ۇرىلاردىڭ سۋرەتتەرى قوعامدىق كولىكتەردە ءىلىنىپ قويىلاتىن بولدى
جۇما, 16 قاراشا 2012 7:13
«ارسىزدىق اۋەلى ءسال-ءپال ءبىلمەستىكتەن باستالادى», دەگەندەي, بۇگىندە قىلمىستىق ارەكەتتەردىڭ سانى دا, ءتۇرى دە كوبەيە تۇسۋدە. اسىرەسە, پاتەر توناۋ, قوعامدىق كولىكتەردە وزگەلەردىڭ قالتاسىنا ءتۇسىپ, اقشا جانە وزگە دە قۇندى زاتتاردى ۇرلاۋدى كاسىپكە اينالدىرعاندار قاتارى از ەمەس. الماتى قالالىق ىشكى ىستەر دەپارتامەنتى, مىنە, وسىنداي قىلمىستىق ارەكەتتەرمەن اۋەستەنۋشىلەرگە قارسى كۇرەستىڭ ەڭ ىقپالدى ءتاسىلىن جۇزەگە اسىرماق. ەكى ميلليونعا جۋىق تۇرعىنى بار ءىرى شاھاردىڭ المالى اۋدانىندا كوپتەگەن جوعارى وقۋ ورىندارى شوعىرلانعاندىعى ەسكەرىلىپ, جاڭا جوبا وسى اۋداننان باستاۋ الماق.
جۇما, 16 قاراشا 2012 7:13
«ارسىزدىق اۋەلى ءسال-ءپال ءبىلمەستىكتەن باستالادى», دەگەندەي, بۇگىندە قىلمىستىق ارەكەتتەردىڭ سانى دا, ءتۇرى دە كوبەيە تۇسۋدە. اسىرەسە, پاتەر توناۋ, قوعامدىق كولىكتەردە وزگەلەردىڭ قالتاسىنا ءتۇسىپ, اقشا جانە وزگە دە قۇندى زاتتاردى ۇرلاۋدى كاسىپكە اينالدىرعاندار قاتارى از ەمەس. الماتى قالالىق ىشكى ىستەر دەپارتامەنتى, مىنە, وسىنداي قىلمىستىق ارەكەتتەرمەن اۋەستەنۋشىلەرگە قارسى كۇرەستىڭ ەڭ ىقپالدى ءتاسىلىن جۇزەگە اسىرماق. ەكى ميلليونعا جۋىق تۇرعىنى بار ءىرى شاھاردىڭ المالى اۋدانىندا كوپتەگەن جوعارى وقۋ ورىندارى شوعىرلانعاندىعى ەسكەرىلىپ, جاڭا جوبا وسى اۋداننان باستاۋ الماق.
انىعىراق ايتقاندا, ۇرلىق جاسايتىنداردىڭ, پاتەر توناعانداردىڭ جانە ىزدەستىرۋدە جۇرگەن قىلمىسكەرلەردىڭ فوتوسۋرەتتەرى قوعامدىق كولىكتەرگە ورنالاستىرىلادى. مۇنىڭ ءوزى سونىمەن قاتار, وزدەرىنىڭ اڭعالدىعىمەن قىلمىسكەرلەرگە قولايلى جاعداي جاسايتىن قالا تۇرعىندارىنىڭ قاۋىپسىزدىگى ءۇشىن دە ۇلكەن كومەك ەكەندىگى ءسوزسىز. المالى اۋدانى ءتارتىپ ساقشىلارى الماتىلىقتارعا ۇرىلاردان قورعانۋ جولدارى تۋرالى اقپارات جازىلعان ەسكەرتپەلەردى, جادنامالاردى دا ۇسىنۋدا.
– بۇگىنگى كۇنگە دەيىن مۇنداي ەسكەرتپەلەردىڭ ەلۋ مىڭ داناسى دايىندالدى. ۇرلىق جاساۋشىلارعا قارسى ءتيىمدى ءارى ەرەكشە شارا تەك اۆتوبۋستاردى عانا ەمەس, ترامۆايلار مەن تروللەيبۋستاردى دا قامتيدى. سونىمەن قاتار, بۇل سۋرەتتەر كوپ قاباتتى ۇيلەردىڭ كىرەبەرىسىنە دە ىلىنەدى. قىلمىستىڭ الدىن الۋ ءىس-شارالارىن جاساۋدا جانە ونى ىسكە اسىرۋدا بىزگە جەرگىلىكتى اكىمدىك پەن پروكۋراتۋرانىڭ ىقپالى مول بولدى, – دەيدى الماتى اۋداندىق ءىىب باستىعى, پوليتسيا پولكوۆنيگى تالعات سەيىلحانوۆ.
وڭتۇستىك استانادا سوڭعى ءۇش جىل بويى «قاۋىپسىز اۋلا» باعدارلاماسى دايەكتىلىكپەن جۇزەگە اسىرىلۋدا. كوپ قاباتتى ۇيلەردە تەمىر ەسىكتەر ورناتىلىپ, ولار ارناۋلى ق ۇلىپتارمەن جابدىقتالعان. قالاداعى جەتى مىڭعا جۋىق كوپ قاباتتى ۇيلەردىڭ توقسان پايىزىندا وسىنداي جۇمىستار ءجۇرگىزىلدى. ءسوز رەتى كەلگەندە ايتا كەتەتىن تاعى ءبىر جايت, الماتىدا تىركەلگەن قىلمىستاردىڭ باسىم كوپشىلىگىن شىعىس قازاقستان, جامبىل, وڭتۇستىك قازاقستان ءجانە الماتى وبلىسىنان كەلگەندەر جاسايتىنى انىقتالدى.
باقىت بالعارينا,
«ەگەمەن قازاقستان».
الماتى.
