«ورداباسى» مەن «اقتوبە» – كەلەسى اينالىمدا
سەنبى, 14 شىلدە 2012 6:36
بەيسەنبى كۇنى ەۋروپا ليگاسىنىڭ العاشقى قارىمتا كەزدەسۋلەرىن وتكىزگەن «ورداباسى» مەن «اقتوبە» كوماندالارى كەلەسى اينالىمعا جولداما الدى. ال بىلتىرعى ەل چەمپيونى «جەتىسۋ» ءوز الاڭىندا پولشانىڭ «لەح» كومانداسىمەن تەڭ ويناپ, ەكىنشى كەزەڭگە شىعۋ مۇمكىندىگىنەن ايىرىلدى.
سەنبى, 14 شىلدە 2012 6:36
بەيسەنبى كۇنى ەۋروپا ليگاسىنىڭ العاشقى قارىمتا كەزدەسۋلەرىن وتكىزگەن «ورداباسى» مەن «اقتوبە» كوماندالارى كەلەسى اينالىمعا جولداما الدى. ال بىلتىرعى ەل چەمپيونى «جەتىسۋ» ءوز الاڭىندا پولشانىڭ «لەح» كومانداسىمەن تەڭ ويناپ, ەكىنشى كەزەڭگە شىعۋ مۇمكىندىگىنەن ايىرىلدى.
ءسويتىپ, ەۋروپا ليگاسىنىڭ ىرىكتەۋ ءتۋرنيرىنىڭ العاشقى كەزەڭىنە قاتىسقان ءۇش قازاقستاندىق ۇجىمنىڭ ەكەۋى جارىستى جالعاستىرۋعا مۇمكىندىك الدى. «اقتوبە» كومانداسىنىڭ بۇرىننان بەرى ەۋروپا تورىندە جەيدە توزدىرىپ جۇرگەنىن ءبىلەمىز. ال شىمكەنتتىڭ «ورداباسى» كلۋبى تۇڭعىش رەت ءوز تاريحىندا ەكىنشى كەزەڭگە جولداما الىپ وتىر. بۇل – وڭتۇستىكتىڭ كومانداسى ءۇشىن ۇلكەن جەتىستىك. جەتىستىك بولعاندا, ونى شىمكەنتتىك ۇجىمنىڭ شەجىرەسىنە جازىلاتىن, ەۋروپا الاڭدارىنداعى جەڭىستى كۇندەرىنىڭ باسى بولسىن دەپ تىلەيىك!
ەندى كەلەسى اينالىمعا شىققان قوس كوماندانىڭ كەشەگى ويىنىنا كەلسەك,شىنىن ايتۋ كەرەك, شىمكەنتتىك كومانداعا سەربيانىڭ «ياگوديناسى» اسا مىقتى قارسىلاس بولعان جوق. ەكى ويىن-دا «ورداباسىنىڭ» باسىمدىعىمەن ءوتتى. ءبىرىنشىسىندە جەڭسە, ەكىنشى ماتچتا ەسەپ اشىلعان جوق. سەنەگالدىق مانسۋر گۋيە, ءوڭتۇستىكتىڭ باس شابۋىلشىسى ءداۋرەنبەك تاجىمبەتوۆ قاقپاشىمەن بەتپە-بەت كەلىپ, دوپتى سوعا الماي, مۇمكىندىكتەرىن بوسقا ءجىبەردى. ال «ورداباسىنىڭ» قاقپاشىسى المات بەكباەۆ جارادى. وتكەن جولى قىرعىزستانمەن بولعان جولداستىق كەزدەسۋدە بولماشى جەردەن ەكى گول جىبەرگەن بەكباەۆ بۇل جولى بىرنەشە دوپتى قايتارىپ, جاقسى ونەر كورسەتتى.
ەندى «ورداباسى» نورۆەگيانىڭ «رۋسەنبورگ», سولتۇستىك يرلانديانىڭ «كرۋزەيدەرس» كوماندالارىنىڭ اراسىنداعى كەزدەسۋدىڭ جەڭىمپازىمەن كۇش سىناسادى. العاشقى ماتچىن «ورداباسى» 19 شىلدە كۇنى سىرت الاڭدا, ال قارىمتا كەزدەسۋىن 26 شىلدە كۇنى العاشقى ۇيدەگى ويىنى سەكىلدى الماتىدا وتكىزەدى.
«اقتوبە» مەن كۋتايسيدىڭ «تورپەدوسى» اراسىندا وتكەن ويىندا وتانداستارىمىز 1:0 ەسەبىمەن جەڭىسكە جەتتى. گولدىڭ اۆتورى ءبىرىنشى ويىندا سىرت الاڭدا مەرگەندىك تانىتقان – مارات بيكماەۆ. بۇل ويىندا لۋكاش بايەر, سامات سىماقوۆ, مارات حايرۋللين, تيمۋر كاپادزە, ەميل كەنجەساريەۆ, سەرگەي لوگۆينەنكولار قارسىلاستار قاقپاسىنا تىنىم بەرمەي, ءبىر ەمەس, بىرنەشە دوپ سوعۋعا ءمۇمكىندىكتەرى بولدى. الايدا, كەزدەسۋ وسىلايشا ءسال عانا باسىمدىقپەن اياقتالدى.
ەكىنشى ىرىكتەۋ كەزەڭىندە «اقتوبە» مولدوۆالىق «ميلسامي» كومانداسىمەن كەزدەسەدى. بۇل ويىندار دا 19 جانە 26 شىلدە كۇندەرى وتەدى. «اقتوبە» دە العاشقى كەزدەسۋىن «ورداباسى» سياقتى سىرت الاڭدا ءوتكىزەدى.
ال تالدىقورعاننىڭ «جەتىسۋ» كومانداسى ەۋروپا ليگاسىنىڭ ىرىكتەۋ كەزەڭىن اياقتادى. بەيسەنبى كۇنى ءوز الاڭىندا پولشانىڭ «لەح» كلۋبىمەن كەزدەسكەن جەتىسۋلىقتار 1:1 ەسەبىمەن تەڭ ويناپ, كەلەسى اينالىمعا شىعۋ مۇمكىندىگىنەن ايىرىلدى. بۇل ەكى ۇجىمنىڭ اراسىندا وتكەن ءبىرىنشى ماتچ 2:0 ەسەبىمەن پولياكتاردىڭ پايداسىنا شەشىلگەن بولاتىن.
داستان كەنجالين,
«ەگەمەن قازاقستان».
