2019 جىلى جوعارى ءبىلىم بەرۋ سالاسىنا ەرەكشە نازار اۋدارىلىپ وتىر. بۇگىندە «ادالدىق الاڭى» جوبا كەڭسەلەرى رەسپۋبليكا بويىنشا ادالدىق پەن ادەپ قاعيداتىن ناسيحاتتاپ ءجۇر. بارلىق جەردە ساتۋشىسىز جۇمىس جاسايتىن ادالدىق دۇكەندەرى اشىلۋدا. كەز كەلگەن ادام قالاعان زاتىن الىپ, ارنايى كاسساعا ءتيىستى قارجىنى سالادى. نۇر-سۇلتان قالاسىنىڭ بارلىق جوعارى وقۋ ورىندارىندا وسىنداي دۇكەندەر اشىلدى, دەدى ول.
جوبا جەتەكشىسى وسىنداي جولمەن جاس جەتكىنشەكتەر ادىلدىكتى بويىنا ءسىڭىرىپ وسەدى دەپ سەنەتىنىن باسا ايتتى.
سونداي-اق, ەلوردانىڭ بارلىق جوعارى وقۋ ورىندارىندا ارنايى حالىققا قىزمەت كورسەتۋ ورتالىقتارى اشىلدى. بۇل ورتالىقتاردا ستۋدەنتتەر مەن تالاپكەرلەر ۋنيۆەرسيتەتتىڭ بارلىق قىزمەتتەرىن جىلدام ءارى تەز الا الادى. ءبىرىنشى جانە ەكىنشى كۋرس ستۋدەنتتەرىنە ارنالعان «سىبايلاس جەمقورلىققا قارسى مادەنيەتتىڭ نەگىزدەرى» تاڭدامالىق ءپانى جۇمىس ىستەيدى, دەدى ج.جىلقىشيەۆا.
ونىڭ اتاپ وتۋىنشە, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتىنىڭ ماماندارى ستۋدەنتتەرگە تۇراقتى نەگىزدە ءدارىس وقيدى.
جوبا كەڭسەسى اگەنتتىكتىڭ ەلوردالىق دەپارتامەنتىمەن بىرلەسىپ, سىبايلاس جەمقورلىققا قارسى تاقىرىپتا ءىس-شارالار: شىعارماشىلىق كونكۋرستار, دەبات ويىندارى, سپورتتىق سايىستار وتكىزىپ تۇرادى, دەدى جوبا جەتەكشىسى.
