جانداندىرۋ جايى ءسوز بولدى

سەناتتىڭ حالىقارالىق قاتى­ناستار, قورعانىس جانە قاۋىپسىزدىك كوميتەتىنىڭ توراعا­سى قۋانىش سۇلتانوۆتىڭ سلو­ۆاكيا سىرتقى ىستەر مينيسترلىگى ساياسي سەكتسياسىنىڭ باس ديرەك­تورى يگور سلوبود­نيكپەن كەزدەسۋىندە قازاقستان مەن سلوۆاكيا قارىم-قاتىناسىن جان­داندىرۋ, سونداي-اق پارلا­مەنت­ارالىق دەڭگەيدەگى ىنتى­ماقتاس­تىقتى ودان ءارى دامىتۋ ماسەلەلەرى تالقىلاندى. ەكىجاقتى قاتىناستاردى ودان ءارى بەلسەندىلەندىرۋدىڭ ماڭىزدى­لى­عىن اتاپ وتە كەلىپ, ق.سۇلتانوۆ پار­لامەنتارالىق ۇنقاتىسۋدى ودان ءارى تەرەڭ­دەتۋدى جاقتايتىنىن ايتتى. قازاقستاننىڭ ەقىۇ-عا ءتورا­عالىق ەتۋ باعدارلاماسىنا قاتىستى سەناتور ونىڭ پارلا­مەنتتىك اس­سامبلەياسى 2010 جى­لى ەقىۇ ءسامميتىن وتكىزۋ ءجو­نىندەگى ەلىمىزدىڭ باستامالارىن جۇزەگە اسىرۋعا كۇش سالۋى, ون­داعى نەگىزگى تاقىرىپتار­دىڭ ءبىرى اۋعانستانداعى جاعداي بولۋى ءتيىس ەكەنىن ايتتى. ق.سۇلتانوۆ سونداي-اق ۇستىمىزدەگى جىلعى مامىر ايىندا الماتىدا “ەقىۇ-نىڭ ەۋرازيالىق ءول­شەمى” تران­سازيالىق پارلا­مەنت­­شىلەر جيىنى وتەتىنىن حابارلادى. ي.سلوبودنيك قازاقستاننىڭ ورتالىق ازياداعى جەتەكشى ەل­دەردىڭ ءبىرى رەتىندەگى جەتىستىك­تەرىن جوعارى باعالاي كەلىپ, ەكى ەل اراسىنداعى ىنتىماقتاس­تىقتى ودان ءارى دامىتۋ جايىن­دا ايتتى. ديپلومات سونداي-اق ەكىجاقتى قاتىناس­تاردى نى­عايتۋداعى پارلا­مەنت­ارالىق بايلانىستاردىڭ ءرولىن اتاپ ءوتتى, دەپ حابارلادى قازاقستان رەسپۋبليكاسى پارلامەنتى سەنا­تىنىڭ ءباسپاسوز قىزمەتى.