۋتاتى.