قالا اكىمى باقىت سۇلتانوۆ 20 ساۋىرگە جوسپارلانعان جالپىقالالىق سەنبىلىكتىڭ كەيىنگە شەگەرىلگەنى تۋرالى Facebook پاراقشاسىندا حابارلادى.
«قۇرمەتتى استانالىقتار مەن قالا قوناقتارى! ءبىزدىڭ قالاداعى اۋا رايىن بولجاۋ مۇمكىن ەمەستىگىن بىلەسىزدەر. وكىنىشكە وراي, ەرتەڭ دە ەلوردامىزدا كۇن رايى سۋىق بولىپ, جاڭبىر جاۋادى دەپ كۇتىلۋدە. مۇنداي كۇن رايىندا كوشەگە شىعىپ, تازالىق ناۋقانىن, اعاش وتىرعىزۋ شارالارىن جۇرگىزۋ مۇلدە ىڭعايسىز. اۋا رايىنىڭ قولايسىزدىعىن ەسكەرە وتىرىپ, مەن العاشقى جالپىقالالىق سەنبىلىكتى وتكىزۋ كۇنىن اۋىستىرۋدى ۇسىندىم», – دەپ جازدى باقىت سۇلتانوۆ.
«قالا تۇرعىندارىنىڭ كوبىسى ەرتەڭگى تازالىق اكتسياسىنا بەلسەنە قاتىسۋعا نيەت بىلدىرگەنىن مەن جاقسى بىلەمىن. مەن سىزدەردى وسى رايلارىڭىزدان قايتپاۋعا شاقىرامىن. نۇر-سۇلتان قالاسىنداعى جىلى اۋا رايى بارشامىزدى جاقىن ارادا قايتا قۋانتىپ, ءبىزدىڭ جالپىقالالىق سەنبىلىكتە بىرلەسىپ, ءوز ۋاقىتىمىزدى كوڭىلدى ءارى پايدالى وتكىزۋىمىزگە سەپ بولادى دەپ ۇمىتتەنەمىن!», – دەپ قوستى قالا اكىمى.
جالپىقالالىق سەنبىلىكتى وتكىزۋ ۋاقىتى تۋرالى قوسىمشا حابارلاناتىن بولادى.
