جانەتتىڭ جانسارايى

دارىن جاس تاڭداماي­تىند­ى­عىن جاننەتتىڭ جانساراي باعى ىسپەتتەس كورمەسىنەن كورۋگە بولادى. بۇگىندە ت.جۇرگەنوۆ اتىن­داعى قازاق ۇلتتىق ونەر اكادەمياسىندا وقيتىن تالانتتى قىزدىڭ تابىستارى قوماقتى. كاناگاۆا قالاسىندا جاپونيا مەن ازيا ەلدەرى جاس سۋرەتشىلەرىنىڭ اراسىندا وتكەن جارىستىڭ باس جۇلدەگەرى بولسا, ءىح حالىقارالىق “شابىت” كونكۋرسىنىڭ “بەينەلەۋ ونەرى” نومي­نا­تسيا­سى­نىڭ گران-ءپريىن جەڭىپ الىپ, “دارىن” مەملەكەتتىك جاستار سىيلىعىنىڭ لاۋرەاتى اتانعان. بۇل جاننەتتىڭ العاشقى كورمەسى ەمەس. ونىڭ “دەبيۋت”. مەنىڭ العاشقى نۇكتەم” دەپ اتالاتىن جەكە كورمەسى موڭعوليانىڭ ۇلتتىق ونەر گالەرەياسىنا قويىلسا, “تامىر” مەن “ويۋ ءتۇس” اتتى دەربەس كورمەلەرى ارقىلى استا­نا­لىق­تارعا ءوز الەمىن پاش ەتكەن. ال بۇل كورمەنى قازاقتىڭ قاراقات كوز سۋرەتشىسى قازاقستاننىڭ ەىقۇ-عا توراعالىق ەتۋىنە جانە ەلىمىزدىڭ ءبى­رىك­كەن ۇلتتار ۇيىمىنا كىرۋىنىڭ 18 جىل­دىعىنا ارناپ وتىر ەكەن. ءتورت جاسىنان قولىنا قىلقالام العان جاننەت قازاقتان شىققان بەلگىلى عالىم, سۋرەتشى جاناتحان ساعيدان ۋلان-باتىر قالاسىندا (موڭعوليا) قۇرعان “دارىن” اتتى دارىندى بالالار ورتالىعىندا شۇعىلدانعان. وسى ورتالىقتى قۇرۋشىلاردىڭ پىكىرىنشە, ءبىلىم بەرۋگە دەگەن قازىرگى كوزقاراس الدەقاشان ەسكىرگەن جانە قازىرگى ءبىلىم بەرۋ پاراديگمالارىن الماستىرا الاتىن مۇلدە جاڭا پەداگوگيكالىق تۇجى­رىم­دامالار مەن يدەيالار قاجەت. سوندىقتان وسى ويدى ىسكە اسىرۋ ءۇشىن جاڭا مەكتەپتىڭ جۇمىسىنا فيلوسوفتار, ماتەماتيكتەر, پە­دا­گوگ­تار مەن شىعارماشىلىق قاي­رات­كەرلەرى تارتىلعان. وسىنداي ورتادا وسكەن, سونى ۇردىستەن سۋسىنداعان سۋرەتشى دە ءوز ۇستازدارىنىڭ ۇستانىمىن اقتا­عا­نىن كورمەگە قويىلعان كەس­كىن­دە­مەلەردەن جازباي تانيسىڭ. ءپال­سا­فاعا تولى كارتينالاردى ءجاي تا­ما­شالاپ عانا قويماي, تىلسىمىنا بويلاپ, ىشىنە بۇككەن يدەيالاردى وقۋعا ۇمتىلا باستاعانىڭدى بايقاماي قالاسىڭ. جاننەت ءوز جۇمىستارىندا جال­پى ادامزاتتىق ماسەلەلەردى, الەم جاراتىلىسىنىڭ كۇيىنىشى مەن ءدراماتيزمىن ورنەكتەۋ ءادىسى رەتىندە گروتەسكالىق وبرازداردى پاي­دا­لا­نا­دى. ايتپەسە, تىرشىلىك ىرعاعى ۇدەپ بارا جاتقان, بەينەباياندىق سانانى ءسىڭىرىپ بولعان تەلەۆيزيالىق باع­دار­لامالار سالتانات قۇرىپ تۇرعاندا مىنا بەيمازا الەمگە ءۇنىڭدى قالاي ەستىرتۋگە بولادى؟ ءيا, ول “اتاۋسىز”, “قىسىم”, “قار­سى باتىر”, “رۋحتار كەرۋەنى”, ء“الى ەشكىم بىلمەيدى” اتتى سۋرەتتەرى ار­قىلى ءبىزدى ءوزىمىز قۇرىپ جاتقان ەس­سىز الەمنەن ساقتاندىرۋعا ۇم­تى­لا­دى. سولاي بولا تۇرا “ماڭگىلىك سۇراق”, “مو­دەليانيدىڭ اسەرىمەن”, “نازىك حامال” ءتارىزدى تۋىندىلارى پوەزياعا, رومانتيكا مەن ما­حابباتقا تولى. سونداي-اق ونىڭ دۇنيە جا­را­تىلىسى تۋرالى ويلارى “شاعىلىسۋ”, “ابىز­دار” ءتريپتيحى, “جەتى توبە” تۋىن­دى­لا­رىنان كورىنسە, ادام اتا مەن حاۋا انا ۇر­پاق­تارىنىڭ ءوزارا قارىم-قاتىناسى “ين. يان” ءديپتيحى, “كوپروميسس”, “پورترەت” سەرياسى, ء“بىر با­تىر­دىڭ جيىرما ارباۋىنان” اڭعا­رى­لا­دى. جاننەت ءابىشتىڭ جۇمىستارى تۋرالى ونەر­تانۋشىلار: ء“بىز ءسوزسىز, ايرىقشا كوركەمسۋرەت فەنومەنىنىڭ شىعارماشىلىق جولىنىڭ باس­تا­لۋىن كورىپ وتىرمىز. ول ءوزىنىڭ جاڭا ءارى تو­سىننان ادام جانى مەن دۇنيە جاراتىلىسى مە­تا­مارفوزالارىن ىسكە اسىرۋىمەن تاڭداندىرا وتىرىپ ءارى دامي بەرەتىن بولادى” دەپ باعا بەرۋدە. الماتى. ايناش ەسالي.