يسپانيا – ەۋروپانىڭ فۋتبول كورولى!
دۇيسەنبى, 2 شىلدە 2012 4:21
يسپانيا – يتاليا – 4:0 (2:0)
گولدار: سيلۆا 14′, البا 41′, توررەس 84′, ماتا 89′
يسپانيا: كاسيلياس, اربەلوا, پيكە, راموس, البا, حاۆي, بۋسكەتس, الونسو, سيلۆا (پەدرو 59′), ينەستا (ماتا 87′), فابرەگاس (توررەس 75′)
دۇيسەنبى, 2 شىلدە 2012 4:21
يسپانيا – يتاليا – 4:0 (2:0)
گولدار: سيلۆا 14′, البا 41′, توررەس 84′, ماتا 89′
يسپانيا: كاسيلياس, اربەلوا, پيكە, راموس, البا, حاۆي, بۋسكەتس, الونسو, سيلۆا (پەدرو 59′), ينەستا (ماتا 87′), فابرەگاس (توررەس 75′)
يتاليا: بۋففون, اباتە, كەلليني (بالدزارەتتي 21′), بونۋچچي, بارتسالي, پيرلو, ماركيزيو, دە روسسي, مونتوليۆو (موتتا 57′), كاسسانو (دي ناتالە 46′), بالوتەللي
ەسكەرتۋلەر: پيكە 25′, بارتسالي 45′
“وليمپيسكي” ستاديونى, كيەۆ
تورەشى: پەدرۋ پروەنسا (پورتۋگاليا)
2012 ەۋروپا چەمپيوناتىنىڭ فينالىندا يسپانيا جانە يتاليا قۇرامالارى كەزدەستى. ەكى تايمدا دا 2 گولدان سوققان يسپانيا 4-0 ەسەبىمەن جەڭىپ, ءتۋرنيردىڭ جەڭىمپازى اتاندى. بۇل “قىزىل فۋريانىڭ” قاتارىنان ەكىنشى ەۋروپا چەمپيوندىعى.
يسپانياعا جەڭىس اكەلگەن گولداردى 14-ءشى مينۋتتا داۆيد سيلۆا, 41-ءشى مينۋتتا حوردي البا, 84-ءشى مينۋتتا فەرناندو توررەس جانە 88-ءشى مينۋتتا حۋان ماتا سوقتى.
يتالياندار يسپان پرەسسينگىنە شىداي المادى
ويىندى جىلدام تەمپپەن باستاعان يسپاندار العاشقى مينۋتتاردان باستاپ يتاليان قورعانىسىنا ۇلكەن پرەسسينگ جاساي باستادى. ءوز الاڭدارىنان شىعا الماعان يتاليا ويىنشىلارى شابۋىل شەبىندەگى بالوتەللي مەن كاسسانوعا تەك ۇزىن دوپتار لاقتىرۋمەن شەكتەلدى. يسپانداردىڭ قوس قاناتتان جانە ورتا الاڭداعى قىسىمى ءوز ناتيجەسىن بەردى. 14-ءشى مينۋتتا ينەستا وڭ قاناتتان فابرەگاسقا ادەمى پاس تاستادى, كەلليني ۇلگەرمەگەن دوپقا ءبىرىنشى جەتكەن فابرەگاس دوپتى ىشكە كوتەردى, قورعاۋشىلاردان بۇرىن باسىن توسىپ ۇلگەرگەن داۆيد سيلۆا ويىننىڭ العاشقى گولىن سوقتى.
گولدان كەيىن يتاليا وياندى, بىراق…
گولدان كەيىن يتاليا قۇراماسى قارسىلاس قاقپاسىن ءجيى تورۋىلداي باستادى. ويىن باسىنداعى قىسىمنان قۇتىلعان يتالياندار قوس قاناتتاردان جانە الىستان سوققىلار ارقىلى گول ىزدەي باستادى. بىراق قورعانىستىڭ ماڭىزدى ويىنشىلارىنىڭ ءبىرى كەلليني جاراقات العاننان كەيىن قايتادان ارتقا شەگىنە باستادى. يتاليانىڭ ۇزدىكسىز شابۋىلدارىنا توتەپ بەرە العان يسپانيا ويىندى قايتادان ءوز قولدارىنا الىپ, شابۋىلدارىن ۇدەتە باستادى. اسىرەسە ورتا الاڭدا حاۆي مەن ينەستا ويىندى بايلاپ تاستادى, يتاليا قۇراماسىنىڭ شابۋىل باستاۋلارىنا مۇمكىندىك بەرمەدى. 41-ءشى مينۋتتا قورعانىستىڭ ارتىنا جۇگىرگەن الباعا حاۆي ادەمى پاس وتكىزدى, پاستى ءساتتى قابىلداعان البا دوپتى بۋففوننىڭ وڭ جاعىنان قاقپاعا قاراي جىبەردى. 2-0.
پروەنسا پەنالتي بەرمەدى
2-ءشى تايمدا باسقاشا وينايدى دەپ كۇتىلگەن يتاليا قۇراماسى يسپانيانىڭ پاس شىرماۋىعىنان شىعا المادى. ءبىر پاس ماشيناسىنداي جۇمىس ىستەگەن يسپاندىقتار قارسىلاستىڭ شابۋىل باستاۋىنا مۇمكىندىك بەرمەدى. قورعانىستاعى پيكە – راموس تاندەمى وتە ءساتتى ويىن كورسەتتى. يسپانيا 49-شى مينۋتتا ءۇشىنشى گولىنا جاقىندادى. بىراق پورتۋگاليالىق تورەشى پروەنسا ءبونۋچچيدىڭ جازا الاڭىندا قولمەن ويناعانىن كورمەي قالدى, يسپانيانىڭ تازا پەنالتيى بەرىلمەي قالدى.
ەكىنشى جاراقات يتاليانى ءبىتىردى
ءبىرىنشى تايمدا جاراقاتىنا بايلانىستى كەللينيدى اۋىستىرعان يتاليا باس باپكەرى پراندەللي ەكىنشى تايمعا كاسسانونىڭ ورنىنا دي ناتالەنى شىعاردى. مونتوليۆونى موتتامەن الماستىردى. الايدا 62-ءشى مينۋتتا جاراقات الىپ قالعان موتتا ويىننان شىعىپ, يتاليا قۇراماسى ويىندى 10 اداممەن جالعاستىرۋعا ءماجبۇر بولدى.
سوڭعى ءسوز چەلسيلىقتاردان
ويىنعا كەيىننەن قوسىلعان توررەس 84-ءشى مينۋتتا حاۆيدىڭ تاماشا پاسىن قابىلداپ, ادەمى سوققىمەن ءۇشىنشى گولدى سوقتى. لوندوندىق “چەلسيدىڭ” شابۋىلشىسى 88-ءشى مينۋتتا ويىنعا 1 مينۋت بۇرىن كىرگەن ارىپتەسى ماتاعا پاس شىعارىپ, ءتورتىنشى گولدىڭ سوعىلۋىنا سەبەپكەر بولدى.
فوتوگالەرەيا
[nggallery id=9]
ارشات ورازوۆ
سۋرەتتەر sports.ru سايتىنان الىندى
