كۇركىرەپ وتكەن ءۇش كۇن
سەيسەنبى, 19 ماۋسىم 2012 7:36
ەۋروپا چەمپيوناتىندا جۇمادان بەرى وتكەن ءۇش كۇن شىنىندا دا كۇركىرەپوتكەندەي اسەر قالدىردى. بۇل ارالىقتا توپتارداعى ەكىنشى تۋردىڭويىندارى تولىق اياقتالىپ, سوڭعى بەلەستىڭ سوقپاعى باستالدى. ولارشيرەك فينالعا شىققان ءتورت جۇيرىكتى ايعاقتاپ, جارتى جولدا قالعان تاعىءتورت جابىنى جاھانعا جاريا ەتتى.
سەيسەنبى, 19 ماۋسىم 2012 7:36
ەۋروپا چەمپيوناتىندا جۇمادان بەرى وتكەن ءۇش كۇن شىنىندا دا كۇركىرەپوتكەندەي اسەر قالدىردى. بۇل ارالىقتا توپتارداعى ەكىنشى تۋردىڭويىندارى تولىق اياقتالىپ, سوڭعى بەلەستىڭ سوقپاعى باستالدى. ولارشيرەك فينالعا شىققان ءتورت جۇيرىكتى ايعاقتاپ, جارتى جولدا قالعان تاعىءتورت جابىنى جاھانعا جاريا ەتتى.
ۋكراينا-فرانتسيا – 0:2.بىزدە: «قازاق ىرىم ەتەدى, ىرىمى قىرىن كەتەدى», دەگەن ناقىل بار. سويتسەك, ىرىمعا قادالىپ قالعان جۇرت جالعىز ءبىز ەمەس ەكەنبىز, تاپ وسى ماتچ چەمپيوناتتىڭ كەستەسىنە ءتۇسەر الدىندا ءبىراز فۋنكتسيونەرلەرى ونىڭ كەنشىلەر قالاسىندا وتۋىنە ءۇزىلدى-كەسىلدى قارسى بولىپتى. سەبەبى, ەلدىڭ قۇراماسى بۇعان دەيىن شاحتەرلەر شاھارىندا بىردە-ءبىر رەت وزدەرىن قۋانتاتىنداي تابىسقا جەتپەگەن ەكەن. بىراق توقپاعى مىقتى بولدى ما, كيىز قازىقتىڭ قاۋقارىنداي عانا وسى ۇسىنىس اقىرى ءوتىپ كەتىپتى. قالاي دەگەندە دە, ۋكراينا قۇراماسىنىڭ وسى قالادا فرانتسيا كومانداسىمەن ءوتكىزگەن كەزدەسۋى مۇنىڭ الدىنداعى ءبىرىنشى ويىننان كوش كەيىن بولدى. ويىندا فرانتسۋزداردىڭ كۇشتى ەكەنى بارعان سايىن ايقىن بىلىنە بەردى. اقىرىندا وسى باسىمدىق ەكىنشى تايمنىڭ باس جاعىندا ءبىردەن ەكى گولعا اينالىپ, ماسەلەنى تۇبەگەيلى شەشىپ كەتتى.
شۆەتسيا-انگليا – 2:3. الدىڭعىعا قاراعاندا, بۇل ماتچتا ءبىراز تەكەتىرەس پەن تارتىس ورىن الدى. اعىلشىندار ويىننىڭ ءفاۆوريتى سانالعانىمەن, ولارعا زلاتان يبراگيموۆيچ باستاعان تارلانداردى اۋىزدىقتاۋ وڭاي بولعان جوق. اقىرى كەزدەسۋ ناتيجەلى شىقتى. ونىڭ قورىتىندىسى روي حودجونس جىگىتتەرىن مەرەيلى ەتە ءتۇستى.
وسى ەكى ماتچپەن توپتارداعى ەكىنشى تۋردىڭ ويىندارى ءتامام بولدى. ال سەنبى كۇنى كوماندالار شەشۋشى ءۇشىنشى تۋردىڭ ويىندارىن باستادى. ول ادەتتەگىدەي ا توبىنىڭ جاساقتارىنان ءوربىدى. مىنە, وسى كۇننەن باستاپ ءبىر توپتا ءبىر كۇندە وينايتىن قۇرامالار الاڭدارعا دا ءبىر مەزگىلدە شىعۋ تارتىبىنە كوشتى. چەمپيوناتتاعى باستى سەنساتسيالار دا وسى ويىنداردا كورىنىس تاپتى.
چەحيا-پولشا – 1:0. باسقا باسقا, تاپ وسى چەحتاردى توپتان باۋىر جازىپ شىعادى دەپ, ونىڭ ۇستىنە ءبىرىنشى بولىپ بەتەگەگە بەتتەيدى دەپ ەشكىم ويلاماعان شىعار. «التىن پراگا» اۋماعى جىگىتتەرىن, اسىرەسە, ءبىرىنشى ويىندا ورىستاردان 1:4 بولىپ ۇتىلىپ قالعانىنان كەيىن انىق اۋتسايدەرگە ساناۋشىلار كوپ ەدى. ال چەحتار ايدى اسپانعا ءبىر-اق شىعاردى. ولاردىڭ ەكىنشى ماتچتا وزدەرىنەن دە تومەن گرەكتەردى اۋپىرىمدەپ ءجۇرىپ ۇتىپ كەتكەنىن بىلايعا جۇرت ونشالىقتى شالقىعان كوڭىلمەن قابىلداي قويعان جوق. سەبەبى, ءۇشىنشى ويىندا پولياكتاردىڭ الدىندا «تاعالاعان جورعاداي» بولا قالاتىنىنا كوپشىلىك سەنىمدى ەدى. شاماسى, پولياكتاردىڭ وزدەرى دە وسىعان قاتتى سەنىپ كەتسە كەرەك, ولار ناعىز كەسكىلەسكەن كۇرەسكە ونشالىقتى دايىن بولماي شىقتى. ناتيجەسىندە چەحتار دەگەندەرىنە جەتتى.
گرەكيا-رەسەي – 1:0. ايتاتىنى جوق, رەسەيلىكتەردىڭ وسى جولعى قۇراماسى شىنىندا كۇشتى ەدى. ونى جانكۇيەر قاۋىم ءبىرىنشى ويىندا دا بايقادى. ەكىنشى ماتچتا پولياكتارعا ەرىك بەرىپ قويعانى بولماسا, جالپى سالماقتىلىق پەن ويلىلىق ورىستار جاعىندا جاتتى. بىراق وسى جولعى سامارقاۋلىق باپكەرلەر شتابىن ويلاندىرۋى كەرەك ەدى. ويلاندىرمادى. ول بىلاي تۇرسىن, ديك ادۆوكات كوماندانى ءۇشىنشى ماتچ قاتارىنان بىردەي ستارتتىق قۇراممەن الاڭعا شىعاردى. سوڭعى ويىندا تەك ناۋقاستانىپ قالعان كونستانتين زىريانوۆ قانا الماستىرىلدى. قالعان وزگەرىس نىسپىداي. سوندىقتان ۇستاز ءبىرىنشى ويىندا 7, ەكىنشى كەزدەسۋدە 5 رەت قاقپاعا قاراي سوققى جاساپ, سونىڭ بىردە-ءبىرىن شەڭبەردىڭ اۋماعىنا قاراي تۋرالاپ جىبەرە الماعان الەكساندر كەرجاكوۆ سەكىلدى شابۋىلشىنى العاشقى لەكپەن ويناتۋىن دا قويمادى. بۇل ونىڭ قۇرامعا جاڭا لەپ بەرەتىن كەزدەردى جىبەرىپ العانىن كورسەتتى. ونىڭ ۇستىنە, ءبىرىنشى كەزدەسۋدەگى ءىرى جەڭىس كوماندا جىگىتتەرىن ءبىراز اداستىرىپ كەتكەن سياقتى. وسىدان كەيىن وزدەرىن «ناعىز چەمپيون» سەزىنە باستاعان فۋتبولشىلار اقىرعى ايقاسقا ءتاستۇيىن بولىپ شىعا المادى.
وسى چەمپيوناتتىڭ الدىندا ديك ادۆوكاتتىڭ ايتقان ءبىر ءسوزى بار ەدى. «مەن كوماندانىڭ دايىندىعىنىڭ شىڭىن ءبىرىنشى ويىنعا تۋرالايمىن», دەگەن. ول وسى ايتقانىندا تۇردى. بىراق سودان كەيىن تومەن قاراي كۇرت قۇلدىراۋ باستالىپ كەتكەن تارىزدەندى.
پورتۋگاليا-گوللانديا – 2:1. چەمپيوناتتاعى ەڭ ۇلكەن سەنساتسيا, البەتتە, «القىزىل قىزعالداقتار ەلى» كومانداسىنىڭ توپتان شىعا الماي قالعانى بولسا كەرەك. بۇعان قوسا, ونىڭ ءۇش ويىندا دا تۇگەل ۇتىلعانىن بۇعان دەيىنگى ستاتيستيكا بىلمەيدى. ال مىنا ويىندا پورتۋگالداردىڭ ءبىر كوش ىلگەرى بولعانىن جۇرتتىڭ ءبارى كوردى. گوللاندتىقتاردىڭ باسىمدىعى ادەپكى گولدى سوعىپ, ەسەپتى اشقانعا دەيىن عانا سوزىلدى. سودان كەيىن «كريشتيانۋ رونالدۋ جانە ك» جاسىنداي جارقىلداي باستادى. الاڭنىڭ كەز كەلگەن بۇرىشىنان قاقپانى اتقىلاي ءجۇرىپ, كوماندا كاپيتانىنىڭ ءوزى ەكى گولدىڭ اۆتورى اتانىپ ۇلگەردى. تاعى ەكى دوبىن قاقپانىڭ باعانى «جۇتتى». دەگەنمەن, وسى ەسەپتىڭ ءوزى ولاردى بارىنشا قاناعاتتاندىردى.
دانيا-گەرمانيا – 1:2. بۇل «نەمىس ماشينەسى» ءوزىنىڭ وسى چەمپيوناتتاعى باستى ۇمىتكەرلەردىڭ ءبىرى ەكەنىن دالەلدەگەن كەزەكتى ماتچ بولدى. كەزدەسۋدىڭ باسىندا ءبىراز شاپقىلاپ باققان داتتار ويىننىڭ ەكىنشى جارتىسىنان باستاپ, كۇشتى ەسەپپەن ۇتىلىپ قالماۋ جاعىن عانا كۇيتتەگەندەي قيمىل جاسادى. ماتچ سوڭىندا دانيا قۇراماسىنىڭ باس جاتتىقتىرۋشىسى مورتەن ولسەن ايتقان: «ءبىز ءوزىمىزدىڭ كىمنەن جەڭىلگەنىمىزدى بىلەمىز. سوندىقتان اسا قاتتى قايعىرمايمىز», دەگەن ءسوزى ولاردىڭ ويىن ءۇشىن بىلدىرگەن ناقتى ءتۇيىنى سياقتى.
بۇل كەزدەسۋلەر الداعى شيرەك فينالدا گەرمانيا-گرەكيا, پورتۋگاليا-چەحيا كوماندالارى كەزدەسەتىندىگىن ايقىنداپ بەردى.
كەشە تۇندە س توبىندا يتاليا-يرلانديا, حورۆاتيا-يسپانيا قۇرامالارى كەزدەستى. ال بۇگىن كەشكە توپتىق ويىندار اياقتالادى. ودان ءارى شيرەك فينالدىڭ ويىندارى باستالادى.
ويلار, پىكىرلەر, كوزقاراستار
اناتولي بىشوۆەتس,
كسرو قۇراماسىن 1988 جىلعى وليمپيادادا جەڭىسكە جەتكىزگەن جاتتىقتىرۋشى:
– بىزدە تابىستى ونەر كورسەتۋگە بارلىق جاعدايلار بولدى. رەسەي فۋتبولشىلارى پلەي-وففقا شىعۋعا ءتيىستى-اق ەدى. بىراق ماقسات ورىندالمادى. مەن قاتتى قاپالىمىن. ەندى قۇراماعا ۇلكەن رەفورما جاساۋ كەرەك. ونىڭ تىزگىنىن مىندەتتى تۇردە وتاندىق جاتتىقتىرۋشى الۋى ءتيىس. ويتكەنى, ول ىشكى جاعدايىمىزدى, بارلىق مۇمكىندىگىمىزدى جاقسى بىلەدى. مىنا جاتتىقتىرۋشىلار قۇرامى كوماندانى جامان دايىنداعان جوق. چەمپيوناتقا ادەمى اپاردى. الايدا, بولمايتىن جەرلەردەن قاتەلىكتەر جىبەردى. مىسالى, مەن كەرجاكوۆتى ستارتتىق قۇرامدا الاڭعا شىعارۋعا بولمايتىنىن تالاي ايتقانمىن. سول ايتقاندارىم ايداي كەلدى. ول ونداي ايقاسقا بەيىمدەلمەگەن. ونى تەك ويىنشىلاردى الماستىرۋعا عانا پايدالانۋعا بولاتىن ەدى.
داريو سرنا,
حورۆاتيا قۇراماسىنىڭ جارتىلاي قورعاۋشىسى:
– ءبىز – كىشكەنتاي عانا ەلدىڭ وكىلىمىز. بىراق ءبىزدىڭ ەرىك-جىگەرىمىز كۇشتى. كىشكەنتاي ەكەنبىز دەپ بۇعىپ قالا المايمىز. ءبىزدىڭ قاتارىمىزدا 23 ارىستان بار. ولار – حورۆاتيانىڭ قازىرگى تاڭداعى ەڭ كۇشتى ويىنشىلارى. مىنە, وسى كۇشتى ويىنشىلار قولدارىنان كەلگەنىنشە كىشكەنتاي ەلدەرىن ۇلكەن قۋانىشقا بولەۋگە ۇمتىلادى.
ولەگ بلوحين,
ۋكراينا قۇراماسىنىڭ باس جاتتىقتىرۋشىسى:
– اعىلشىندار كومانداسىنا ۋەين ءرۋنيدىڭ ورالۋى جاعدايدى ەشقانداي دا وزگەرتە المايدى. ءبىز بۇرىنعى ويىنىمىزدان تانبايمىز. روي حودجونستىڭ كومانداسى چەمپيوناتتا ەكى ويىنعا قاتىسىپ, ەكەۋىن ەكى ءتۇرلى ەتىپ وتكىزدى. ءبىز بۇدان دا ساباق الامىز. ءبارىن تۇگەل تالداپ شىعۋىمىز كەرەك. ال سوڭعى ويىنعا تەك جەڭىس ءۇشىن شىعامىز. وعان قول جەتكىزۋ ءۇشىن بارىمىزدى سالامىز. مەن مۇندايدا جىگىتتەرىمنىڭ جىگەرسىز ويناۋىنا تيتتەي دە جول بەرمەيمىن.
ماتچ مينياتيۋرالارى
* وتكەن جۇمادان بەرى (15-17 ماۋسىم) چەمپيوناتتا 6 ويىن وينالدى. ولاردا 15 گول سوعىلدى.
* بۇل 6 ماتچتى ستاديونداردا 280 169 كورەرمەن كوردى.
ال چەمپيونات باستالعالى سپورت ارەنالارىنا 879 284 ادام جينالدى.
* چەمپيونات باسىنان بەرى وينالعان 20 ويىندا 54 گول سوعىلدى. ورتاشا ەسەپپەن ءار ويىندا قاقپاعا 2,7 دوپتان سالىندى.
* وتكەن 6 ويىندا 1 دۋبل تىركەلدى. ونى پورتۋگاليا قۇراماسىنىڭ شابۋىلشىسى كريشتيانۋ رونالدۋ جاسادى. ازىرگە مەرگەندەر كوشىندە وزگەرىس جوق. ولاردىڭ الدى 3 گولمەن كەلەدى.
* ەسەپتى كەزەڭدە چەمپيوناتتىڭ ءبىرىنشى اۆتوگولى دا سوعىلدى. ونى اعىلشىن گلەن دجونسون شۆەدتەرمەن ويىندا ءوز قاقپاسىنا ءتۇسىرىپ الدى.
* وتكەن 6 ويىندا ويىنشىلارعا 26 ەسكەرتۋ جاسالدى. تەك گوللانديا-گەرمانيا ماتچىندا عانا ەشكىم تارتىپتىك جازا العان جوق. بۇل – چەمپيونات باستالعالى ورىن الىپ وتىرعان ەكىنشى دەرەك. جالپى, بىرىنشىلىك باستالعالى 76 فۋتبولشىعا «سارى قاعاز» كورسەتىلدى.
* ۇزدىك ويىنشى اتاعىنا يوان كاباي (فرانتسيا), تەو ۋولكەتت (انگليا), ۆاتسلاۆ پيلارج (چەحيا), گيورگوس كاراگۋنيس (گرەكيا), كريشتيانۋ رونالدۋ (پورتۋگاليا), لارس بەندەر (انگليا) يە بولدى. بۇل جولى ۆاتسلاۆ پيلارج مۇنداي اتاققا ەكىنشى رەت قول جەتكىزدى.
ايتپاقشى…
ادۆوكات پەن فۋرسەنكو قۇرامادان ەكى بولەك كەتتى. رەسەي فۋتبولفەدەراتسياسىنىڭ باسشىسى مەن قۇراما جەتەكشىسى كوماندا ماسقارا بولىپجەڭىلىس تاپقاننان كەيىن ەلدەرىنە فۋتبولشىلاردان بولەك قايتتى. مۇندافۋرسەنكو ماسكەۋگە ورالسا, ادۆوكات گوللاندياعا اتتاندى. ونىڭكەلىسىم-شارتى وسى بىرىنشىلىكپەن بىرگە بىتۋگە ءتيىس بولاتىن. الويىنشىلار جەكسەنبى كۇنى ماسكەۋگە ۇشىپ كەلدى. ولاردى, البەتتە,اۋەجايدا ەشكىم قارسى العان جوق.
توماش روسيتسكي ويىندى جالعاستىرا المايتىن بولدى. چەحيا قۇراماسىنىڭ جارتىلاي قورعاۋشىسى كوماندا قاراۋىنان كەتتى, دەپ حابارلادى ار اقپارات اگەنتتىگى. ول گرەكتەرمەن ويىندا ءسىڭىرىن سوزىپ العان ەكەن. سوندىقتان پولياكتارعا قارسى ويىنعا قاتىسا المادى.
اندرەي شەۆچەنكونىڭ انگليامەن ويىنعا قاتىسۋ-قاتىسپاۋى 50 پايىزدىق شامادا. بۇل تۋرالى ۋكراينا قۇراماسىنىڭ دارىگەرى لەونيد ميرونوۆ مالىمدەدى. ونىڭ ايتۋىنا قاراعاندا, جەكسەنبى كۇنى فورۆاردتىڭ جاعدايى ءبىرشاما ءتاۋىر بولا باستاعان. «مەنىڭ ويىمشا, اندرەيدىڭ ءوزى ويىنعا قاتىسۋعا اسا قاتتى قۇشتار بولىپ وتىر, – دەدى دارىگەر. – سەبەبى, ول – ناعىز كاسىبي مامان. وسىنداي ءساتتە اياعىنىڭ اۋىرعانىنا قاراماستان, كومانداسىنا جاردەم بەرگەندى ول ءوزىنىڭ بورىشى سانايدى».
