«ازيا چەمپيوناتىنا دايىندىق ءوز مارەسىنە جەتىپ قالدى, دەسەك تە تولىق بولدى. جارىس الدىندا ناتيجە تۋرالى ايتۋدى مەن ۇناتپايمىن. ويتكەنى, ءوزىڭدى قالاي كورسەتەتىنىڭدى جانە ءبارى قالاي بولاتىنىن ەشقاشان بىلمەيسىڭ عوي. وسى دودادا جاقسى ونەر كورسەتكەن سوڭ, الەم چەمپيوناتىنا قاتىسۋ ءۇشىن بارىمدى سالاتىن بولامىن. مەن تەك جوعارى ناتيجەلەرگە ۇمتىلامىن جانە ءوز ماقساتىما جەتۋ ءۇشىن قولدان كەلگەنىن جاسايمىن.
مىسالى, قازىر جاتتىعۋلار نون-ستوپ رەجيمىندە ءوتىپ جاتىر. الايدا ستارت الدىندا وزىمە قويىلعان سالماقتى ءسال ازايتتىق. سەبەبى, ماۋسىمنىڭ باسى - بۇل ءاردايىم تولقۋلى ءسات جانە سەن شىن مانىندە نەگە دايىن ەكەنىڭدى بىلمەيسىڭ. جالپى العاندا, دايىندىق جەمىستى ءوتتى دەۋگە بولادى. ەڭ باستىسى - جاراقات جوق. ال الەم چەمپيوناتىنان كەيىن وليمپيادا تۋرالى ويلاۋعا دا بولادى. سول جاقتا, قۇداي قالاسا, ءوزىمدى جوعارى دارەجەدە كورسەتەمىن»,- دەيدى ميحينا.
ەستەرىڭزىگە سالا كەتسەك, ازيا چەمپيوناتىنىڭ جەڭىمپازدارى بىردەن 2019 جىلعى الەم چەمپيوناتىنىڭ قاتىسۋشىسى اتانادى. كونتينەنتالدىق چەمپيوناتتا قازاقستاندى 25 سپورتشى تانىستىرادى.
