اقپاراتتىق توپتىڭ اقجولتاي ساپارى

اقمولا وڭىرىنە ەلباسى نۇرسۇلتان نازارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى ەل حالقىنا جولداۋىنىڭ نەگىزگى قاعيداتتارىن ناسيحاتتاۋ جانە ءتۇسىندىرۋ جونىندەگى رەسپۋبليكالىق اقپاراتتىق-ناسيحات توبىنىڭ مۇشەلەرى كەلدى. ىشكى ىستەر ءمينيسترى, توپ جەتەكشىسى سەرىك بايماعامبەتوۆ, ونىڭ ساپارلاستارى – تۋريزم جانە سپورت ۆيتسە-ءمينيسترى قايىربەك وسكەنباەۆ, “ۇيعىرلاردىڭ رەسپۋبليكالىق مادەني ورتالىعى” قوعامدىق بىرلەستىگىنىڭ توراعاسى احمەدجان شاردينوۆ ءوڭىر تۇرعىندارىمەن, مەملەكەتتىك جانە قوعامدىق ۇيىمدار وكىلدەرىمەن, ستۋدەنت جاستارمەن تانىمدىق كەزدەسۋلەر وتكىزىپ, جۇرتشىلىقتى وتىنىشتەرى بويىنشا قابىلدادى. كوكشەتاۋ. الدىمەن شورتاندى اۋداندىق ىشكى ىستەر بولىمىندە بولعان س.بايماعامبەتوۆ وبلىس ورتالىعىنداعى ۋچاسكەلىك ينسپەكتورلاردىڭ بازالىق تىرەك پۋنكتتەرىنىڭ, جەدەل باسقارۋ جانە كينولوگيالىق ورتالىقتارىنىڭ جۇمىس­تارى­مەن تانىستى. ودان كەيىن وبلىستىق ىشكى ىستەر دەپارتامەنتىنىڭ قۇرىلىم باس­شىلارىمەن كەڭەيتىلگەن ءماجىلىس ءوت­كىزىلدى. مينيستر وبلىستىق دەپارتامەنت باستىعى, پوليتسيا پولكوۆنيگى تىلەگەن ماتكەنوۆتىڭ ەلباسى جولداۋىنداعى تاپ­سىرمالاردى جۇزەگە اسىرۋعا بايلا­نىستى قولعا الىنعان شارالار تۋرالى ەسەبىن تىڭدادى. جولداۋدىڭ ايرىقشا ماڭىزدى جانە رەفورمالىق سيپاتى بارلىعىن اتاپ كور­سەتكەن رەسپۋبليكالىق توپتىڭ جەتەكشىسى س.بايماعامبەتوۆ قۇقىق قورعاۋ ورگان­دارى­نا قاتاڭ تالاپتار قويىلاتىنىن ەسكە سالدى. ىشكى ىستەر قۇرىلىمدارى قىزمەتىندەگى مولدىرلىك پەن باقىلاۋدىڭ جوقتىعىنان كوپ ماسەلەلەر تۋىنداۋدا. ادام قۇقىعى مەن مەملەكەت مۇددەسىنىڭ قاتار قورعالۋى قاجەت. ادامدارعا جا­قىنداۋ – سەنىم قالىپتاستىرۋدىڭ تۋرا جولى. قىلمىس اتاۋلىمەن جۇمىلا كۇ­رەسۋ, قوعامدىق كۇشتەردى ءتيىمدى پايدا­لانۋ, ولارعا كومەك-قولداۋ كورسەتۋ ۇنەمى نازاردا ۇستالاتىن بولادى. س.بايما­عام­بەتوۆ قۇقىقتىق رەفورمانىڭ ءبىر سالاسى – مەديتسينالىق ايىقتىرعىش, كامەلەت­كە تولماعانداردى ۋاقىتشا وقشاۋلاۋ سياقتى قۇرىلىمداردىڭ اكىمشىلىك قۇزىرەتىن وزگەرتۋ ەكەندىگىنە توقتالدى. ەندىگى جەردە ولار دەنساۋلىق ساقتاۋ, ءبىلىم جانە عىلىم مينيسترلىكتەرىنىڭ قاراۋىنا كوشۋى ءتيىس. ستەپنوگور. تۋريزم جانە سپورت ۆيتسە-ءمينيسترى قايىربەك وسكەنباەۆ كوكشەتاۋداعى “نۇر وتان” حدپ عيما­راتىندا, ش.ءۋاليحانوۆ اتىنداعى مەم­لەكەتتىك ۋنيۆەرسيتەتتە, “بۋراباي” سپورت سارايى ۇجىمىندا كەزدەسۋ وتكىزگەن سوڭ ستەپنوگور قالاسىندا بولدى. اقپاراتتىق توپ مۇشەسى وسىنداعى “پود­ششيپنيك زاۋىتى” اق-تىڭ ءوندى­رىستىك قىزمەتىمەن تانىسىپ, جۇمىسشى-قىزمەتشىلەر الدىندا ەلباسى جول­داۋىنان تۋىندايتىن مىندەتتەر تۋرالى ءسوز سويلەدى. حالىقارالىق ساپا جانە مەنەدجمەنت جۇيەسىمەن جۇمىس ىستەيتىن كاسىپورىن ەۋروپا پودششيپنيك كورپو­را­تسياسىنىڭ (ەپك) قۇرامىنا ەنگەن. مۇندا تەمىر جول سالاسىنا قاجەتتى پود­ششيپ­نيكتىڭ 12 ءتۇرى, قوسالقى بولشەك­تەردىڭ 154 ءتۇرى دايىندالادى. ەلباسى جولداۋىندا اتاپ كورسەتىلگەنىندەي, زاۋىت جاڭا جوبالاردى تابىستى يگەرۋدە. ماسەلەن, ۇجىم راديالدىق پودششيپ­نيك­تەر دايىنداۋعا باعىتتالعان ينۆەستي­تسيا­لىق جوبانى تولىق اياقتاۋ ارقىلى قازىردىڭ وزىندە ارىپتەستەرىنە 150 ميل­ليون تەڭگەنىڭ 13 ءتۇرلى ءونىمىن جونەلتتى. “التىن ساپا” بەلگىسىنىڭ يەگەرلەرى جولداۋ تالاپتارىنا ساي ىزدەنىستى ورىستەتە بەرەتىنىنە سەندىردى. بوگەنباي باتىر اتىنداعى سپورتتا دارىندى بالالاردىڭ وبلىستىق مەكتەپ-ينتەرناتى قوناقتى قۇشاق جايا قارسى الدى. ۆيتسە-مينيستر بىلىكتى مامان اباي تەمىرباەۆتىڭ باسشىلىعىنداعى ۇجىم­نىڭ تابىستارىنا ريزالىق ءبىلدىردى. مەكتەپ ءوزى قۇرىلعان 10 جىل ىشىندە سپورتتىڭ وليمپيادالىق ون ءتۇرىنىڭ قانات جايۋىنا مۇمكىندىك اشىپ وتىر. قول جەتكەن ناتيجەلەر دە كوڭىل ءوسى­رەرلىكتەي. اڭگىمەنى ۇزارتپاي, مىناداي ادەمى ءبىر كورىنىستى سىزدەرگە جەتكىزگىمىز كەلەدى. قايىربەك ايتباي ۇلىن بەيجىڭ وليمپياداسىنىڭ كۇمىس جۇلدەگەرى, “پاراسات” وردەنىنىڭ يەگەرى يرينا نەكراسوۆا جورگەكتەگى بوبەگى نازارمەن بىرگە قارسى الدى. جوعارى دارەجەلى سپورت شەنەۋنىگى بولاشاق وليمپيا­دا­شىعا باتاسىن بەرىپ, كورىمدىك رەتىندە سىي-ساۋعا ۇسىندى. ءماجىلىسحانادا ەلباسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” جولداۋىن تالقىلاعان كەڭەس بولدى. وندا قازاق ءتىلى ءپانىنىڭ مۇعالىمى ايكەرىم ايقوجينا, تاربيەشى قارلىعاش ارحي­پوۆا, دارىگەر ەلەنا دەۆوچكينا ءوز پىكىرلەرىن ءبىلدىردى. اتباسار. رەسپۋبليكالىق اقپارات­تىق-ناسيحاتتىق توپتىڭ مۇشەسى, “ۇيعىر­لار­دىڭ رەسپۋبليكالىق مادەني ورتا­لىعى” قوعامدىق بىرلەستىگىنىڭ توراعاسى احمەتجان شاردينوۆ اۋدانداعى بىرقاتار وندىرىستىك جانە الەۋمەتتىك نىسانداردى ارالاپ, ماكەەۆ, نوۆوسەلسك, سوچين اۋىلدىق وكرۋگتەرىنىڭ تۇرعىندارىمەن جۇزدەستى. اۋدان اكتيۆىنىڭ جينالىسىنا قا­تىسقان ا.شاردينوۆ مەملەكەتىمىزدىڭ تاياۋ ونجىلدىقتاعى دامۋ باعىتتارىن ايقىنداعان جولداۋدىڭ ءمانى مەن ماڭىزى جونىندە تياناقتى تۇسىنىك بەردى. “ەلىمىزدە الەمدىك قارجى داعدارىسىنان شىعۋ عانا ەمەس, داعدارىستان كەيىنگى ۇلان-عايىر ىستەر كەشەنىن جۇزەگە اسىرۋ مىندەتى قويىلىپ وتىر. مۇندا قازاقستان حالقىنىڭ بىرلىگى مەن تۇتاستىعى, ەل ىشىندەگى جاراستىق پەن تۇراقتىلىق شە­شۋشى تۇتقا بولاتىنى ايقىن. سىزدەردىڭ كوپ ەتنوستى اۋداندارىڭىزدا ءوزارا ءتۇسى­نىستىكتىڭ ۇلگى الار تاجىريبەسى قالىپ­تاسقان ەكەن. جولىمىز ءاردايىم وڭ بولسىن”, – دەدى ول. يندۋستريا جانە ساۋدا ءمينيسترلى­گى­نىڭ جەرگىلىكتى قۇرىلىم جانە تەحنيكالىق ساياسات دەپارتامەنتى ديرەكتورىنىڭ ورىن­­باسارى سەرىك راقىموۆ, اتباسار اۋدا­نىنىڭ اكىمى رۋسلان اۋباكىروۆ, ءجون­­دەۋ-مەحانيكالىق زاۋىتىنىڭ ديرەك­تو­رى ساعات راقىشەۆ وتاندىق تاۋار ءون­دى­رۋدى مولايتۋ, كاسىپكەرلىكتى قولداۋ, كە­دەندىك وداق تۋرالى پىكىرلەرىمەن ءبولىستى. رەسپۋبليكالىق اقپاراتتىق-ناسيحات توبىنىڭ وزگە دە مۇشەلەرى وبلىستىڭ بارلىق اۋداندارىندا كەزدەسۋلەر وتكىزدى. باقبەرگەن امالبەك. اقمولا وبلىسى.