مەنشىك قۇقىعىنا قاتىستى كەزدەسۋ

ءماجىلىس ۇيىنە ينتەللەك­تۋال­دىق مەنشىك قۇقىعى بۇكىل­الەمدىك ۇيى­مىنىڭ (شۆەيتسا­ريا كون­فە­دەرا­تسياسى) دەلەگاتسياسى كەلدى. دەلە­گاتسيا قۇرا­مىندا ەۋروپا جانە ازيا ەلدەرىمەن ارىپتەستىك بويىنشا دەپارتامەنت ديرەكتورى ميحەل سۆانتنەر (سلوۆاكيا ازاماتى) جانە ينتەللەكتۋالدىق مەنشىك قۇقىعى بويىنشا ەۋروپالىق تاۋەلسىز ساراپشى رونالد دجون مارچانت ( ۇلىبريتانيا ازاماتى) بار. ءماجىلىستىڭ زاڭ­ناما جانە سوت-قۇقىقتىق رەفور­ما كومي­تەتىنىڭ حاتشىسى سۆەت­لانا بىچكو­ۆا, وسى سالالىق كومي­تەت­تىڭ مۇشە­لەرى جاقىپ اسانوۆ, يراك ەلەكەەۆ, نيكولاي تۋرەتس­كي جانە سەرىك تەمىربو­لاتوۆ مەيماندارمەن جۇزدەسىپ, ءوزارا پىكىر الماستى. ايتا كەتۋ كەرەك, ين­تەللەكتۋالدىق مەنشىك قۇقىعى­نىڭ بۇكىلالەمدىك ۇيىمى (يمقبۇ) بىرىككەن ۇلتتار ۇيى­مى جانىنداعى ارنايى قۇ­رىلىم. يمقبۇ 1967 جىلى قۇ­رىلعان. ونىڭ قىزمەتى ينتەل­لەكتۋالدىق مەنشىك قۇقىعىنىڭ حالىقارالىق جۇيەسىن دامىتۋعا جانە وعان قولجەتىمدى جاساۋعا باعىتتالعان. يمقبۇ-نىڭ شتاب-پاتەرى جەنەۆا قالاسىندا ورنالاسقان. سۆەتلانا بىچكوۆا قازاق­ستان­دا ينتەللەكتۋالدىق مەنشىك قۇقىعى­نىڭ قورعالۋى, قابىل­دانعان زاڭدار تۋرالى تۇسىنىك بەرىپ ءوتتى. “بيىل اتالعان سالاعا قاتىستى بىرقاتار قولدانىستاعى زاڭدارعا تۇزەتۋلەر ەنگىزىلەتىنى جوسپارلانىپ وتىر. سونىڭ ىشىندە تاۋار بەلگىلەرىنە قا­تىس­تى جانە پاتەنت زاڭناما­لارىنا تولىقتىرۋلار قاراستىرىلعان. مەيماندار قازاقستاننىڭ ينتەللەكتۋالدىق مەنشىك قۇقى­عىن قورعاۋعا باعىتتالعان كوپ­تەگەن كونۆەنتسيالاردى بەكىتكە­نىن جانە وسى سالاداعى بىرقاتار زاڭداردى قابىلداعانىن جاقسى بىلەتىندەرىن ايتا كەلىپ, الداعى ۋاقىتتا دا زاڭداردى جەتىلدىرۋ جولىندا وڭ ىزدەنىستەر تىلەدى. ايباتىر سەيتاق, جۋرناليست.