اتالعان فورۋمعا اتۋ-دىڭ ءار جىلدارداعى تۇلەكتەرى – قازىرگى وندىرىستىك كومپانيالاردىڭ باسشىلارى, جەكە كاسىپكەرلەر, ونەر ادامدارى شاقىرىلدى. تۇلەكتەر فورۋمىن وتكىزۋدىڭ نەگىزگى يدەياسى – ۋنيۆەرسيتەت پەن تۇلەكتەر اراسىنداعى بايلانىستى نىعايتا وتىرىپ, ۋنيۆەرسيتەتتى ءار جىلدارى بىتىرگەن ۇرپاقتاردىڭ باس قوسۋى.
العاشقى ءسوز الماتى تەحنولوگيالىق ۋنيۆەرسيتەتىنىڭ رەكتورى, اكادەميك تالعات قۇلاجانوۆقا بەرىلدى. "وقۋ وردامىزدىڭ تۇلەكتەرى – ءبىزدىڭ ماقتانىشىمىز. وسى ۋاقىتقا دەيىن ءبىز تەحنولوگيالىق ماماندىقتار بويىنشا بىلىكتى ماماندار دايىندادىق. ولار رەسپۋبليكامىزدىڭ ەكونوميكاسىن, الەۋەتىن جاقسارتۋ ءۇشىن ءوز ۇلەستەرىن قوسۋدا. اتۋ-دا ءبىلىم العان ءاربىر ستۋدەنت بىلىكتى مامان بولىپ, كاسىبي دەڭگەيگە جەتىپ, ءوز مانسابىن جاسادى. تۇلەكتەرىمىز رەسپۋبليكامىزدىڭ تۇكپىر-تۇكپىرىندە قىزمەت اتقارۋدا. ءبىز ءاربىر تۇلەگىمىزبەن ماقتانامىز!", - دەپ رەكتور اتۋ تۇلەكتەرىنە جىلى لەبىزىن جەتكىزدى.
بۇدان كەيىن اتۋ تۇلەگى, بەلگىلى اكتەر, پروديۋسەر فارحاد ابدرايموۆ ساحناعا شىقتى. ول كەلگەن قوناقتاردى قۇتتىقتاي وتىرىپ, ءوزى ءبىلىم العان وقۋ ورداسىنا العىسىن ءبىلدىردى. كەلەسى قۇتتىقتاۋ ءسوز 2017-جىلعى «قازاقستان ارۋى», 2008-جىلى «الەم ارۋى», «Miss Global International - 2011» سۇلۋلىق بايقاۋىنىڭ جەڭىمپازى, ۋنيۆەرسيتەت تۇلەگى الفينا ناسىروۆاعا بەرىلدى. فورۋمعا كەلگەن قوناقتار مەن ۋنيۆەرسيتەت تۇلەكتەرىنە ريزاشىلىعىن بىلدىرگەن الفينا ناسىروۆا الماتى تەحنولوگيالىق ۋنيۆەرسيتەتىندە ءبىلىم العانىن ماقتانىش تۇتاتىنىن ايتتى.
كەلەسى بولىپ ساحناعا اتۋ قامقورشىلىق كەڭەسىنىڭ توراعاسى, قازاقستاننىڭ تاعام كاسىپورىندارىنىڭ ۆيتسە-پرەزيدەنتى, اتۋ تۇلەگى مارينا سابراليەۆا, اتۋ قامقورشىلىق كەڭەسىنىڭ مۇشەسى, «بەككەر ي ك» جشس كونديتەرلىك ونىمدەر جانە نان ءپىسىرۋ ءوندىرىسىنىڭ ديرەكتورى ناسيما قاليەۆا, اتۋ قامقورشىلىق كەڭەسىنىڭ مۇشەسى, اتۋ پروفەسسورى, قازاقستاننىڭ جەڭىل ونەركاسىپ كاسىپورىندارى قاۋىمداستىعىنىڭ پرەزيدەنتى ليۋبوۆ حۋدوۆا شىعىپ, فورۋمعا كەلگەن قوناقتارعا ءوز قۇتتىقتاۋلارىن جەتكىزدى. ايتا كەتەيىك, اتۋ قامقورشىلىق كەڭەسى ءبىلىم ساپاسىن ارتتىرۋعا, سونداي-اق, ۋنيۆەرسيتەت ستۋدەنتتەرى ءۇشىن تاجىريبەدەن وتۋگە ءوز ىقپالدارىن تيگىزىپ ءجۇر.
اتۋ تۇلەگى, ءانشى ەرلان ورىنباساروۆ ستۋدەنتتىك شاقتاعى قىزىقتارىمەن بولىسە وتىرىپ, جارى بايان نۇرمىشەۆا ەكەۋى اسەم اندەرىمەن شارانىڭ ءسانىن كىرگىزدى.
فورۋم بارىسىندا جۇرگىزۋشىلەر قوناقتارعا اتۋ قامقورشىلىق كەڭەسىنىڭ باستاماسى بويىنشا قۇرىلعان «ەنداۋمەنت اتۋ» كورپوراتيۆتىك قورىنىڭ جۇمىسىن ايتىپ ءوتتى. قوردىڭ قارجى رەسۋرستارى تالانتتى جاستاردى, عىلىمي زەرتتەۋلەردى, الەۋمەتتىك جاعىنان وسال توپتاردى قولداۋ جانە باسقا دا ماڭىزدى ماقساتتارعا جۇمسالادى. وسى ۋاقىتقا دەيىن قوردىڭ قالىپتاسۋىنا ەلەۋلى ۇلەس قوسقان سەرىكتەستەر - «KassanovInvestmentGroup (KIG)» كومپانيالارىنىڭ باسشىسى زياتدين كاسانوۆ, «ەفەس كازاحستان» كومپانياسىنىڭ باس ديرەكتورى ومەر ۋميت, «باحۋس» اق-نىڭ باس ديرەكتورى اناتولي كيسەلەۆ جانە الماتى تەحنولوگيالىق ۋنيۆەرسيتەتىنىڭ وقۋ-ادىستەمەلىك جۇمىستار جونىندەگى پرورەكتورى, تەحنيكا عىلىمدارىنىڭ دوكتورى, پروفەسسور لياززات بايبولوۆا. اتالعان سەرىكتەستەرگە «ەنداۋمەنت اتۋ» قورىنىڭ اتىنان «التىن مەتسەنات» ماراپاتى تابىستالدى.
بۇدان سوڭ ساحناعا «ەنداۋمەنت اتۋ» كورپوراتيۆتىك قورىنىڭ ستارتاپ-جوبالارى مەن بايقاۋلارىنىڭ جەڭىمپازدارى ورتاعا شاقىرىلدى. اتاپ ايتقاندا, ەنداۋمەنت اتۋ» كورپوراتيۆتى قورى «كەتتىك قازاقستان» ستارتاپ جوباسىنىڭ جەڭىمپازى, تاعام وندىرىستەرى فاكۋلتەتىنىڭ 2018-جىلعى تۇلەگى نۇرسۇلتان ەسىركەپوۆ, «ITSolutioncentre» ستارتاپ جوباسىنىڭ جەڭىمپازى, ينينيرينگ جانە اقپاراتتىق تەحنولوگيالار فاكۋلتەتىنىڭ تۇلەگى نۇرجان جۇماحان, «ۇزدىك ستۋدەنت» بايقاۋىنىڭ جەڭىمپازدارى تاعام وندىرىستەرى فاكۋلتەتىنىڭ ستۋدەنتى يسلام گابدۋلحالي جانە ەكونوميكا جانە بيزنەس فاكۋلتەتىنىڭ ستۋدەنتى يسلام سەيتحازين ورتاعا شىعىپ, «ەنداۋمەنت اتۋ» قورىنا ريزاشىلىقتارىن ءبىلدىردى.
شارا بارىسىندا "ەنداۋمەنت اتۋ" قورى جانىنداعى تۇلەكتەر قاۋىمداستىعى مەن قامقورشىلىق كەڭەسىنىڭ باستاماسىمەن روديك گايكوۆيچ مناتساكانيان اتىنداعى ماقساتتى كاپيتال اشىلعاندىعى تۋرالى قوناقتارعا حابارلاندى. كەلەسى بولىپ ساحناعا ارمەنيا رەسپۋبليكاسىنىڭ الماتى قالاسىنداعى كونسۋلىنىڭ كومەكشىسى ارام ناۆاسارديان شىعىپ, قوناقتارعا قۇتتىقتاۋىن جەتكىزدى.
شارا بارىسىندا ۋنيۆەرسيتەتتىڭ تالانتتى ستۋدەنتتەرى ءان جانە بي ونەرلەرىن ورتاعا سالدى. ۋنيۆەرسيتەت ستۋدەنتتەرىنەن قۇرىلعان «تۇمار» بي ءانسامبلى دە مىڭ بۇرالعان بيلەرىمەن كورەرمەننىڭ ىقىلاسىنا بولەندى. سونداي-اق, فورۋم اياسىندا «ءوز جولىڭدى تاڭدا!» اتتى ۇلەكتەر جارمەڭكەسى ءوتتى. جىل سايىن وتەتىن اتۋ تۇلەكتەرىنىڭ جارمەڭكەسى – ۋنيۆەرسيتەت پەن جۇمىس بەرۋشىلەر اراسىنداعى ىنتىماقتاستىقتىڭ ءتيىمدى تۇرىنە اينالىپ كەلەدى. جارمەڭكەنىڭ نەگىزگى ماقساتى – تۇلەكتەر مەن جۇمىس بەرۋشىلەردى كەزدەستىرۋ.
فورۋم اتۋ ستۋدەنتتەرىنەن قۇرالعان ۆوكال ۇيىرمەسىنىڭ قاتىسۋشىلارىنىڭ ورىنداۋىنداعى «اتامەكەن» انىمەن اياقتالدى. كەلگەن قوناقتار مەن تۇلەكتەر فورۋمنان كوڭىلدەرى كوتەرىڭكى كۇيدە تارادى.
