دارىگەرلەر نەيروناۆيگاتسيا قولدانىپ ومىرتقاعا - 24, ۆەرتەبروپلاستيكا بويىنشا - 34, توراكوپلاستيكا - 11, ارتروسكوپيا - 380, ەندوكوررەكتور سپونديلودەز – 34 وپەراتسيا, 161 ادامنىڭ ۇرشىق بۋىنىن, 129 ناۋقاستىڭ تىزە بۋىنىن تولىق اۋىستىردى.
ەلىمىزدە جوعارى تەحنولوگيالى مەديتسينالىق قىزمەتتەر تمكك اياسىندا ازاماتتارعا تەگىن كورسەتىلەدى. نەگىزى, ءبىر وپەراتسيانىڭ قۇنى 170 مىڭنان باستالىپ, 1,7 ملن تەڭگەگە دەيىن جەتەدى.
2015-2018 جىلدارى «تراۆماتولوگيا جانە ورتوپەديا» بويىنشا جوعارىتەحنولوگيالى مەديتسينالىق قىزمەت سانى 3360-تان 3813 ءوستى. مىسالى, تىزە بۋىنىن ەندوپروتەزدەۋ - 470-تەن 594, جامباس بۋىنى – 712-دەن 741, ارتروسكوپيالىق وپەراتسيا – 1247-دەن 1288 ارتقان.
سونداي-اق, تراۆماتولوگيا جانە ورتوپەديا عىلىمي-زەرتتەۋ ينستيتۋتىندا شەمىرشەك ءتىنىن وسىرۋدە كلەتكالىق تەحنولوگيانى پايدالانۋ دا دامىپ كەلەدى.
ەسكە سالا كەتەيىك, قر دسم تراۆماتولوگيا عىلىمي-زەرتتەۋ ينستيتۋتى عىلىمي-تاجىريبەلىك جانە ۇيىمداستىرۋ-ادىستەمەلىك ورتالىق بولا وتىرىپ, ءوز سالاسىندا كوشباسشىلىق ورىن الادى جانە توعزي بازاسىنىڭ وزىندە عانا ەمەس, سونداي-اق وڭىرلەرگە ساپارلاردا وقىتۋ ماستەر-كلاستارىن وتكىزۋ جولىمەن كادرلىق الەۋەتتى دامىتۋدى جۇزەگە اسىرىپ جانە پراكتيكالىق مەديتسينادا يننوۆاتسيالىق ادىستەردى ەنگىزە وتىرىپ قر ورتوپەديالىق-تراۆماتولوگيالىق قىزمەتتى دامىتۋعا ايتارلىقتاي ۇلەس قوسادى.
ينستيتۋتتا اشىلعان كۇنىنەن باستاپ جوعارى تەحنولوگيالى وپەراتسيالار, سونىڭ ىشىندە تۇراقتى نەگىزدە تىزە جانە يىق بۋىندارىنا ارتروسكوپيالىق ارالاسۋلار ورىندالادى (بۋىننىڭ ىشكى بولىگىنىڭ زاقىمدانۋىن دياگنوستيكالاۋ جانە/نەمەسە ەمدەۋ ماقساتىندا جۇزەگە اسىرىلاتىن از ءينۆازيۆتى حيرۋرگيالىق مانيپۋلياتسيا. 1 سم تىلىك ارقىلى جۇرگىزىلەدى). 2018 جىلى توعزي بازاسىندا اسىرەسە رەكونسترۋكتسيالاۋ سيپاتتا 1288 اسا ارتروسكوپيالىق ارالاسۋلار ورىندالدى.
سونداي-اق شەمىرشەك ءتىنىنىڭ پاتولوگياسىن تۇزەتۋدە جاسۋشالىق تەحنولوگيا بەلسەندى ازىرلەنىپ ەنگىزىلۋدە (پاتسيەنت ءتىنىنىڭ بازاسىندا جاسۋشالاردى ءوسىرۋ). ۇلتتىق بيوتەحنولوگيا ورتالىعىمەن بىرگە سينوۆيالدى قابىقتىڭ اۋتولوگيالىق مەزەنحيمالدى ءدىڭ جاسۋشالارىن ءوسىرۋ ادىستەمەسى ازىرلەندى, كلينيكاعا دەيىنگى زەرتتەۋلەر كەزەڭى ءوتتى, قازىرگى ۋاقىتتا كلينيكالىق تاجىريبەگە ەنگىزۋ جۇرگىزىلۋدە.
