وزگەرىستەر ءورىسى
سارسەنبى, 7 قاراشا 2012 7:30
ەلىمىزدىڭ باس پروكۋرورىنىڭ بۇيرىعىمەن قۋات ارتىقباەۆ وبلىس پروكۋرورىنىڭ ورىنباسارى قىزمەتىنە تاعايىندالدى. ق.ارتىقباەۆ 1968 جىلى التاي ءولكەسىنىڭ قاراكەسەك اۋىلىندا ءدۇنيەگە كەلگەن, 1993 جىلى سۆەردلوۆ زاڭ ينستيتۋتىن بىتىرگەن. پروكۋراتۋرا ورگاندارىندا 1993 جىلدان باستاپ ەڭبەك ەتتى, وبلىس پروكۋراتۋراسىندا الەۋمەتتىك-ەكونوميكالىق سالادا زاڭدىلىقتى قاداعالاۋ جونىندەگى ءبولىمنىڭ باسشىسى, لەبياجى اۋدانىنىڭ پروكۋرورى, وبلىس پروكۋراتۋراسىندا جەدەل-ىزدەستىرۋ قىزمەتىنىڭ زاڭدىلىعىن قاداعالاۋ ءجونىندەگى باسقارما باسشىسى, باس پروكۋروردىڭ اعا كومەكشىسى بولدى. بۇعان دەيىن باس پروكۋروردىڭ بۇيرىعىمەن وبلىس پروكۋرورىنىڭ ورىنباسارى قىزمەتىنە بەرىك قۇلتاسوۆ تاعايىندالدى.
سارسەنبى, 7 قاراشا 2012 7:30
ەلىمىزدىڭ باس پروكۋرورىنىڭ بۇيرىعىمەن قۋات ارتىقباەۆ وبلىس پروكۋرورىنىڭ ورىنباسارى قىزمەتىنە تاعايىندالدى. ق.ارتىقباەۆ 1968 جىلى التاي ءولكەسىنىڭ قاراكەسەك اۋىلىندا ءدۇنيەگە كەلگەن, 1993 جىلى سۆەردلوۆ زاڭ ينستيتۋتىن بىتىرگەن. پروكۋراتۋرا ورگاندارىندا 1993 جىلدان باستاپ ەڭبەك ەتتى, وبلىس پروكۋراتۋراسىندا الەۋمەتتىك-ەكونوميكالىق سالادا زاڭدىلىقتى قاداعالاۋ جونىندەگى ءبولىمنىڭ باسشىسى, لەبياجى اۋدانىنىڭ پروكۋرورى, وبلىس پروكۋراتۋراسىندا جەدەل-ىزدەستىرۋ قىزمەتىنىڭ زاڭدىلىعىن قاداعالاۋ ءجونىندەگى باسقارما باسشىسى, باس پروكۋروردىڭ اعا كومەكشىسى بولدى. بۇعان دەيىن باس پروكۋروردىڭ بۇيرىعىمەن وبلىس پروكۋرورىنىڭ ورىنباسارى قىزمەتىنە بەرىك قۇلتاسوۆ تاعايىندالدى.
ب.قۇلتاسوۆ 1962 جىلى شىمكەنت وبلىسىندا دۇنيەگە كەلدى, 1984 جىلى قاراعاندى مەملەكەتتىك ۋنيۆەرسيتەتىن تامامداعان. سىنىپتىق شەنى – ادىلەت اعا كەڭەسشىسى. جۋالى اۋداندىق پروكۋرورىنان باستاپ, باسقا دا ءبىرقاتار قۇقىق قورعاۋ ورىندارىندا, تاراز گارنيزونىنىڭ, وڭتۇستىك اسكەري وكرۋگىنىڭ پروكۋرورى قىزمەتتەرىن اتقارعان.
وسى جۋىردا عانا وبلىستىڭ ءۇش اۋدانىنىڭ پروكۋرورلارى تاعايىندالدى. لەبياجى اۋدانىنىڭ پروكۋرورى بولىپ تاعايىندالعان جان ءجۇسىپوۆ باس پروكۋراتۋرانىڭ تەرگەۋ جانە انىقتاۋ زاڭدىلىعىن قاداعالاۋ باسقارماسىندا قىزمەتىن اتقارعان.
ال ماي اۋدانىنىڭ پروكۋرورى امانكەلدى شولىموۆ پەن اقتوعاي اۋدانىنىڭ پروكۋرورى قايرات بەيسەنوۆ ءبىر-بىرىمەن ورىن الماستىردى. سونداي-اق, اقتوعاي, شارباقتى اۋداندارى مەن اقسۋ قالاسىنىڭ قاداعالاۋ ورگاندارىنىڭ قىزمەتكەرلەرى ارنايى سالىنعان جاڭا عيماراتتارعا ورنالاستى. سونىمەن قاتار, وبلىستىق ىشكى ىستەر دەپارتامەنتى ءباسپاسوز قىزمەتىنىڭ حابارىنا قاراعاندا, جالپى وسى سالاداعى اتتەستاتتاۋ قورىتىندىسى بويىنشا 235 پوليتسيا قىزمەتكەرى الداعى ۋاقىتتا جۇمىستارىن اتقارۋعا ساي ەمەس كورىنەدى. 57-ءسى بۇل سىننان وتە الماعان.
ال 2 272-ءسى ءوز قىزمەتتەرىنە لايىق دەپ تانىلدى, ولاردىڭ 48-ءى جوعارىلاتۋعا ۇسىنىلسا, 119-ى باسقا قىزمەتتەرگە اۋىستىرىلۋعا ۇسىنىلعان.
فاريدا بىقاي,
«ەگەمەن قازاقستان».
پاۆلودار وبلىسى.
